Вице-премьер-министр Абдырахман Маматалиев. Архив

Маматалиев: Алымбек датка кыргыз мамлекеттүүлүгүн орнотууга зор салым кошкон

161
(жаңыланган 14:44 19.06.2015)
Маданият, маалымат жана туризм министринин орун басары Бактыбек Секимовдун айтымында, Алымбек датканын юбилейинин алкагында бардык райондор менен облустарда бир топ иш-чаралар өткөрүлөт.

БИШКЕК, 19-июнь — Sputnik. Өкмөттө Кыргызстандын тарыхындагы белгилүү мамлекеттик жана коомдук ишмер Алымбек датка Асан бий уулунун 215 жылдыгын майрамдоо боюнча уюштуруу маселелери талкууланды.

Майрамдык иш-чаралардын планы Маданият, маалымат жана туризм министрлиги тарабынан даярдалган.

Маданият, маалымат жана туризм министринин орун басары Бактыбек Секимовдун айтымында, бул майрамдын алкагында бардык райондор менен облустарда бир топ иш-чаралар өткөрүлөт.

"Планга республиканын бардык райондорунда жана облустарында өткөрүлчү иш-чаралар киргизилген. Ага ат оюндары, илимий-практикалык жыйындар, музей көргөзмөлөрү, театралдык спектаклдер кирет", — деди Секимов. 

Буга чейин Ош облусунда өткөрүлгөн көчмө жыйындын жүрүшүндө негизги иш-чараларды Алай районунда жана Ош шаарында өткөрүү чечими кабыл алынган.

Вице-премьер-министр Абдырахман Маматалиев датканын кыргыз мамлекеттүүлүгүн орнотууга кошкон салымын коомчулукка жеткирүү зарылдыгын айтты.

"Алымбек датка Асан бий уулу — белгилүү тарыхый инсан. Учурда ал тууралуу көптөгөн маалыматтар жоголуп кеткен, бардык архивдик материалдарды топтоп, анын кыргыз мамлекеттүүлүгүн орнотууга кошкон салымын коомчулукка жеткирүү маанилүү", — деди вице-премьер-министр.

Маматалиев бул тарыхый инсан кыргыз уруулары ортосундагы ынтымакты чыңдоого көптөгөн салым кошкондугун белгилеп, анын жашоосу тууралуу видеороликтерди даярдоо жана анын өмүр баянын чагылдырган китеп басып чыгуу зарылдыгын айтты.

161
Белгилер:
датка, Бактыбек Секимов, Алымбек Датка, Алай району, Ош облусу
Тема боюнча
Быйыл Алымбек Датканын 215 жылдык мааракеси белгиленет
Шприц чыгарган ишкана. Архивдик сүрөт

Министр Кара-Суудагы шприц чыгарган ишкананы көрдү. Сүрөт

13
(жаңыланган 15:11 17.01.2021)
Ишкананын ээси мурда шприцтер менен түштүк аймагын гана камсыздап келишсе, жакынкы убакыттарда республиканы камсыздап жатышканын айткан.

БИШКЕК, 17-янв. — Sputnik. Саламаттык сактоо министри Алымкадыр Бейшеналиев Оштун Кара-Суу районундагы шприц чыгаруучу ишкана менен таанышканын мекеменин маалымат кызматы кабарлады.

Белгилей кетсек, соңку күндөрү министр түштүк жергесинде иш сапары менен жүрөт.

Жеке ишкер Канатбек Кадыров ишкана 5 жана 10 граммдык шприцтер менен инсулин алганга ылайыкталган шприцтерди чыгарарын айткан.

"Мурда шприцтер менен түштүк аймагын гана камсыздасак, жакынкы убакыттарда республиканы камсыз кылганга жетиштик. Эми медициналык кол каптарды дагы чыгаралы деп турабыз", — деген ишкер.

Министр мындай кадамдар өлкө үчүн жеңилдик экенин айтып, ишкана жетекчисине ыраазычылыгын билдирген.

13
Белгилер:
ишкер, ишкана, Алымкадыр Бейшеналиев, КР Саламаттык сактоо министрлиги, Кара-Суу району, Ош
Тема боюнча
Ош облусунун ооруканаларына 26 тез жардам унаасы берилди
Маршрутка айдоочусу жана милиция кызматкери. Архивдик сүрөт

ШИИБ маршрутка айдоочуларын чагымчылдыкка алдырбоого чакырды

33
(жаңыланган 14:45 17.01.2021)
Милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

БИШКЕК, 17-янв. — Sputnik. Бишкек шаардык ички иштер башкармалыгы кичи автобустардын айдоочуларын чагымчылдыкка алдырбоого чакырды.

Белгилүү болгондой, милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирүү түшкөн.

"Борбор калаада коомдук тартипти туруксуздаштыруу КРдин мыйзамын бузуу болуп саналат. Ошондуктан ШИИБ маршрутка айдоочуларын чагымчылдыкка алдырбоого чакырат", — деп айтылат маалыматта.

Ошол эле учурда айдоочулар коом үчүн өтө зарыл жана чоң иш аткарып жатканын эстен чыгарбашы керектиги белгилеген.

"Эгер чагымчыл иштерге жол берилип, коомдук тартип бузула турган болсо, ошондой эле коомдук транспортто же көчөдө жарандардын жана балдардын коопсуздугуна коркунуч жаралса, менчик жана мамлекеттик мүлктөр жабыркаса, КРдин мыйзамына ылайык олуттуу чаралар көрүлөт", — деп эскерткен ШИИБ.

Милиция 12-январда Бишкек шаардык кеңеши, мэрия жана шаардык кызматтардын өкүлдөрү жеке менчик ташып жеткирүүчү компаниялардын жетекчилери менен жолукканын эске салган. Анда жол кирени көтөрүү маселеси козголгон.

Айрым маршрутка айдоочулары жол кирени 15 сомго чейин көтөрүү талабын койгон. Мэрия аталган маселе акырындык менен чечилерин, маршрутка айдоочуларынын койгон талаптарын караган жумушчу топ түзүлгөнүн буга чейин айткан.

ШИИБ айдоочуларга кагаз түрүндө эскертүү таратылганын белгиледи. Анда кокус коомдук тартип бузула турган болсо, мэрия жеке менчик фирмалар менен кызматташууну карап чыга турганы жазылган.

33
Белгилер:
тартип, эскертүү, коом, айдоочу, маршрутка, ШИИБ
Тема боюнча
Мэрия: Бишкектеги маршрутка айдоочулары иш таштаса лицензиялары алынат