Өкмөт башчы Темир Сариев. Архив

Cтадиондо коопсуздукту күчөтүү планын иштеп чыгууга Сариев беш күн берди

54
(жаңыланган 11:32 22.06.2015)
Премьер-министр Темир Сариев Бишкектеги стадионду оңдоо жана коопсуздук шарттарын күчөтүү боюнча беш күн ичинде план иштеп чыгууну тапшырды

БИШКЕК, 20-июнь — Sputnik. Өкмөт башчы Темир Сариев КР Футбол федерациясынын президенти Семетей Султановду кабыл алып, 16-июнда Бишкекте өткөн футбол боюнча  Кыргызстан-Австралиякурама командаларынын беттешин уюштуруудагы кемчиликтер тууралуу айтты. 

Сариев аталган матчта кыргызстандыктар татыктуу оюн көрсөткөнүн белгилеп, футболчуларга, машыктыруучуларга жана Футбол федерациясына ыраазычылык билдирди.

Кыргызстандык футболчулар жогорку деңгээлдеги оюн көрсөткөндүгүн, бирок беттишти уюштурууда мүчүлүштүктөргө жол берилгенин, аны жоюу үчүн Футбол федерациясы, өкмөт алдындагы Дене тарбия жана спорт агенттиги аракет көрүшү керектигин айтты.

"Бул жерде абдан чоң маселе бар. Бишкектеги стадиондун абалы, анын коопсуздук шарттары талапка жооп бербейт. Ошондой эле уюштурууда да бир катар кемчиликтерге жол берилген" — деп белгиледи Сариев.

Премьер-министр оюнду уюштуруудагы кемчиликтерди териштирүү тапшырмасы Ички иштер министрлиги, өкмөт алдындагы Дене тарбия жана спорт агенттиги жана Футбол федерациясына берилгенин маалымдап, анын жыйынтыгы менен мындай абалга жол бергендерди жоопко тартуу каралышы керектигин айтты. 

Футбол федерациясынын президенти Султанов беттешти уюштурууда айрым кемчиликтер кетирилгенин моюнуна алып, билет алып, оюнга кире албай калган көрөрмандардан кечирим сурады. Анын айтымында, 30 жылдан бери Кыргызстанда мындай деңгээлдеги оюн болгон эмес. Ошондуктан стадионго киши батпай калды. 

Муну менен катар Султанов билет алып, бирок оюнга кире албай калган 1000 ашык адамга компенсация төлөп берилгенин маалымдады.

Жолугушуу жыйынтыгында Сариев Дене тарбия жана спорт агенттиги жана Футбол федерациясына спорттун иш-чараларды уюштурууда мындан аркы кемчиликтерди кетирбөө үчүн жана Бишкектеги стадионду оңдоп-түзөө, коопсуздук шарттарын күчөтүү боюнча беш күн ичинде план иштеп чыгууну тапшырды.

54
Белгилер:
Кыргызстандын футбол федерациясы, футбол, Дөлөн Өмүрзаков атынданы стадион, Семетей Султанов, Темир Сариев, Австралия, Кыргызстан
Тема боюнча
Султамбаев: оюн маалында биздин кызматкерлер стадиондун эшигин жапкан эмес
ИИМ: Футбол күйөрмандары менен кагылышта 10 милиция кызматкери жабыркаган
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

362
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

362
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда
Лыжа базасында эс алуучу. Архив

Дүйшөмбүгө карата аба ырайы

66
30-ноябрга караган түнү өлкө аймагында абанын температурасы төмөндөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-ноя. — Sputnik. 30-ноябрь, дүйшөмбүдө, күндүз республиканын кээ бир райондорунда кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас, Нарын облустарында -3…-8, Ош, Жалал-Абад, Баткен аймактарында -4 …-9, Ысык-Көлдө -4…+1 градус болот.

Ош жана Бишкек шаарларында жаан-чачын жаабайт. Күндүн табы борбор калаада -4…-6, Ош шаарында -1…+1 градуска жетет.

66
Белгилер:
Кыргызстан, ноябрь, аба ырайы
Тема боюнча
Декабрга карата аба ырайы. Тоолуу жерлерде суук 34 градуска жетет