Халяль жазуусу. Архив

Адал белгисин мыйзамсыз пайдаланган ишканалар аныкталды

67
(жаңыланган 12:55 15.07.2015)
Орозонун башталышы менен Адал индустриясын өнүктүрүү Кыргыз борборунда жергиликтүү адал тамак-аш жана азыктардын курамындагы заттар жөнүндө так маалымат берүүчү маалыматтык кызмат ачылган.

БИШКЕК, 15-июль — Sputnik. Адал индустриясын өнүктүрүү Кыргыз борборунун логотибин товарлардын таңгагында мыйзамсыз колдонуулар көбөйгөнүн борбордун маалымат кызматы билдирет. 

Маалыматка ылайык, мындай фактылар суу өндүрүүчү "Асар-Груп" ишканасынын жана "Магия вкуса" пельменин өндүрүүчү компаниянын ишмердүүлүгүндө аныкталган. 

Мындан улам борбор логотибин мыйзамсыз колдонуу фактылары боюнча жана тастыкталган продукция тууралуу маалыматты тактоо үчүн кардарларды маалыматтык кызмат менен байланышууга чакырат. 

Борбордун логотиби 2014-жылдын 3 июлунда Кыргызпатентте катталган. 

Эске салсак, орозонун башталышы менен Адал индустриясын өнүктүрүү Кыргыз борборунда жергиликтүү адал тамак-аш жана азыктардын курамындагы заттар жөнүндө так маалымат берүүчү маалыматтык кызмат ачылган. 

Кызматтын номери 0312 89-14- 90 0555 89-14- 90 0707 666- 881.

Аталган коомдук бирикме үч жылдан бери иш алып барат. Ага 100гө жакын ишканалар катталган.

67
Белгилер:
маалымат кызматы, борбор, ишкана, адал, Кыргызстан