Чет элдик күйөрмандар Кыргызстан-Австралия. Архив

Чет элдиктер КРда өткөн футбол оюну тууралуу: мыкты күйөрмандар жана сулуу кыздар

1373
(жаңыланган 17:48 18.06.2015)
Трибунадагы жана стадион сыртында калган кыргызстандык күйөрмандардын колдоосу дүйнө боюнча кызуу талкууга алынып жатат. Sputnik агенттиги алыстан атайы Кыргызстан-Австралия беттешүүсүн көрүү үчүн келген чет элдиктердин пикирин жарыялайт.

БИШКЕК, 18-июнь — Sputnik. Кыргызстан-Австралия беттешүүсү күйөрмандар үчүн футболун чыныгы майрамына айланды. Буга чейин мындай ири иш-чара азербайжандык атаандаштар келгенде болгон.

Австралия менен болгон оюн Кыргызстандын курама командасы үчүн жүзүнчү эл аралык беттешүү болду. Кубанычтуу майрамдын маанисин биодааратканалардын чатырына чыгып алган, билети жогунан улам бактарга чыгып стадиондон орун алган күйөрмандардын осол тартиби бузду. Атайы билет сатып алгандардын көбү оюнга кире албай сыртта калды.

Күйөрмандардын тартиби тууралуу социалдык тармактардын пайдалануучулары, ММК узун-туура кеп кылышты. Футбол федерациясы, Дене тарбия жана спорт агенттиги, ИИМ оюнду уюштуруудагы баш аламандыкка күнөөлүүнү таппай убара. Президент да, премьер-министр да уюштуруучуларга нааразы…

Оюндун терс жактарын айта берип, бийчи күйөрман менен жалпы элдин колдоосунан башка маңдай жылыта турган сөз болбой калды. 

Ал арада Себастьян Хасет аттуу  австралиялык жаран Twitter социалдык тармагындагы баракчасына кыргызстандыктар Азиядагы эң мыкты күйөрмандар экенин жазып чыккан. Мунун далили катары ал өз постуна кыргыз фанаттары түшүрүлгөн видеону кыстарган.

"Кыргызстан, Кыргызстан!" деген ураан көптөгөн чет элдик меймандар жана журналисттер тарабынан жогору бааланды. Британиянын Guardian гезитинин корреспонденти оюндан кийинки абалды, күйөрмандардын бакка чыкканын жазган. Ошону менен бирге кыргызстандыктардын кызуу колдоосун да белгилеп, Иордания менен болгон беттешүүдөн кийин жергиликтүүлөр Австралиянын оюнчуларын ташка алганын жазат. Кыргызстанда мындай болгон жок, дейт журналист.

Джек Керр Sputnik агенттигине оюн башталар алдында Бишкектин аба ырайы жана кыздары абдан жакканын билдирген. Ошону менен бирге Кыргызстандын командасы ири эсеп менен утула турган алсыз деп айтууга болбой деп белгилеген.

Өз командасын колдоо үчүн келген австралиялык Марк шаардын өзүндө да, трибунада да өкүм сүргөн жагдай ага абдан жакканын айтты.

"Бир гана маселе – оюнга араң дегенде кирдим. Адам абдан көп болду. Беттешүү жакты, эки команда тең мыкты оюн көрсөттү. Күйөрмандарыңар укмуш экен", — деди Марк оюндан кийин мейманканаг шашып баратып. 

Кыргызстан – Австралия беттешүүсү 16-июнда болуп өттү. 1:2 эсеби менен аяктаган оюнга болжол менен 18 миң адам келди.

1373
Белгилер:
Австралия, Кыргызстан
Тема:
Кыргызстан – Австралия беттеши (27)
Тема боюнча
Султамбаев: оюн маалында биздин кызматкерлер стадиондун эшигин жапкан эмес
Жанар Акаев: президент футбол таймашын уюштуруудагы кемчиликтерге ачууланды
КРдин Футбол боюнча федерациясы: матчтын билеттеринин акчалары кайтарылат
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов

Мамытов: быйыл 13 айыл чарба техникасы лизингге берилди

6
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов республика боюнча 80 миңге чукул ар кандай үлгүдөгү айыл чарба техникасы бар экенин билдирди.

2011-жылдан бери 3 281, ал эми байыл 13 айыл чарба техникасы лизингге берилген. Бул тууралуу Алишер Мамытов Sputnik Кыргызстан радиосуна маек куруп жатып билдирди.

Мамытов: быйыл 13 айыл чарба техникасы лизингге берилди

Анын айтымында, өлкөдө 22 миң 100 трактор, 2 миң 200 дан комбайны, 17 миң 400 тиштүү мала, 2 миң 800 үрөн сепкич, 3 миңге чукул чөп чапкыч, 2 миңге чукул пресс жыйнагыч жана башка техника бар.

