Мугалим сабакта. Архив

Атактуулар белгилүү болгонго чейин эмне иш кылышкан

450
(жаңыланган 13:25 16.06.2015)
Кыргыздын айрым төбөсү көрүнгөн инсандары азыркы атакка ээ болуусуна чейин эмне менен алек болуп келгенине Sputnik кызыкты.

БИШКЕК, 16-июнь — Sputnik. Президент Алмазбек Атамбаев 15-июнь күнү аскер кызматкерлери үчүн курулган турак-үйлөрдүн ачылыш аземинде үй-бүлөсүн багыш үчүн түркүн кесипти аркалаганын билдирди. "Үй-бүлөмдүн курсагын тойгузуу үчүн короо шыпырдым, жүк ташыдым, от да жактым", — деди өлкө башчысы. 

Sputnik агенттиги кыргыздын айрым төбөсү көрүнгөн инсандары азыркы атакка ээ болуусуна чейин эмне менен алек болуп келгенине кызыкты.

Премьер-министр Темир Сариев эмгек жолун 20 жашында баштаган. 1983-жылы Аламүдүн тери фабрикасына экспедитор болуп кызматка кирген. Болочок өкмөт башчы жүктөрдү коштоп, документтерди толтурчу.

Вице-премьер-министр Дамира Ниязалиева 22 жашынан баштап Токмоктогу медициналык кесиптик окуу жайында фармакология жана латын тилинен сабак берген.

Депутат Жылдызкан Жолдошева 19 жашынан тартып иштей баштаган. Инженерликти аркалаган болочок депутат Памир Тракты башкармалыгында эки жылдай эмгектенген.

Анын кесиптеши Бөдөш Мамырова эмгек жолун 27 жашында баштаган. Ал 11 жыл улуттук изилдөө институтунда лаборант болуп иштеген. Андан соң агроном, кенже илимий кызматкер болгон.

Депутат Зайырбек Жоошбеков Макаренко атындагы орто мектепте орус тилинен сабак берип 7 жылдык өмүрүн арнаган. 

Ал эми депутат Жусупали Исаев эмгек жолун 15 жашында Кулунду колхозунда жумушчу болуп иштөөдөн баштаган.

КР мурунку энергетика жана өнөр жай министри Осмонбек Артыкбаевдин аркалаган кызматтарынын көптүгү таң калтырды. Слесарлыктан баштаган экс-министр үчүнчү класстагы суучул болуп да эмгектенген.

Белгилүү алып баруучу Салтанат Саматованын тизмеси да өзгөчө. Медицина институтунун морфокорпусунда лаборант болуп иштеп, пол жууп тим болбостон, студенттерге көрсөтүү үчүн адам сөөктөрүн да ары-бери ташыган.

Актер Камчы Сарыбаев көп кесипти аркалаган. Базарда отуруп алма сатып, барда иштеп, автобуста билеттерди текшерген кондуктор да болгон.

Ырчы Зарина Хасанова 18 жашында "Слово Кыргызстана" мамлекеттик гезитинин штаттан тышкаркы кабарчысы катары иштеген.

450
Белгилер:
Алмазбек Атамбаев, Темир Сариев, Дамира Ниязалиева, Бөдөш Мамырова, Айылчы Сарыбаев, Осмонбек Артыкбаев, Талантбек Исаев, Салтанат Саматова, Жоошбеков, Хасанова
Тема боюнча
Депутаттар бир күндүк айлыгын согуш ардагерлерине которууну демилгелешти
Депутат журналисттердин кийингенине, ары-бери басканына нааразы болду
Саламаттык сактоо министрлигинин штаттан тышкаркы башкы фармакологу Жылдыз Жумагулова

Жумагулова: онкологияга чалдыккандарга кан тапшырып жардам кылса болот

0
Саламаттык сактоо министрлигинин штаттан тышкаркы башкы фармакологу Жылдыз Жумагулова онкологиялык илдетке чалдыккандарга жылдап дарыланууга туура келерин белгиледи.

Онкологияга чалдыккандар дары-дармек, медициналык жабдуу алуу үчүн каржылык жана кан донорлорунун жардамына муктаж. Бул тууралуу Жылдыз Жумагулова Sputnik Кыргызстан радиосунда маек куруп жатып билдирди.

Жумагулова: онкологияга чалдыккандарга кан тапшырып жардам кылса болот

Анын айтымында, онкологияга чалдыккандар үчүн өкмөт тарабынан каржы бөлүнөт, бирок ал жетишсиз.

