Улуттук гвардиянын жоокерлери. Архив

КР жоокерлери Пекиндеги чоң аянтта Жеңиштин 70 жылдыгына карата параддан өтөт

432
(жаңыланган 14:56 14.08.2015)
Улуттук гвардиянын параддан өтө турган тобун коменданттык бригаданын командири Данияр Исаков жетектейт. Ал Москвадагы параддан да жоокерлерди алып өткөн.

БИШКЕК, 14-авг. — Sputnik. Улуттук Гвардиянын жоокерлери Кытайдын борбору Пекин шаарында өтө турган парадга даярданып жатышат. Бул туурасында Sputnik маалымат агенттигине Улуттук Гвардиянын өкүлү Таалай Мырзабаев билдирди. 

Аскердик парад Улуу Жеңиштин жана 1945-жылдагы Япониянын капитуляциясынын 70 жылдыгына арналат. Салтанат 3-сентябрда Кытайдын борбордук Таньаньмэнь аянтында өтөт. 

Парадга президент Алмазбек Атамбаев Кытайга болгон иш сапарынын алкагында катышат.

Мырзабаевдин айтымында, бүгүн саат 15:00дө Улуттук гвардиянын жетекчиси Мелис Сатыбалдиев парадга катышуу үчүн бара турган гавардиячылардын даярдыгын көрөт. Алдын ала маалыматтар боюнча, салтанаттуу парадга дагы 26 мамлекеттин өкүлдөрү келет. 

"Парадга кийүүчү форма Москвада 9-майда өткөн салтанаттагыдай болот. Курал менен карабинди кытайлык тарап берет жана барып-келиш чыгымын төлөйт", — деп кошумчалады Мырзабаев.

Улуттук гвардиянын параддан өтө турган тобун коменданттык бригаданын командири Данияр Исаков жетектейт. Ал Москвадагы парадда да жоокерлерди алып өткөн. 

Улуттук гвардиядан жалпы жонунан 83 адам барат. Аларды 75и Пекиндеги аянттан салтанатттуу басып өтөт, калганы резервде турушат. Делегация курамында бир фельдшер жана бригада командиринин орун басары бар. 

Гвардия жоокерлери дүйшөмбү күнү эртең менен учуп кетишет.

432
Белгилер:
аскердик парад, Жеңиштин 70 жылдыгы, Улуттук Гвардия, Алмазбек Атамбаев
Тема:
Улуу Жеңишке 70 жыл (117)
Тема боюнча
Ички аскер бөлүгү Улуттук гвардиянын карамагына өткөрүлмөкчү
Кишенчен киши соттун залында. Архив

Насыя алып, төлөбөй коюуну көздөгөн... УКМК "Карвен групптун" ээсин кармады

32
(жаңыланган 12:17 16.06.2021)
Шек жаратып жаткан бизнесмен мамлекеттик үлүшү бар банктардын биринин жооптуу кызматкерлери менен бирге мыйзам бузуу менен ири өлчөмдө насыя алууга аракет жасаганы айтылды.

БИШКЕК, 16-июн. — Sputnik. "Карвен групп" компаниялар ассоциациясынын Генрих Балян аттуу жетекчиси кармалып, УКМКнын убактылуу кармоочу жайына киргизилди. Бул тууралуу Улуттук коопсуздук мамлекеттик комитетинен билдиришти.

Владелец ассоциации компаний Карвен групп Генрих Балян
© Фото / Karven Four Seasons
"Карвен групп" компаниялар ассоциациясынын Генрих Балян аттуу жетекчиси кармалып, УКМКнын убактылуу кармоочу жайына киргизилди

Маалыматка караганда, жаран Кылмыш-жаза кодексинин 204-беренеси ("Алдамчылык") боюнча шек жаратып жатат.