"Учурда алты лизинг долбоору бар. Бул долбоор 2011-жылдан бери иштеп жатат. Ошол убакыттан бери жалпы 5 миллиард 35 миллион сомго 3 миң 281 даана айыл чарба техникасы берилген. Бүгүнкү күндө лизингди өнүктүрүү үчүн 1,5 миллиард сомго барабар кредит топтому иштеп жатат. Аны алуу мөөнөтү 7ден 10 жылга чейин. Пайыздык чени 6дан тогузга чейин. Өздүк салым 10дон 30 пайызга чейин чыгат. Эгерде 30 пайыздан жогору өздүк салым төлөнсө, айыл чарба техникасы күрөөгө коюлат. Кайтарым шарты боюнча 3-6 айга чейин жеңилдик берилген. Негизги сумма бир жылда эки жолу, ал эми пайыздык чени ар квартал сайын төлөнөт. Быйыл лизинг үчүн 540 миллион сом бөлүнүп, учурда 13 айыл чарба техникасы берилди", — деди Мамытов.

Ошондой эле ал республика боюнча 5 миң 900 трактор, 2 миң 600 комбайн жетишсиз экенин кошумчалады.

Маекти толугу менен видеодон көрсөңүз болот.

6
Белгилер:
дыйкан, техника, айыл чарба, лизинг
Тема боюнча
Министрдин орун басары: быйыл айыл чарба техникасынын дефицити болбойт
Ысык-Көл. Архив

Ысык-Көл жүрөктү дарылайт. Россиялык космонавт өзгөчө сүрөт жарыялады

41
Кадрдан Ысык-Көлдүн түштүк-чыгыш тарабындагы булут бурганагын көрүүгө болот. Сүрөт Эл аралык космостук станциядан тартылган.

БИШКЕК, 1-мар. — Sputnik. Россиялык космонавт Сергей Кудь-Сверчков Эл аралык космостук станциядан тартып алган Ысык-Көлдүн уникалдуу сүрөтүн Twitter-аккаунтуна жарыялады.

"Ысык-Көл — бул кар баскан тоолордун ортосундагы баалуу аквамарин. Ал адамдын денесин гана эмес, жан дүйнөсүн дагы дарылаган бальзам. Жүздөгөн жылдардан бери адамдарга дем берип келе жаткан Кыргызстандын бермети", — деп жазылган сүрөттүн алдына.

Кадрдан Ысык-Көлдүн түштүк-чыгыш тарабындагы булут бурганагын көрүүгө болот.

Интернет колдонуучулары космонавттан ушул сыяктуу сүрөттөрдү байма-бай чыгарып турууну суранышкан.

41
Белгилер:
сүрөт, космонавт, Ысык-Көл
Тема боюнча
Reuters Кыргызстандагы тоңуп калган Ара-Көл көлүнүн видеосун жарыялады
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков. Архив

Өмүрзаков: акимдерди аттестациялоо 9-мартта башталат

0
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков өлкөдө алгачкы ирет аймактык кадрлар резервин түзүү пландалып жатканын айтты.
Өмүрзаков: акимдерди аттестациялоо 9-мартта башталат

Райондук администрация башчылары — акимдерди аттестациялоо ушул жылдын 9-мартынан башталат. Аталган күнү биринчи туру өтүп, анда тестирлөө жүргүзүлсө, 10-11-март күндөрү экинчи турунда маектешүү болот. Бул тууралуу Мыктыбек Өмүрзаков Sputnik Кыргызстан радиосуна маек куруп жатып билдирди.

Анын айтымында, аталган аттестацияны жүргүзүү үчүн 11 мамлекеттик кызматкерден турган комиссия түзүлөт.

"Акимдерди аттестациялоодо алардын эки орун басары да катышат. Орун басарларга өздөрү тейлеген тармак боюнча суроолор берилсе, райондук администрация жетекчилерине жалпы суроолор узатылат. Максаты — учурда иштеп жаткан акимдердин аркалаган кызматына дарамети жетерин аныктоо. Аларды аттестациядан өткөрүү үчүн Мамлекеттик кадр кызматынын жетекчиси, эки эл өкүлү, өкмөт аппаратынан жана тиешелүү министрликтин орун басары рангынан төмөн эмес адамдардан турган комиссия түзүлөт. Комиссия мүчөлөрү жалпы 11 кишиден турат. Муну менен катар эле район жетекчилери жана орун басарлыгына аймактык кадр резервин түзүү үчүн үстүбүздөгү жылдын 1-мартынан 1-апрелине чейин конкурс жүргүзүлөт. Аймактык кадр резервиндеги адистер бошоп калган региондорго барып иштей беришет", — деди Өмүрзаков.

Ал аттестацияда акимдердин билим деңгээли, тил билүүсү да караларын кошумчалады.

0
Белгилер:
конкурс, аттестация, аким, Мыктыбек Өмүрзаков
Тема боюнча
Өмүрзаков: өкмөттүн реформасында жергиликтүү бийлик тууралуу сөз жок