Кара тизмеден 20 миңдей кыргызстандык чыгышы мүмкүн

© Sputnik / Максим Блинов / Медиабанкка өтүүРоссиядагы мигранттар. Архив
Россиядагы мигранттар. Архив - Sputnik Кыргызстан
Жазылуу
Россиянын аймагына кирүүгө үч жылга чейин тыюу салынып, Федералдык миграция кызматынын кара тизмесине түшүп калган кыргызстандыктар ал тизмеден чыга алышат. Эгер тыюу салынган мөөнөттүн жарымы өткөн болсо, бул шарт күчүнө кирет.

БИШКЕК, 22-июнь — Sputnik. Россиянын Федералдык миграция кызматынын кара тизмесине кирген 20 миңдей кыргызстандык жаран андан чыга алышы мүмкүндүгүн Федералдык миграция кызматынын Кыргызстандагы паспорт-виза кызматынын директору Бакыт Эркинбеков Sputnik сайтына билдирди.

Санкт-Петербург шаарында жума күнү кол коюлган келишимге ылайык, кыргызстандыктар Россияда 30 күнгө чейин каттоосу жок жүрө алышат.

Кыргызстандыктар Россияда каттоосуз 30 күн жүрө алат
Кыргызстандын Евразиялык экономикалык биримдикке кошулушунан улам, Россиянын аймагына кирүүгө үч жылга чейин тыюу салынган жарандарга өлкөгө кирүүгө мүмкүнчүлүк берүү чечими кабыл алынган. Эгер тыюу салынган мөөнөттүн жок дегенде жарымы өткөн болсо, бул шарт күчүнө кирет.

Ошондой эле Россияда миграциялык мыйзамды бузган КР жарандарына 2015-жылдын 10-июлунан 1-ноябрына чейин Россияга кирип чыгууда эч кандай жаза колдонбоо маселеси да чечилди. Мындай мөөнөт Россияга келген жарандардын өлкөгө келүүсүн мыйзамдаштыруу үчүн берилүүдө.

Эркинбековдун айтымында, бүгүнкү күнү кара тизмеде 40 миңдей кыргызстандык бар.

Эмгек мигранттары "кара тизмеден" кантип чыга аларын Sputnik инфорграфикасында көрө аласыздар>> 

Жаңылыктар түрмөгү
0