Эгемендик майрамына карата шаардын айрым көчөлөрү жабылат

Жазылуу
Эл көп чогула турган жерлерде Жол кайгуул кызматынын посттору орнотулат.

БИШКЕК, 27-авг. — Sputnik. Эгемендик күнүнө карата 29-31-август күндөрү республиканын ички иштер бөлүмдөрүнүн жеке курамы түрдүү кырдаалдарга даяр болорун ИИМ билдирет.

Маалыматка ылайык, майрамга карата атайы ыкчам штаб түзүлүп, ал салтанаттын башынан аягына чейин коомдук тартипти көзөмөлдөйт.

Эгемендик күнүнө карата Бишкекке Билан, Брежнева, Лепс келет
Мындан тышкары, Бишкек шаарында майрамдык иш-чаралардын жана Россия эстрада жылдыздарынын катышуусу менен өтө турган концерт маалында Тоголок Молдо, Киев, Тыныстанов, Фрунзе көчөлөрүнүн аймагы жабылат.

Муктаждыкка жараша Токтогул, Исанов, Абдрахманов көчөлөрүнүн жана Жибек Жолу проспектисинин аймагы да жабылат.

Ал эми Ак-Кула ат майданында өтө турган иш-чаралардын учурунда Гагарин менен Толстой көчөлөрүнө чейинки Термечиков көчөсү, ошондой эле Алыбаев, Амосов, Захарьев, Саратов, Виноградный көчөлөрү жана ипподромго кире бериш жер жабылат.

Андан сырткары, эл көп чогула турган жерлерде Жол кайгуул кызматынын посттору орнотулат.

 

Жаңылыктар түрмөгү
0