Президент Кыргызстана Алмазбек Атамбаев выступил на центральной площади Ала-Тоо с поздравительной речью по случаю празднования Дня независимости.

Атамбаев: өлкөнүн стабилдүүлүгү кыл учунда

88
(жаңыланган 12:26 31.08.2015)
Кыргызстан өз ордун табуусу зарыл, бирок ЕАЭБге кирүү менен көйгөйлөрдүн баары дароо чечилет дегенден алыс болушубуз керек. Элдин биримдигин бекемдөө дагы ондогон жылдар бою башкы маселе боюнча калат деди мамлекет башчы.

БИШКЕК, 31-авг. — Sputnik. Кыргызстандын стабилдүүлүгү кыл учунда экенин президент Алмазбек Атамбаев Эгемендик күнүнө карата Ала-Тоо аянтында сүйлөгөн куттуктоо сөзүндө билдирди.

Мамлекеттин тышкы саясаты өлкөнүн улуттук кызыкчылыгынын негизинде түзүлгөнүн белгилеген президент Кыргызстан менен эсептешип, дүйнө коомчулугу мамлекетти жарды өлкө катарынан чыгарганын айтты.

"Биз өз жүйөлөрүбүздү так жана ачык келтирип келебиз. Дүйнөлүк банк Кыргызстанды жарды мамлекеттердин катарынан чыгарды. Буга кыргызстандыктар менен мамлекеттик аппараттын коррупцияга каршы талыкпас эмгеги өбөлгө болду", — деди Атамбаев.

Өлкө башчысы мамлекеттин мындан аркы өнүгүшү үчүн башка өлкөлөр менен интеграциясы зарыл экенин белгиледи. 

"Кыргызстан өз ордун табуусу зарыл, бирок ЕАЭБге кирүү менен көйгөйлөрдүн баары дароо чечилет дегенден алыс болушубуз керек. Элдин биримдигин бекемдөө ондогон жылдар үчүн башкы маселе боюнча калат. Мамлекет бул багытта жигердүү аракеттерди көрөт. Элдин жана республикада жашаган улуттардын ынтымагы үчүн ар бирибиз кыргыз тили чындап мамлекеттик тил болушу үчүн кол кабыш кылышыбыз керек", — деди президент.

Мамлекет башчысынын айтымында, дүйнө жүзүндөгү акыркы окуялар жана Бишкектеги террористтерди жок кылуу боюнча операция мамлекеттин стабилдүүлүгү кыл учунда экенин көрсөттү.

"Билими жок караңгы акмактар эле эмес, айрым саясатчылар да тынчтыкты, адам өмүрүн курмандыкка чалууга даяр экенин далилдешти. Ал эми бул террористтерди каржылап келген мурунку акжолчу-депутат алдыдагы парламенттик шайлоого аттанганы жатпады беле", — деди Атамбаев.

Сөзүнүн аягында президент Кыргызстандын алдында көптөгөн сыноолор бар экенин белгиледи. Мамлекет системалуу маселелерди чечиши керек, ал эми өлкөнүн чыныгы эгемендиги ар бир кыргызстандыктын аракетине жараша болот  деди өлкө башчысы. 

88
Белгилер:
президент, куттуктоо, Ала-Тоо аянты, Кыргызстандын эгемендүүлүк күнү, Кыргызстан
Тема:
Кыргызстандын көз карандысыздык күнү (30)
Тема боюнча
Атамбаев: ким өз аскерин бага албаса, ал башка аскерди багат
Болочок офицерлер Эгемендик күнүнө карата мамлекеттик гимнди аткарышты
Манастын эстелиги. Архивдик сүрөт

Таластагы "Манас Ордо" комплексинде бир сутка бою манас айтылат

25
(жаңыланган 12:31 02.12.2020)
Майрамдык салтанатты өткөрүүгө республикалык бюджеттен акча сарпталбайт. Азем демөөрчүлөрдүн жана меценаттардын колдоосу менен өткөрүлөт.

БИШКЕК, 2-дек. — Sputnik. 4-декабрдагы "Манас күнүнө" карата Талас облусундагы "Манас Ордо" комплексинде бир сутка бою манас айтылат. Бул тууралуу Маданият, маалымат жана туризм министрлигинен кабарлашты.

Иш-чара Кыргызстандын бардык аймагынан келген жаш жана белгилүү манасчылардын катышуусу менен өтөт. Манас айтуу 4-декабрь күнү саат 11:00дө башталып, 5-декабрь күнү 11:00дө токтотулат.

Майрамдык салтанатты өткөрүүгө республикалык бюджеттен акча сарпталбайт. Азем демөөрчүлөрдүн жана меценаттардын колдоосу менен уюштурулат.

Ачылыш аземи атайын театрлаштырылган программа менен коштолуп, "Маданият. Тарых. Тил" каналы аркылуу түз эфирден көрсөтүлөт.

25
Белгилер:
"Манас Ордо" комплекси, Манас айтуу, Талас
Тема боюнча
Адистер манасчы Дөөлөт Сыдыковдун феноменин изилдөө үчүн канынан анализ алды
Күүлөнгөн манасчы, күткөн эл. Гиннес китебине кирүүгө ташталган кадамдын сүрөттөрү
Оңдоо иштери жол белгиси. Архив

Финпол: Ошто 43 млн. сом бөлүнгөн жолдун курулушу бүтпөй калган

98
(жаңыланган 12:09 02.12.2020)
Бүгүнкү күндө жол пайдаланууга бериле элек, ал эми аткарылбай калган жумуштун чыгымы 13 миллион сом деп бааланууда.

