Боомдогу атышуу инспекторлорго сөгүш берүү менен аяктады

© Sputnik / Табылды КадырбековБоомдогу атышуу инспекторлорго сөгүш берүү менен аяктады
Боомдогу атышуу инспекторлорго сөгүш берүү менен аяктады - Sputnik Кыргызстан
Жазылуу
ИИМ эскертүү иретинде асманга ок аткан Жол кайгул кызматынын инспектору мыйзам чегинде иш алып барганын белгилейт. Сөгүш аларга башка себептин негизинде жарыяланган.

БИШКЕК, 1-июль — Sputnik. Боом капчыгайында болгон атышуу боюнча Чүй облусунун ИИББ Жол кайгул кызматынын (ЖКК) үч инспекторуна катуу сөгүш жарыяланганын ИИМ маалымат катчысы Медет Иманакунов билдирди.

21-июнь күнү социалдык тармактарда кызмат учурунда ЖКК кызматкерлери  курал колдонгону тартылган видео жайгаштырылган. 

ЖКК инспекторлору "Кыз-Күйөө" аймагынан мотоциклчен кишини токтотууга аракет кылган менен, берки инспектордун айтканына баш ийбей, токтобой айдап кеткен. Куугунга түшкөн инспекторлордун бири эскертүү иретинде табелдик куралдан асманга ок чыгарып, андан кийин качкындарды мээлеп, бирок аткан эмес. Андан кийин милиционерлер белгисиз бирөөгө Ысык-Көлдөгү Жол кайгул кызматына мотоцикл тууралуу кабар кылып коюшун айтышкан.

Иманакунов "асманга ок чыгарган ЖКК инспектору мыйзам чегинде иш алып барганын" белгилейт. Сөгүш аларга башка жүйө менен жарыяланган.

"Бул окуядан кийин асманга аткан кызматкер бир ок коротконун жетекчилигине билдирген эмес. Калган экөө – прапорщик менен лейтенант да бул тууралуу билдирбегендиктен, алар ок чыгарган инспекторду жаап-жашырган болуп эсептелет", — деди Иманакунов.

Кызматтык ички териштирүүдөн кийин материалдар юридикалык баа берүү үчүн Чүй облустук прокуратурага жөнөтүлдү. 

Буга чейин премьер-министр Темир Сариев вице-премьер Абдырахман Маматалиевге жана Ички иштер министрлигине аталган окуянын чын-төгүнүн аныктоону тапшырган.

Жаңылыктар түрмөгү
0