Бишкектик кыз элди ашыкча салган маршруттук таксилер үчүн өкмөттү сотко берди

Бишкектик кыз элди ашыкча салган маршруттук таксилер үчүн өкмөттү сотко берди

(жаңыланган 15:18 11.08.2015)
Арыз шейшемби күнү саат 15-00дө Бишкек райондор аралык сотунда каралат.

БИШКЕК, 11-авг. — Sputnik. Жибек Орозбекова "маршруттук таксилердеги башаламандык үчүн" өкмөттү сотко бергенин юрист Нурбек Токтакунов билдирди.

Анын айтымында, шейшемби күнү саат 15-00дө Орозбекованын арызы Бишкек райондор аралык сотто каралат.

"Ал эл ашыкча салынган маршруткада жүрүүдөн тажап, өкмөттү сотко берди. Маршруткалардагы башаламандык үчүн өкмөт жооп берет экен. Орозбекова Жибек прецеденттер мектебинин стажеру. Ал стажировка маалында маршруттук таксилерге канча киши салуу керектиги боюнча стандарттардын бар-жогун аныктаган", — дейт юрист.

Токтакунов билдиргендей, Орозбекова бул маселе боюнча Транспорт министрлигине, Жол кайгуул кызматына, ИИМге, мэрияга кайрылган. Ал жактан стандарттар бар экенин, бирок кайсы жакта экенин билбей тургандыктарын атышкан.

Адвокаттын айтымында, Орозбекова жолдо жүрүү коопсуздугу боюнча атайын комиссия бар экенин айтат. Ал ченем-укуктук актыны иштеп чыгып жана эреже стандарттарын, техникалык ченемдерди жана башка документтерди даярдашы керек.

Белгилер:
маршруттук такси, арыз, Нурбек Токтакунов, Бишкек
Ооруканадагы дарыгер. Архив

COVID күч алып турган Бишкекте кошумча орундар даярдалды

(жаңыланган 12:22 20.04.2021)
Буга чейин өкмөттөн коронавирус боюнча абал кескин курчуп кете турган болсо өлкө аймагында 11 миңден ашык орун даяр экенин айтышкан эле.

БИШКЕК, 20-апр. — Sputnik. Бишкек шаары менен Чүй облусунда коронавирус боюнча абал оор болуп жаткандыктан кошумча 132 орун ишке берилди. Бул тууралуу брифинг учурунда саламаттык сактоо жана социалдык өнүктүрүү министринин орун басары Жалалидин Рахматуллаев билдирди.

"Бул эки аймакта жалпысынан 2 361 орун бар эле. Алардын 255и реанимациялык палаталардагы керебеттер болчу. Бирок булар дагы жетишсиз болуп жаткандыктан, 19-апрель күнү Бишкек шаарындагы №1 шаардык клиникалык оорукананын хирургия бөлүмүндө 132 орун даярдалды", — деди Рахматуллаев.

Ал башка аймактарда абал туруктуу жана коронавирус жуктургандар үчүн бош орундар жетиштүү экенин кошумчалады.

Маалыматка караганда, ушул сааттарда Бишкек шаары боюнча — 281, Чүй облусу боюнча 238 бош орун бар.

Белгилер:
орун, оорукана, коронавирус
Тема:
Коронавируска байланыштуу Кыргызстандагы кырдаал
Тема боюнча
COVAX Кыргызстанга эмдөөдө пайдалануучу каражаттарды берди. Сүрөт
Улуттук коопсуздук комитетинин төрагасынын мурдагы орун басары Артур Медетбеков

Медетбеков: КМШ өлкөлөрүнүн коопсуздугу үчүн ЖККУ чоң иштерди жасоодо

Улуттук коопсуздук комитетинин төрагасынын мурдагы орун басары Артур Медетбеков ЖККУнун түзүлгөн максаты уюмга мүчө-мамлекеттерди тышкы агрессиядан сактоо болгонун айтты.

Жамааттык коопсуздук келишим биримдиги ага мүчө болгон өлкөлөрдү сырткы коркунучтардан сактоо максатында 1992-жылдын 15-майында түзүлгөн. Ошол кездеги курамына Кыргызстан, Казакстан, Россия, Тажикстан жана Армения кирген. Бир жылдан соң Азербайжан, Өзбекстан жана Беларусь мүчөлүкө кабыл алынган. Бул тууралуу Артур Медетбеков Sputnik Кыргызстан радиосуна маек куруп жатып билдирди.

Медетбеков: КМШ өлкөлөрүнүн коопсуздугу үчүн ЖККУ чоң иштерди жасоодо

Анын айтымында, аталган уюм учурда бир гана террорчулук менен күрөшүүдө эмес, мыйзамсыз миграция, баңгизатын ооздуктоо жана IT багытындагы кылмыштуулуктарга каршы турууда да жетишкендиктерди көрсөтүп келет.

"ЖККУга кирген мамлекеттер 2002-жылдан баштап өз ишмердүүлүгүн күчөттү десек болот. Ушул убакыттан тарта ыкчам аскердик күчтөрдү тартууга басым жасалган. Бул максатта Кыргызстандан да бир батальон кошулган. Албетте, биримдиктеги аскер күчтөрүнүн 80 пайыздан ашыгын Россиянын күчтөрү камсыздайт. Ошентсе да бардык мүчө-мамлекеттер ар кандай сырткы коркунучтарга бирдиктүү күрөшүүгө даяр болгон чоң, өз тарыхы, орду бар уюм десек болот. Алгач биримдик террорчулук, экстремизмге каршы туруу үчүн гана түзүлсө, азыркы учурда интернет технологияларынын жардамы менен келтирилүүчү коркунучтарга, баңгизаты менен күрөшүүдө жана мыйзамсыз миграцияны ооздуктоодо чоң-чоң иштерди жасоодо", — деди Медетбеков.

Ал ЖККУнун чыгымдарынын 50 пайызын Россия каржылай турганын, калган 50 пайызын башка мүчө-өлкөлөргө бөлөрүн кошумчалады.

Эскерте кетсек, учурда биримдикке алты өлкө мүчө.

Белгилер:
коопсуздук, уюм, ЖККУ, Артур Медетбеков
Тема боюнча
Медетбеков: экстремизмдин бир нече түрү бар