Оштун мэри автобекеттин иш ыргагына моюн толгой тургандарга чара көрүлөрүн эскертти

© Sputnik / Табылды КадырбековОш шаарынын мэри Айтмамат Кадырбаев. Архив
Ош шаарынын мэри Айтмамат Кадырбаев. Архив - Sputnik Кыргызстан
Жазылуу
Аталган автобекеттен өлкө ичине эле эмес, сырткы, эл аралык автокаттамдар да жасаларын билдирди.

БИШКЕК, 25-авг. — Sputnik. Ош шаарындагы башаламан кыймылды тартипке келтирип, автотыгындарды болтурбоо үчүн мэрия автокыймылдын баарын таңкы саат алтыдан тарта №2 мамлекеттик автобекет аркылуу жүргүзө баштады. 

Шаардагы каттамдар такталып, Ош окуясында өрттөлүп кеткен №2 мамлекеттик автобекет калыбына келтирилип, учурда жүргүнчүлөрдү жана сырттан келген меймандарды тейлөөгө даяр турат. 

"Шаарда буга чейин башаламан жайгашкан сегиз жерде жүргүнчүлөрдү ташуу жүргүзүлүп келген. Эми мындай иретсиз иштерге жол берилбейт. Шаардын батыш тарабынан 15, чыгыш тарабынан 29 багыт боюнча каттамдарды мамлекеттик автобекет 13 түйүн аркылуу тейлөөгө тийиш", — деди мэр Кадырбаев.

Ал дагы тогуз каттам уюштурулуп, "Базар-Автовокзал" маршруту да ачылганын, сырттан келгендерге көйгөй жаралбай турганын айтты. 

"Автобекетти жылдырууда, шаардыктардын жана шаар конокторунун кызыкчылыгын көздөп жатабыз. Андыктан шаардык күч түзүмдөрүнүн жана тиешелүү мекемелердин жетекчилерин бул маанилүү иш-чараны мыйзам чегинде уюштурууга жана көмөктөшүүгө милдеттендирем", — деди мэр Кадырбаев. 

Ош шаарындагы мектептер жаңы окуу жылында интерактивдүү такталар менен камсыз болот
Шаар мэри жалпы "шаардын кызыкчылыгы үчүн жасалып жаткан мэриянын иш-чарасына бут тосуучулар болсо, мыйзам чегинде чара көрүлөрүн" кошумчалады. 

Мэриянын маалымат кызматынын өкүлү Сүйөр Аманов аталган автобекеттен өлкө ичине эле эмес, сырткы, эл аралык автокаттамдар да жасаларын билдирди.

№2 жаңы автобекеттин жалпы аянты 4 гектар жерди ээлейт. Жаңы автобекетке жалпысынан 1500 кичи автобуср, 4000ден ашуун ар кандай жеңил унаалар батат. Автобекеттин бир эле мезгилде 500 жүргүнчүнү тейлөө мүмкүнчүлүгү бар.

Жаңылыктар түрмөгү
0