Сыналгынын пульту. Архив

Сариев: Санарипке өтүү мамлекеттин приоритеттүү милдети

109
(жаңыланган 14:05 17.06.2015)
Чүй, Ош жана Жалал-Абад облустарынын 43 пайыз калкына жеткиликтүү болгон экинчи мультиплекс ишке киргизилип, анда Россиянын ОРТ жана Россия-Планета телеканалдары ачык форматта көрсөтүлөт.

БИШКЕК, 17-июнь — Sputnik. Премьер-министр Темир Сариев "Телеберүү толкундарын таратуучу республикалык өндүрүштүк бирикме" (ТТТРӨБ) ААКда болуп, телерадиоберүүнү санарипке өткөрүү Программасы боюнча иштердин жүрүшү менен таанышты.

Премьер КТРК жана ЭлТР телеканалдары эфирге чыгуучу жаңы спутник комплексин көрдү деп өкмөттүн маалымат кызматы билдирет. Аталган спутник 70,5 градус бийиктикте жайгашып, 14 өлкөгө ишенимдүү сигнал жеткире алат. 

Мындан тышкары, Сариев биринчи мультиплекске кирген телеканалдардын Социалдык пакети жайгашкан жабдыктарды жана санариптик өткөргүчтөрдүн картасын көрдү.

КР Маданият, маалымат жана туризм министрлиги (ММТМ) тарабынан түзүлгөн социалдык пакетке азыркы учурда 8 канал — КТРК, ЭлТР, 5-канал, Мир, Пирамида, Баластан, Маданият жана бир облустук канал кирет. КР президентинин жана КР өкмөтүнүн аппаратынын тапшырмасы менен аталган министрлик КР өкмөтүнүн токтомуна дагы 4 каналды — Спорт (КТРК), Музыка (КТРК), Ден соолук (Здоровье) (ЭлТР) жана ОшТВ телеканалдарын кошуу тууралуу өзгөртүү киргизүүдө.

Ошондой эле "ТТТРӨБ" ААКда Чүй, Ош жана Жалал-Абад облустарынын 43 пайыз калкына жеткиликтүү болгон экинчи мультиплекс ишке киргизилип, анда Россиянын ОРТ жана Россия-Планета телеканалдары ачык форматта көрсөтүлөт.

"Өлкөнү санариптик телеберүүгө өткөрүү — КР Конституциясы менен кепилденген маалымат коопсуздугун жана жарандардын маалымат алуусунун жеткиликтүүлүгүн камсыздоосу боюнча мамлекеттин приоритеттүү милдеттеринин бири", — деди премьер-министр.

ММТМ билдиргендей, мамлекеттик буюртманын алкагында даярдалган жалпы узактыгы 2587 мүнөткө барабар (43 саат, 11 мүнөт) кыргыз жана орус тилдеринде 84 телепрограмма, 6 документалдык фильм, 37 социалдык ролик, 16 ток-шоу башталды. 

Мындан сырткары, Социалдык пакетке кирген 7 талеканал тарабынан 2015-жылы соцпакетте катышуу келишимине ылайык, жалпы көлөмү 105 сааттык контент, облустук ТРКлар тарабынан жалпы 52,5 сааттык контент өндүрүлөт. Жыйынтыгында бул жылы 200 саат көлөмүндөгү улуттук аудиовизуалдык продукция өндүрүлөт.

"Санарипти жандыр!" урааны алдында Кыргызстанда санарипке өтүү жаатында калк үчүн улуттук маалымат кампаниясы улантылып жатат. Анын алкагында аудио жана видео роликтер көргөзүлүп, www.sanarip.kg расмий сайты жана 1212 тынымсыз  телефондук байланышы иштеп жатат. 

Аталган кампаниянын негизги мааниси — калктын DVB-T2 MPEG4 стандартындагы ресиверлерин же ушундай стандарттагы орнотулган тюнери бар сыналгыларды өз убагында сатып алуусунда.

109
Белгилер:
Кыргызстан, Темир Сариев, КТРК, РТР, 'Баластан', Маданият, маалымат жана туризм министрлиги, ЭлТР, 5-канал, Мир, Пирамида, ОРТ, Телеберүү толкундарын таратуучу республикалык өндүрүштүк бирикмеси, санариптик телекөрсөтүү, телеканал
Тема:
Кыргызстанда санариптик телеберүүгө өтүү (17)
Тема боюнча
Санариптик телеберүүгө өтүү боюнча маалыматтык кампания башталды
Санариптик ТБнын соцпакетинде азырынча россиялык телеканалдар болбойт
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

203
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

203
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
Тоолуу аймак. Архивдик сүрөт

Дүйшөмбүгө карата аба ырайы

216
18-октябрда өлкөнүн дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 17-окт. — Sputnik. Дүйшөмбүдө күндүз кээ бир райондордо жаан, тоолуу райондордо кар жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +15…+20, Талас, Ысык-Көл, Нарын өрөөндөрүндө +14…+19, Ош, Жалал-Абад, Баткен аймактарында +20…+25 градусту көрсөтөт.

Күндүн табы Бишкекте +18…+20, Ош шаарында +23…+25 градус болот.

216
Белгилер:
аба ырайы, октябрь, Кыргызстан
Тема боюнча
Жаан жаабайбы? Бир жумага карата аба ырайы