Чычкан капчыгайындагы өрттү өчүрүүгө казакстандык эки тик учак пайдаланылат

© пресс-служба МЧС КРЧычкан капчыгайында өрт өчүрүү иштери. Архив
Чычкан капчыгайында өрт өчүрүү иштери. Архив - Sputnik Кыргызстан
Жазылуу
Эки мамлекеттин Өзгөчө кырдаалдар министрликтеринин ортосунда чукул абалдар учурунда биргелешип иштөө жөнүндө келишими бар.

БИШКЕК, 19-авг. — Sputnik. Эртең казакстандык ӨКМдин тик учактары Чычкан капчыгайындагы өрттү өчүрүүгө тартылат деп билдирди ӨКМ башчысы Кубатбек Боронов журналисттерге. 

Өрт болгон жерде 40 гектарга жакын жер өчүрүлдү, экинчиси тик, бадалдуу аймактарда кыйынчылык жаралууда.

"Ошондуктан казахстандык кесиптештер менен сүйлөшүп, эртең эки тик учак учурууну пландап жатабыз. Анын бири өрт өчүрсө, экинчиси — аба транспорту ага суу жеткирип берип турат. "МИ-8" тик учактары эки тоннадан жүк көтөрө алат. Эки мамлекеттин Өзгөчө кырдаалдар министрликтеринин ортосунда чукул абалдар учурунда биргелешип иштөө боюнча келишимдерибиз бар болгондуктан, биз аларга күйүүчү майын гана куюп беребиз жана алар акысыз жардам көрсөтүшөт",— деди министр Боронов.

Министр өрт эртең толук өчүрүлөрүн кошумчалады.

Жаңылыктар түрмөгү
0