Абитуриент сынакка даярдануу кезинде. Архив

Хабаровскидеги окуу жай кыргызстандыктарга биринчи ирет бюджеттен 117 орун бөлдү

(жаңыланган 11:40 08.07.2015)
Аталган шаардагы университетке өтүү үчүн кыргызстандык абитуриенттерге экзамен Бишкекте өтөт.

БИШКЕК, 8-июль — Sputnik. Ыраакы Чыгыш мамлекеттик университети биринчи жолу кыргызстандыктар үчүн 117 бюджеттик орун бөлүп жатканын Кыргызстандын Ыраакы Чыгыштагы ардактуу консулу Кадырбек Мырзабаев Sputnik сайтына билдирди.

Кыргызстандык студенттер үчүн университет беш жылдык билим берүү программасы боюнча бюджеттен 70 орун, бакалавриатка 47 орун караган. Бардык студенттерге стипендия жана жатакана берилет.

8-июлдан 10-июлга чейин Бишкек шаарында абитуриенттер үчүн кирүү экзамендери өтөт.

"Тест үч предмет боюнча болот. Алар: орус тили, математика жана физика", — деди Мырзабаев.

Ыраакы Чыгыштагы эски университеттердин бири 1937-жылы түптөлгөн. Ал Хабаровск шаарында жайгашкан.

Белгилер:
билим берүү, Хабаровск, Бишкек
Тема боюнча
КРСУнун студенттерине россиянын окуу китептери тапшырылат
Ушул окуу жылдын аягына чейин жогорку окуу жайлардын саны кыскартылат
Федералдык коопсуздук кызматы академиясын 11 кыргызстандык бүтүрүүчү аяктады
Башкы прокуратуранын имараты. Архив

Прокуратура: Таластагы жайыт, Нарындагы жер тилке мамлекетке кайтарылды

Эки факты тең Жазык кодексинин "Кызмат абалынан кыянаттык менен пайдалануу" беренесинин негизинде каттоого алынып, сотко чейинки иштер жүрүүдө.

БИШКЕК, 23-апр. — Sputnik. Талас менен Нарында менчикке берилип кеткен жер тилкелери мамлекетке кайтарылды. Бул тууралуу Башкы прокуратуранын маалымат кызматы кабарлады.

Ага ылайык, Таластын Чолпонбай айыл өкмөтүнүн кызматкерлери мындан бир нече жыл мурун мамлекеттин менчиги болуп эсептелген жайыт жерлеринин 16 гектарын А.Э. аттуу жаранга мыйзамсыз менчикке берип салышкан.

Ошондой эле Нарын шаардык прокуратурасы мыйзамсыз түрдө жеке жактарга турак жай куруу үчүн 800 чарчы метр жер тилкесинин менчикке берилип кеткендигин аныктаган. Жер тилкенин баасы жарым миллионго бааланат.

Эки факты тең Жазык кодексинин 320-беренесинин ("Кызмат абалынан кыянаттык менен пайдалануу") негизинде каттоого алынып, сотко чейинки иштер жүрүүдө. Жер тилкелери мамлекетке жана муниципалдык менчикке кайтарылды.

Белгилер:
кайтаруу, мамлекет, жер тилкеси, жайыт, Башкы прокуратура, Нарын, Талас
Тема боюнча
Баткен: мамлекеттик 30 батир, жер тилкелери жеке тараптарга берилип кеткен
Электромобиль долбоорунун түзүүчүсү жана жетекчиси Дастан Чаргынов

Чаргынов: электромобилдин чыгымы жөнөкөй унаадан 70 эсе аз болот

"Электромобиль" долбоорунун түзүүчүсү жана жетекчиси Дастан Чаргынов аталган унаалардын пайдалуу жактарын атап берди.

Электромобилдердин чыгымы кадимки унаалардан 50-70 пайызга аз. Тактап айтканда, бензинге кетирген акчанын ушунча көлөмүн үнөмдөп калууга болот. Бул тууралуу Дастан Чаргынов Sputnik Кыргызстан радиосуна маек куруп жатып билдирди.

Чаргынов: электромобилдин чыгымы жөнөкөй унаадан 70 эсе аз болот

Анын айтымында, учурда Бишкек шаарында 200дөй электромобиль айдоочулары бар.

"Электромобилдер шаар ичинде айдоого абдан ыңгайлуу. Биринчиден, экологиялык жактан таза жана күйүүчү майга болгон чыгымды үнөмдөйт. Мисалы, автоунааны 100 чакырымга айдап баруу үчүн 500-700 сом каражат жумшалат. Ал эми электромобиль менен ушул эле аралыкка 10-11 сом коротуп, жетип алууга мүмкүн. Мен өзүм аталган унаанын айдоочусумун. Бизде көпчүлүк адамдар алыс жолго чыга албай калабыз деп кооптонушат. Бирок мен бир жолу кубаттап алып, электр унаам менен Балыкчыга чейин жетип алам", — деди Чаргынов.

Ал ошондой эле электромобилдер коопсуздук жагынан кадимки автоунаалардан кем калбай тургандыгын кошумчалады.

Белгилер:
экология, шаар, каражат, электромобиль
Тема боюнча
Кыргызстанда автоунаа импортунун көлөмү эки эсеге азайды