"Кыргызстандын фармацевтикалык рыногу чакан болгондуктан көп компаниялар акыркы чыккан дарыларды алып келүүгө кызыкдар эмес. Башка ооруларга салыштырмалуу онкологияга чалдыккандар жылдап дарыланат. Ошондуктан бир жылга ченеп алынган дарылар кээде жетишсиз болуп калат. Мындан тышкары, медициналык жабдууларга дагы муктаждык күч. Мына ушул көйгөйлөрдү чечүү үчүн элдин көмөгү зарыл. Мисалы, балага диагноз коюлганда ата-энеге психологиялык дагы көмөк керек. Анткени муну кабыл алуу абдан оор болот. Ошондой эле тромбоциттик масса менен камсыздоонун наркы дагы жогору. Анткени ал он чакты донордун канынан даярдалат. Ошондуктан мүмкүнчүлүгү барлар онкологиялык илдетке чалдыккандарга деп кан тапшырса, бул дагы бир адамдын өмүрүн сактаганга жардам болот. Мындан тышкары, өлкөдө полиативдик көмөк дагы жөнгө салынган эмес. Аталган дартка чалдыккандар толук кандуу сакайбай калган учурлар кездешет. Онкологиялык илдетте чыдатпаган оору болот. Аны басаңдатуу үчүн наркотикалык багыттагы дарылар жазылат. Аны рецептсиз жок алуу мүмкүн эмес. Айрым медиктер муну жазып бербей койгон учурлар кездешет. Мына ушул багыттагы көмөктү дагы жолго салуу зарылдыгы бар", — деди Жумагулова.

Ошондой эле ал онкологиялык ооруга чалдыккандар табыптарга барып, дарыгерлерге кеч кайрылып калган учурлар да болуп жатканын кошумчалады.

Белгилей кетсек, Sputnik Кыргызстан радиосу онкологиялык илдетке кабылган балдарга жардам берүү максатында башталган алгачкы ири радиомарафонго катышты. Чогулган каражат долбоордун алкагында оорулууларга жана аларды дарылап жаткан дарыгерлерге жумшалат.

Подкасттын толук вариантын видеодон көрүңүз:

 

0
Тема боюнча
Арзыкулов: онкологиялык ооруга кабылган балдарга ар бир адам жардам бере алат
COVID-19 вакцинасын алган улгайган адам. Архив

Кубалык адистер "омикронго" каршы вакцина иштеп чыга баштады

5
(жаңыланган 11:23 01.12.2021)
Буга чейин ДССУ шашылыш отурум өткөрүп, анын жыйынтыгы менен коронавирустун Түштүк Африкада пайда болгон жаңы вариантын классификациялоо чечимин кабыл алган. B.1.1.529 жаңы штаммы грек тамгасы менен "омикрон" деп аталган.

БИШКЕК, 1-дек. — Sputnik. Кубадагы BioCubaFarma биотехнологиялык компаниялардын тобу коронавирустун "омикрон" деп аталган жаңы штаммы жукканда кандай болуп жаткандыгы боюнча отчётторду тыгыз карап чыгып, ага каршы атайын вакцина иштеп чыгууда. Бул тууралуу РИА Новости жазды.

Агенттик жогорудагы маалыматты холдингдин президенти Эдуардо Мартинестин айткандарына таянып билдирген.

"Омикрон" деп аталган жаңы штамм жукканда кандай болорун көңүл коюп байкап жатабыз. Ага каршы атайын вакцинаны иштеп чыгуудабыз, аны тез арада жасайбыз. Эми башкысы, күчтөндүргөн дозасын кошкондо эмдөө иштерине көз салуу керек жана COVID-19га байланыштуу санитардык чараларды сактоо өтө маанилүү", — деп жазган Мартинес өзүнүн Twitter блогуна.

Буга чейин Дүйнөлүк саламаттык сактоо уюму шашылыш отурум өткөрүп, анын жыйынтыгы менен коронавирустун Түштүк Африкада пайда болуп, тынчсыздандырып жаткан жаңы вариантын классификациялоо чечимин кабыл алган. B.1.1.529 жаңы штаммы грек тамгасы менен "омикрон" деп аталган. Медицина боюнча дүйнөлүк ассоциациянын төрагасы Франк Ульрих Монтгомери "омикрон" кооптуулугу менен Эбола вирусу же "дельта" штаммы сыяктуу болуп кетиши мүмкүн деп түйшөлгөнүн айтты.

Маалыматтарга караганда, Кубада коронавирустун жаңы тибине каршы элдин 82,2 пайызы эмделген. Ал жакта 2 жаштан өйдөгүлөрдүн саны 9,19 миллион киши дешти.

Кубанын окумуштуулары COVID-19га каршы төтр вакцина эсептеп чыгышкан. Финли вакцина институту иштеп чыккан эки препараттан (Soberana 01 жана Soberana 02) сырткары, Гендик инженерия жана CIGB биотехнологиялар борбору эки вакцинаны изилдеп жатат. Алар — тамчылатма Mambisa жана инъекциялык Abdala. Баштапкы Soberana 01 жана Soberana 02 көп санда чыгарылып, жапырт эмдөөгө колдонуу стадиясында турат.

5
Белгилер:
Куба, Дүйнөлүк саламаттыкты сактоо уюму, 'омикрон' штаммы, коронавирус, вакцина
Тема:
Дүйнөгө жайылган коронавирус
Тема боюнча
"Омикрон" штаммынан коргонуунун жападан жалгыз жолу айтылды
Кыргызстанга кирүүдө 1-декабрдан тарта ПЧР-тест талап кылынат
Казакстан өлкөгө кирүү эрежесин катаалдаштырып, чектөө киргизет