Чек арачы. Архив

Айбалаев: Кыргыз-тажик чек ара көйгөйүн үйлөрдү, жерлерди алмаштыруу менен чечсек болот

206
(жаңыланган 10:35 08.07.2015)
Кыргыз бийлиги жыл башында Кыргызстан Тажикстан менен биргеликте чек арадагы талаштуу 58 жерди талкуулай тургандыгын маалымдаган.

БИШКЕК, 7-июль — Sputnik. Мамлекеттик ишмер, Баткен облусунун мурдагы губернатору Мамат Айбалаев Баткен облусундагы чек ара маселесин чечүү боюнча бир нече варианттарды Sputnik маалымат сайтына айтып берди.

Акыркы жарым жылдын Баткен аймагындагы Өзбекстан, Тажикстан чек араларында бир нече ирет ок атылып, алды көз жуумп, арты ооруканага түштү. Чек ара боюнча акыркы чыр кечээ, 6-июлда кайрадан Баткен аймагында болду. Кыргыз бийлиги жыл башында Кыргызстан Тажикстан менен биргеликте чек арадагы талаштуу 58 жерди талкуулана тургандыгын маалымдаган. Бир катар аймактардагы делимитация иштери аягына чыкпай, ал эми чек араларды курал үндөрү жаңырууда.

Бул жаатта аталган аймакта губернатор болуп турган учурда чек ара маселесин жөнгө салып, чыр-чатактардын алдын алып, абалды жөндөп келген Айбалаевди сөзгө тарттык. Ал чек ара ачык болгондуктан чыр-чатактар жаралып жаткандыгын, тажик жарандары Кыргызстандын чек арачыларынын боштугунан пайдаланып, чек араны бузууга бара берет. Маселенин чечүүнү жолдорунун бири — үйлөрдү башма-баш алмаштыруу.

"Баткен районун Көк-Таш деген айылы бар, кыргыздар менен тажиктер аралашып, анда шахмат сындуу жайгашып, отурукташкан. Кээ бир жерде Тажикстандын ичине кирип кеткен кыргыз үйлөрү турат. Ошол жердеги тажиктер менен акылдашып, маселени чечүүнү бир жолу үйлөрдү башма-баш алмаштыруу. Ал жердеги ар бир үйдү караштырып көрүп, ар бир үйдү алмаштырып, көчүрүп отуруп, Көк-Таштан толугу менен тажиктерди чыгарып, чек араны бекитүүгө болот. Толук чыгаргандан кийин аралаш жашабай калганда чек ара бекийт", — деди Айбалаев. 

Баткендин мурдагы губернатору Кыргызстанга Тажикстан аймагынан таптакыр көчүп келип жаткан этникалык кыргыздардын жерин эске алып, айырбаштоо вариантын айтат. 

Анын айтымында Тажикстандын Исфара, Канибадамдын шаарларынын тегерегинде бир топ кыргыз айылдары бар, алардын жери маселени чечүүнү бир жолу. 

"Акылдашып, Көк-Ташта, Мачаи айылдарындагы, Ворух анклавындагы аралаш жерлерди Кыргызстанга өткөрүү керек. Мургаб, Кара-Тегин, Жерге-Талдагы кыргыздар Чүйгө миңдеп көчүп келген жана келип жатат. Алар жерлерин ошол жакка таштап кетип жатпайбы. Ошол этникалык кыргыздардын жерин Тажикстанга "силер алгыла" деген вариантты сунуштоо керек. Бул маселени толугу менен ийне-жибине чейин билип, иликтеп чыккандан соң, тажиктер менен сүйлөшүп, ушул жолго барбасак бул кайталанып жана барган сайын таалданат", — дейт экс-губернатор.

Айбалаев чек ара маселелерин түп-тамырынан бери чечилмейинче деле эки өлкөнүн жарандарына түшүндүрүү жолу менен чыр-чатактын алдын алууга болорун айтты.

"Кыргыздар, тажиктер деле мыйзамды сыйлаган эл. Чек арага жакын жашаган элге жергиликтүү бийлик түшүндүрүү иштерин жүргүзүп, чек арага жакын жашаганда кандай жүрүү, кайсы эрежелерди бекем сактоо керектигин кулагына куюп турса, эл барбай эле коет. Бирок, район, айыл өкмөттөрү, чек ара кызматы, башы кызматты түшүндүрүү иштерин жүргүзбөгөндүктүн кесепетинен, жоопкерчиликсиздиктин аркасында мындай абал жаралып жатат",— деди Айбалаев.

206
Белгилер:
Баткен, Ворух анклавы, Көк-Таш, Мамат Айбалаев, этникалык кыргыздар
Тема боюнча
Казакстандын чек арасынан мыйзамсыз өтүүгө аракет кылган кыргызстандыктар кармалды
Чек ара кызматынын жетекчилери тажик-афган чек арасын бекемдөөнү талкуулашты
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!