Чек арада абал турукташып келе жатат дейт милиция

© Медербек НиязалиевКөк-Таш айылы. Архив
Көк-Таш айылы. Архив - Sputnik Кыргызстан
Жазылуу
Чатак Көк-Таш айылынын жашоочулары унаа менен мүрзөгө кетип бара жатканда, Май айылында жашаган тажик бүлөлөрү жолду тосуп алгандан келип чыккан. Ага нааразы болгон кыргызстандыктар, ошол аймакта тажиктер жашаган Чорку айылына кеткен сууну жаап салган.

БИШКЕК, 4-авг. — Sputnik. Кыргыз-тажик чек арасында абал турукташып, эки өлкөнүн жарандары бири-бирин ташка албай калганын Баткен РИИБ билдирди.

Шейшемби күнү жергиликтүү тургундар чыр-чатак болгон жерге кайрадан чогула баштаган. Чек ара кызматынын маалыматында, араздашуу учурунда Тажикстандын аймагынан ок атылган. Саламаттык сактоо министрлиги чек ара чатагынан үч кыргызстандык жабыркаганын билдирди.

РИИБ маалыматы боюнча, учурда чатак чыккан жерде Кыргызстандын 250дөй жараны турат. 

"Ок атылган жок, буга чейин эл курал катары таштарды пайдаланып келишкен", — дейт милиция. 

Көк-Таш айыл өкмөтүнүн жетекчиси Разия Өсөрова эки өлкөнүн жарандары бири-бирин ташка албай калганын билдирди.

"Чыр-чатак болгон жерге өкмөттүн Баткен облусу боюнча өкүлү Жеңиш Раззаков келди, милиция, чек ара, улуттук коопсуздук кызматтарынын өкүлдөрү жүрүшөт. Абал тынчыганы менен чыңалуу бар", — дейт жетекчи. 

Мамлекеттик чек ара кызматынын төрагасы Райимберди Дүйшөмбиев. Архив - Sputnik Кыргызстан
Кыргыз-тажик чек ара кызматтарынын башчылары телефон аркылуу сүйлөштү
Баткен районундагы Кыргызстан менен Тажикстандын мамлекеттик чек ара аймагында 3-августта башталган чатактан кыргызстандык беш жаран жарадар болгон.

Чатак Көк-Таш айылынын жашоочулары унаа менен мүрзөгө кетип бара жатканда, Май айылында жашаган тажик бүлөлөрү жолду тосуп алгандан келип чыккан. Ага нааразы болгон кыргызстандыктар, ошол аймакта тажиктер жашаган Чорку айылына кеткен сууну жаап салган. 

Мындан улам, 120га жакын тажик жарандары жана 80ге чукул кыргыз жарандары чатак учурунда бири-тирине таш ыргытып, урушуп кеткен.

Жаңылыктар түрмөгү
0