"Карвен групп" компаниялар ассоциациясынын жетекчиси мамлекеттик үлүшү бар банктардын биринин жооптуу кызматкерлери менен бирге 2,3 миллион доллар өлчөмүндө "жалган" адамга насыя алууга аракет жасаган. Бул үчүн ликвиддүү эмес кыймылсыз мүлктү өтө жогору баалап (670 миң доллар) күрөөгө койгондугу аныкталды", — деп айтылат маалыматта.

Тергөө иштеринин жүрүшүндө жогоруда аталган кыймылсыз мүлк Баляндын жеке менчиги экени жана башка адамдын атынан кредит алыш үчүн күрөөгө койгону аныкталган.

"Насыя алынгандан кийин аны кайра төлөбөй коюуну көздөгөн", — дешти УКМКдан.

Алынган далилдердин негизинде 15-июнь күнү Балян колго түшүп, УКМКнын убактылуу кармоочу жайына киргизилген. Жакынкы аралыкта сот анын бөгөт чарасын тандайт.

Ушул эле кылмыш ишинин алкагында банк башкармалыгынын төрагасынын орун басары А.К. кармалган.

32
Белгилер:
тергөө, банк, насыя, алдамчылык, кылмыш, Кыргызстан
Тема боюнча
30 батир, 10дой унаа... УКМК Түштүк-Батыш бажысынын жетекчисин кармады
Медициналык кызматкер канды COVID-19га текшерип жатат. Архив

COVID жуктургандар айыккандардан эки эсе көп. Көңүл чөгөргөн статистика

72
(жаңыланган 11:32 16.06.2021)
Ушуну менен коронавирус жуктургандардын саны өлкөдө жалпы 111 990го жетти. Анын ичинен 103 565и дартты жеңген.

БИШКЕК, 16-июн. — Sputnik. Өткөн суткада коронавирус 647 кишиден катталып, 308 бейтап айыкты. Бул тууралуу Саламаттык сактоо жана социалдык өнүктүрүү министрлигинен билдиришти.

Жуктургандар:

  • Бишкек шаары – 257;
  • Ош шаары – 118;
  • Чүй облусу – 73;
  • Ош облусу – 120;
  • Талас облусу – 6;
  • Нарын облусу – 9;
  • Ысык-Көл облусу – 15;
  • Жалал-Абад облусу – 26;
  • Баткен облусу – 23.

Ушуну менен коронавирус жуктургандардын саны өлкөдө жалпы 111 990го жетти. Анын ичинен 103 565и дартты жеңген. 

Айыккандар:

  • Бишкек шаары – 145;
  • Ош шаары – 36;
  • Чүй облусу – 42;
  • Ош облусу – 17;
  • Талас облусу – 4;
  • Нарын облусу – 8;
  • Ысык-Көл облусу – 31;
  • Жалал-Абад облусу – 22;
  • Баткен облусу – 3.

Бир сутка ичинде өлкө боюнча 49 медицина кызматкери коронавирус жуктуруп алды. Алар:

  • Бишкек шаары – 17;
  • Чүй облусу – 5;
  • Ош шаары – 10;
  • Ош облусу – 12;
  • Жалал-Абад облусу – 1;
  • Баткен облусу — 2;
  • Ысык-Көл облусу – 1;
  • Талас облусу – 1.

Тилекке каршы, бир сутка ичинде Кыргызстанда коронавирустан жети бейтап көз жумган. Анын экөө Бишкекте, экөө Жалал-Абадда, бирден киши Ош, Чүй облустарында жана Ош шаарында катталган. Муну менен коронавирус жалпы 1 912 адамдын өмүрүн алды.

Стационарларда 2 145 адам дарыланып жатат. Алардын 587си оор абалда болсо, 97 бейтаптын абалы өтө оор деп бааланды. 

72
Белгилер:
дарыгер, статистика, өлүм, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Окумуштуулар COVID Кытайдан биринчи АКШда пайда болгонун божомолдошууда
COVID-19дун жаңы толкундары эмне үчүн кайталана берери айтылды