Операционная комната. Архивное фото

Адвокат: Коркмазовдун өнөкөт оорусу коркунучтуу

159
(жаңыланган 17:25 03.08.2015)
Коррупцияга шектелген ЖК депутаты Хаджимурат Коркмазов стационардык дарыланууга муктаж экенин анын адвокаты кабарлады.

БИШКЕК, 3-авг. — Sputnik. Пара талап кылган деп шектелип жаткан депутат Хаджимурат Коркмазовдун адвокаты Кайрат Загибаев Sputnik агенттигине айыпталуучу катуу өнөкөт оору менен жабыркай турганын билдирди.

Дүйшөмбү күнү Бишкек шаардык соту Октябрь райондук соттун Коркмазовду эки айга камакка алуу чечимин жокко чыгарып, үй камагына алуу чечимин кабыл алды.

"Анын оор өнөкөт дарты бар. Коркмазов стационардык дарыланууга муктаж", — деди адвокат.

Загибаев бул ишти саясий буйрутма деп эсептебей турганын белгиледи. Анын айтымында, бул кадимки катардагы эле иш.

"Муну саясатташтыруунун эмне кереги бар? Кызматыман кетирүү үчүн жасалды деп Нарымбаев айтышы мүмкүн. Биз антип ойлобойбуз. Тергөө менен кызматташууда да эч кандай көйгөй жок. Кысым жасалган жок", — дейт адвокат.

Загибаев сотто депутаттын кызыкчылыгын андан башка дагы эки адвокат коргой турганын кошумчалады. Жактоочу тергөө жүрүп жатканына байланыштуу башка маалымат берүүдөн баш тартты. 

Жогорку Кеңештин депутаты 100 миң доллар пара алып жаткан жеринен кармалган. УКМК Коррупцияга каршы күрөшүү кызматы аталган депутат Жогорку сотто карала турган Нариман Түлеевдин ишинин оң жагына чечилишине жардам берүү үчүн анын туугандарынан 200 миң доллар өлчөмүндө пара талап кылганынмаалымдаган. 

Үстүбүздөгү жылдын 15-июль күнү аталган факт боюнча Башкы прокуратура тарабынан Кылмыш жаза кодексинин "Коррупция", "Пара талап кылуу" жана "Кызмат абалынан кыянаттык менен пайдалануу" беренелеринин негизинде Коркмазовго кылмыш иши козголуп, Октябрь райондук соту аны эки айга камакка алуу чечимин чыгарган.

159
Тема:
Депутат Хаджимурат Коркмазовдун кармалышы (23)
Тема боюнча
Депутат Коркмазов эки ай камакка алынды
Коркмазовдун кармалганы тууралуу кесиптештеринин кабары жок
Аскерлер Улуу Ата Мекендик согуш учурунда. Архив

Улуу Ата Мекендик согушта дайынсыз кеткендерди издеген топтун ат көтөргүс иши

7
(жаңыланган 12:35 18.10.2021)
Жоокер Матяшовдун Бишкек шаарында жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды.

БИШКЕК, 18-окт. — Sputnik. Өткөн ишемби күнү Аламүдүн районуна караган Ленинское айылындагы Маданият үйүндө "Биздин Жеңиш – Наша Победа" деп аталган издөө тобу жергиликтүү жашоочулар менен жолугушуу өткөрдү.

Алардын жетекчиси Татьяна Владимирова Россиядагы дал ушундай топ менен өз ара кызматташып иш алып барышарын, достугун баяндаган. Калуга облусундагы Барятин районунда август айында өткөн издөө боюнча эл аралык экспедицияга катышкандыгы маанилүү иштердин бири болгондугун билдирди. Иш-чарага келгендерди издөө отрядынын командири Екатерина Дятлова тосуп алды.

Сахнанын алдында эң баалуу артефактылар — "Биздин Жеңиш – Наша Победа" тобу Россиядагы саздардан, токойлордон тапкан Улуу Ата Мекендик согуш учурундагы Кызыл Армиянын жоокерлеринин жеке буюмдары турду. Ал эми столдо дайынсыз кеткен жоокерлерди издеп табууда талбаган эмгек, көп мээнет жумшап иштеген издөөчүлөргө тапшырылган грамоталар, дипломдор тизилген.

Иш-чаранын башында Владимирова Эл аралык издөө экспедициясына катышкан учурларды баяндап берди. Анда соң кийинки муундарга "Биздин Жеңиш – Наша Победа" жасаган иштер, "Западный фронт. Варшавское шоссе. Нам доверена память..." ролиги да көрсөтүлдү.

Аталган топ согушта курман болгондордун элесин сактап калуу, мекендин эркиндиги үчүн баскынчылардын Ата Журтубузга ээлик кылуусунан коргоп, кан-жанын аябай салгылашкан аталар, апалар туурасында тарыхты аяр сактап, маанисин жоготпой кийинки муундарга жеткирүү жаатында ат көтөргүс иш жасап келет.

Иш-чарада "Зайцева Гора" даректүү фильминен үзүндү көрсөтүлдү. Анда 385-аткычтар дивизиясынын душман менен айыгыша кармашканы айтылган. Ошол жоокерлердин арасында кыргызстандык Дмитрий Матяшов да болгон. Маалыматтарга караганда, ал ошол кандуу кармашта курман болгон. Издөөчүлөр каарман жоокердин туугандарын таап, 1942-жылдын 19-январында кызы менен жубайына жазган акыркы катын беришти. Фильмден соң Матяшовдун Бишкекте жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды. Залда отургандардын көз алдына кызыл армиячылар өмүрүн аябай, улам тиштенип, улам кайраттанып немецтик баскынчылар менен салгылашып жаткан ирмемдери, айтып бүткүс эрдиктери, жоокерлердин согуш соолуткан өмүрү, жакындарынын азаптуу кайгысы бир ирмемге тартылды.

Владимирова жоокер Дмитрий Матяштын атын түбөлүккө калтыруу үчүн Россиянын Коргоо министрлигинин борбордук архивиндеги докуметтерди изилдеп, карап чыгуу боюнча чоң иштер тургандыгын белгиледи.

Иш-чаранын соңунда издөө тобундагы активдүүлүгү менен айырмаланган Ленинское айылынын улан-кыздарына сертификаттар тапшырылды. Андан сырткары, өзгөчө сертификат дагы төрт катышуучуга ыйгарылган.

7
Белгилер:
Кыргызстан, Аламүдүн району, Улуу Ата Мекендик согуш, 'Биздин Жеңиш' издөө тобу
Тема боюнча
СССР менен Германиянын согуштагы ролу ар башка! Путин өзгөчө мыйзамга кол койду

Нидерландда футбол фанаттары турган трибуна оюн учурунда урап түштү. Видео

29
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

29
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу