Молдовалык продюсер: калыстар тобу ачык добуш бериши керек

© Sputnik / Табылды КадырбековЭл аралык "Мейкин Азия" фестивалынын калыстар тобу.
Эл аралык Мейкин Азия фестивалынын калыстар тобу. - Sputnik Кыргызстан
Жазылуу
Молдовалык продюссер Орлов "Мейкин Азия" фестивалынын Борбордук Азиядагы мыкты сынак боло турган чоң мүмкүнчүлүгү бар экендигин айтты.

БИШКЕК, 25-июль — Sputnik. Конкурстардагы добуш берүү ачык өтүшү керектигин "Мейкин Азияга" Молдовадан келген музыкалык продюсер Сергей Орлов билдирди.

Анын айтымында, "Мейкин Азия" фестивалынын Борбордук Азиядагы мыкты сынак боло турган ири мүм бар.

"Бул жерде баары бар экен – кереметтүү Ысык-Көл, асман тиреген тоолор жана меймандос эл. Мындай фестивалга туристтер агылып келиши керек. Мамлекеттин брендине айлануусуна толук мүмкүнчүлүк бар", — деди Орлов.

Продюсер иш чара жогорку деңгээлде уюшулганын жана жыл сайын фестивалдын географиясын кеңейтүүгө болорун белгиледи.

"Өз өнөрлөрүн тартуулоо үчүн Азия менен Европанын ырчылары келди. Бирок негедир калыстар тобунда бир да европалык мамлекеттин өкүлү жок экен. Эмки конкурста бул жагы эске алынат деп ойлойм", — деди музыкант.

Анын айтымында, Европа эчак эле жашыруун добуш берүүдөн баш тарткан. Орлов "Мейкин Азия" да ушундай тажрыйбага өтүшү керек деп эсептейт.

"Калыстар тобунун ачык добуш берүүсү конкурстун жыйынтыгына терс таасир тийгизбейт. Бирок мында калыстар тобу абдан тажрыйбалуу жана кесипкөй адамдар экен. Калыс чечим чыгарынан көмүн санабайм", — деди продюсер.

23-июль күнү башталган эстрадалык аткаруучулардын эл аралык "Мейкин Азия" фестивалы Ысык-Көлдө "Рух-Ордо" маданий комплексинде өтүүдө. Бүгүн, 25-июлда, сынактын жыйынтыгы чыгарылып, жеңүүчүлөргө байге тапшыруу жана ири гала-концерт менен коштолгон жабылуу аземи болот.

Жаңылыктар түрмөгү
0