БИШКЕК, 2-дек. — Sputnik. Ошто 42,9 миллион сомдон ашык каражат бөлүнгөн Кең-Сай жаңы конушуна кетчү жолду аягына чейин курбай коюшкан. Бул тууралуу Экономикалык кылмыштарга каршы күрөшүү боюнча мамлекеттик кызматтан (Финансы полициясы) билдиришити.

Финансы полициясы бюджеттик каражатты уурдоо фактысы боюнча тергөө иштерин жүргүзүп жатат.

Мурдагы вице-премьер Тайырбек Сарпашев. Архив
© Пресс-служба президента КР / Султан Досалиев
Маалым болгондой, Ош облусунун Капиталдык курулуш башкармалыгы жеке ишкана менен келишим түзгөн. Ага Кең-Сай конушуна кирүүчү жана айыл ичиндеги жолдорду куруу боюнча 42,9 миллион сомдон ашык акча которгону аныкталды. Бирок бүгүнкү күндө объект пайдаланууга бериле элек, ал эми аткарылбай калган жумуштун чыгымы 13 миллион сом деп бааланууда.

Жазык-процесстик кодексинин 98-беренесине ылайык, жеке ишкананын жетекчиси П.Т. аттуу жаран кармалган.

Учурда тергөө иштери жүргүзүлүп, аталган ишкананын кызыкчылыктарын коргоого тиешеси бар адамдар аныкталып жатат. Ошондой эле мамлекеттик бюджетке каражаты кайтартуу боюнча иштер жүрүүдө.

98
Белгилер:
коррупция, курулуш, жол, финансы полициясы, Ош
Тема боюнча
23 млн. доллар... Финпол кылмыштуу кирешени адалдаган схеманы аныктады
Финпол бюджетке зыян келтирген ишканадан 281 млн. сом өндүрдү
Ат-Башыга логистикалык борбор проекти. Архив

Ат-Башыга логистикалык борбордун курулушу күтүлүүдө. Маселе кайра каралды

0
(жаңыланган 13:03 02.12.2020)
Чечим 2019-жылдын аягында чыгып, инвесторлор табылып, алар жердин ижара акысынын бир бөлүгүн төлөп коюшкан. Бирок жергиликтүү тургундардын каршылыгынан улам борбор салынбай калган.

БИШКЕК, 2-дек. — Sputnik. Нарын облусуна караштуу Ат-Башы районунун аймагына бажы-логистикалык комплексин куруу маселеси талкууланды. Бул тууралуу Экономика министрлигинин маалымат кызматы кабарлады.

Ага ылайык, 25-ноябрь күнү Экономика министрлигинин алдындагы Мамлекеттик-менчик өнөктөштүк борборунун кызматкерлери Бажы кызматынын өкүлдөрү менен Нарын облусуна иш сапары менен барып, облус башчысы, Ат-Башы районунун акими жана бир катар тийиштүү мекемелердин кызматкерлери менен жолугушкан.

"Анда Ат-Башы районуна бажы-логистикалык комплексин куруу долбоорун ишке ашыруу маселеси талкууланды. Ошондой эле жергиликтүү калкка түшүндүрүү иштерин жүргүзүү маселелери чечилди. Жолугушууда логистикалык борборду курууга ылайыктуу жерлер каралды", — деп айтылат маалыматта.

Министрлик бул долбоорду ишке ашырууда мамлекеттик өнөктөш катары Мамлекеттик бажы кызматы көрсөтүлүп жатканын белгиледи.

"2017-жылдын октябрь айынан 2018-жылдын мартына чейин аталган долбоордун техникалык-экономикалык негиздемеси иштелип чыккан. Анда инвестор менен келишим 25 жылга чейин түзүлөт деп жазылган. Ал эми инвестициянын көлөмү - 30 миллион доллар. Учурда Бажы кызматы менен Мамлекеттик-менчик өнөктөштүк борбору тендердин документтерин даярдады. Инвесторлорду тандоо үчүн сынак жарыяланып, тендердин жыйынтыгы менен жеңүүчү аныкталат", — деп айтылат билдирмеде.

Министрлик жакында долбоорду каржылай турчу компанияларга тендер жарыялана турганын кошумчалады.

Эске салсак, Ат-Башыга логистикалык борбор куруу чечими 2019-жылдын аягында чыккан. Бирок жергиликтүү тургундардын каршылыгынан улам салынбай турганы маалым болгон. Логистикалык борборду Нарынга кытай, кыргыз ишкерлери аралашкан "Ат-Башы" кыргыз-кытай эркин соода аймагы" ЖЧКсы курмак. Инвесторлор "Нарын" эркин экономикалык аймагынан 49 жылга ижарага жер алып, акчанын бир бөлүгүн берип коюшкан. Ал каражат инвесторлорго кайра кайтарылган-кайтарылбаганы боюнча өкмөт буга чейин үн ката элек болчу.

0
Белгилер:
тендер, инвестор, логистикалык борбор, Ат-Башы, Нарын
Тема боюнча
Жылына 8 тонна. Баткенде өрүктү кайра иштеткен логистикалык борбор курулууда
Ат-Башыга курулчу логистикалык борбор: инвестордун 45 миллион сому кайда?