Депутат Коркмазов Хаджимурат Зулкарнаевич. Архив

Коркмазовго карата бөгөт коюу чарасын кароо 1-сентябрга жылдырылды

24
(жаңыланган 16:11 19.08.2015)
Адвокаттын айтымында, Коркмазов бүгүнкү күндө жеке ооруканалардын биринде дарыланып, операция болор алдында турат.

БИШКЕК, 19-авг. — Sputnik. Пара алып жаткан жеринен кармалган депутат Хаджимурат Коркмазовго карата бөгөт коюу чарасын кароо боюнча сот отуруму 1-сентябрга жылдырылганын Жогорку соттун маалымат кызматы билдирет. 

Август айынын башында Бишкек шаардык соту Октябрь райондук сотунун Коркмазовду эки айга камакка алуу чарасын жокко чыгарып, аны үй камагына чыгаруу чечимин кабыл алган. Прокуратура бул чечимге каршы чыгып, доо арыз менен кайрылган.

Шаршемби күнү Жогорку соттун жазык иштери жана административдик укук бузууларга байланышкан иштер боюнча сот коллегиясынын ачык сот отурумунда Коркмазовдун адвокаты Кайрат Загибаев депутаттын бүгүнкү күндө ооруканада жаткандыгын жана операция боло турганын билдирди. 

Мындан тышкары, ал өзүнүн Ош, Ысык-Көл жана Жалал-Абад облустарына иш сапарына кетип жаткандыгына байланыштуу бул ишти башка күнгө жылдырып берүүсүн өтүнгөн.

Прокурор адвокаттын бул өтүнүчүнө макул болду.

Сот коллегиясы адвокаттын өтүнүчүн канааттандырып, сот отурумун кийинкиге жылдырды.

24
Белгилер:
Хажимурат Коркмазов, кылмыш иши, пара, сот, оорукана, адвокат
Тема:
Депутат Хаджимурат Коркмазовдун кармалышы (23)
Тема боюнча
Адвокат: Коркмазовдун өнөкөт оорусу коркунучтуу
Коррупцияга шектелген ЖК депутаты Коркмазов үй камагына чыкты
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

18
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

18
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

22
(жаңыланган 14:37 23.09.2021)
Кудайберген Базарбаев Бишкекте жакынкы чет өлкөлөрдөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте акынкы чет өлкөлөрдөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

22
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды