Автомат. Архив

Чек арадагы чатактын алдын алуу боюнча иштеген топ Таласта түзүлдү

22
(жаңыланган 11:23 03.09.2015)
Топтун иши майнаптуу болушу үчүн ЕККУ Мамлекеттик чек ара кызматында атайын бөлмөнү жабдып берди.

БИШКЕК, 3-сен. — Sputnik. Мамлекеттик чек ара аймактарында болуучу чыр-чатактардын алдын ала турган кезектеги топ Талас облусундагы башкармалыктын алдында түзүлүп, ишин баштады. Бул туурасында аталган ведомствонун маалымат кызматы билдирет. 

Бул топтор Мамлекеттик чек ара кызматы менен Европалык коопсуздук кызматташтык уюмунун биргелешкен иш-аракеттеринин алкагында түзүлдү. 

Максат — жергиликтүү өз алдынча башкаруу органдары менен элдин арасында Талас облусундагы чек ара аймактарында чыр-чатактардын алдын алуу жана жоюу боюнча түшүндүрүү иштерин жүргүзүү. 

Топтун иши майнаптуу болушу үчүн ЕККУ Мамлекеттик чек ара кызматында атайын бөлмөнү жабдып берди. Эгерде чек арада кандайдыр бир чукул өзгөчө абал болсо, Бишкектеги жетекчилик топтун өкүлдөрү менен түз жана ыкчам байланыша алат. 

Топтор чек ара аймагында иштеген жана башкаруу иштерин жүргүзүүгө катышкан башка ведомстволор менен жергиликтүү деңгээлде иш алып барышы керек. 

Мамлекеттик чек ара кызматынын Талас облусу боюнча башкармалыгынын полковниги Туратбек Шабданбеков бул жаатта  ведомствонун тажрыйбасы бар экенин айтты. 

"Кыргыз-казак мамлекеттик чек арасында жакшы көрсөткүчтөргө жетишип, чек арага жакын жайгашкан айылдардын эли менен өз ара ала-катнашты оң маанайда күчөтөбүз деген ишенимде турабыз", — деди Шабданбеков.

Мындай топтор аймактарда ЕККУнун долбоорунун алкагында 2011-жылдары  түзүлгөн. Анда ведомстволор аралык иштерди күчөтүү, жергиликтүү калкка улуттар аралык кызматташуу жана чек ара тилкесиндеги бекитилген эрежелер туурасында маалымат берүү максаты көздөлгөн. 

Топтордун курамына жергиликтүү өз алдынча башкаруу органдарынын, чек арага жакын жайгашкан айыл тургундарынын, күч түзүмдөрүнүн аймактык бөлүмдөрүнүн өкүлдөрү кирген. Буга көзөмөлдү КРдин Мамлекеттик чек ара кызматы жүргүзөт.

22
Белгилер:
Мамлекеттик чек ара кызматы, ЕККУ, Туратбек Шабданбеков
Тема:
Кыргызстандын мамлекеттик чек арасында болгон окуялар (61)
Тема боюнча
Адашып дайынсыз жоголуп кеткен чек арачы 11 күндөн бери изделүүдө
Лейлекте чек арадан 590 ок менен тажик жараны кармалды
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

18
(жаңыланган 17:55 24.10.2020)
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

18
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
Украина президенти Владимир Зеленский. Архивдик сүрөт

Зеленскийдин жыйында сүйлөп жатып катуу чыккан үндөн чочуп кеткен видеосу

192
Украина лидери муз аянтчанын маалымат борборунда машыктыруучулар, спортчулар жана чиновниктер менен жыйын куруп жаткан учурда катуу үн чыккан.

БИШКЕК, 24-окт. — Sputnik. Украина президенти Владимир Зеленский Мариуполь шаарындагы Mariupol Ice Center муз аянтынын ачылыш салтанатында катуу чыккан үндөн чочуп кетти.

Окуянын видеосун "Страна.ua" Telegram-каналы жарыялады.

Окуя муз аянтчанын ачуу салтанаты бүткөндөн кийин болду. Расмий иш-чара аяктагандан соң "Мариуполь" менен "Сокол" (Киев) хоккей командаларынын беттеши башталган. Бул учурда украина лидери муз аянтынын маалымат борборунда машыктыруучулар, спортчулар жана чиновниктер менен жыйын куруп жаткан.

Видеодо көрүнүп тургандай, президент сүйлөп жатканда күтүүсүз жерден катуу үн чыккан. Зеленский чочуп кетип, кулагын жаап калганы көрүнүп турат. Ал учурда анын жанына дароо жан сакчы келе калган.

"Баары жайында, баары жайында", — деген Зеленский.

Президент андан ары тамашага салып жыйында жалаң баатыр жүрөктүү спортчулар отурганын айтып сөзүн улаган.

Зеленский трибунада сүйлөп жаткан Лукашенкону чочутту. Видео

Зеленский техникалык себептерден улам жолугушууну үн күчөткүчсүз эле улантууну сунуштаган.

192
Белгилер:
үн, Украина, Владимир Зеленский
Тема боюнча
Рада депутаты: Украинада Зеленскийди тактан кулатууга даярдык жүрүп жатат
Жооп берип каласыз! Кадыров Зеленскийдин кечирим суроосун талап кылды
Киберкоопсуздук. Архивдик сүрөт

Медведев БУУ аянтчасындагы киберкоопсуздук боюнча келишимге чакырык жасады

0
(жаңыланган 18:15 24.10.2020)
Медведев Россия дүйнө коомчулугун киберкылмыштуулукка каршы биргеликте күрөшүп жана маалымат айдыңда коопсуздукту камсыздап алууга бир нече ирет чакырык таштагандыгын айтты.

БИШКЕК, 24-окт. — Sputnik. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бере аларын РФтин Коопсуздук кеңешинин жетекчисинин орун басары Дмитрий Медведев БУУнун 75 жылдыгына арналган макаласында жазды.

Россиянын Коопсуздук кеңешинин төрагасынын орун басарынын макаласын толугу менен RT телеканалынан таанышууга болот.

Дүйнө чарчады. Лавров БУУнун Башкы Ассамблеясынын сессиясында сүйлөдү

"Глобалдуу маалымат айдыңында коопсуздукту камсыздоо принципиалдуу мааниге ээ болуп бара жатат. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек", — деп айтылат макалада.

Медведев бул боюнча кылмыштардын арбып бара жаткандыгын да жазган.

"Санариптин өнүгүшү, тилекке каршы, маалыматтык айдыңда кылмыштардын арбышын жаратат (анын пандемия учурунда көбөйүп кеткендигин байкоого болорун белгилей кетели)", — деген ал.

Медведев Россия дүйнө коомчулугун киберкылмыштуулукка каршы биргеликте күрөшүп жана маалыматтык айдыңда коопсуздукту камсыздап алууга бир нече ирет чакырык таштагандыгын айтты.

Ал БУУнун Башкы Ассамблеянын 73-сессиясында көпчүлүк добуш менен россиялык резолюция кабыл алынгандыгын эске салды.

Медведев пандемия маалындагы мамлекеттердин башкы милдети тууралуу айтты

"Аталган резолюциянын зарылдыгы улут аралык мүнөздөгү чакырыктар эл аралык коомчулуктун жапа тырмак катышуусунда гана майнаптуу болорунда турат. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бериши мүмкүн. Ал эл аралык укуктун ченемдерине, принциптерине таянат, маалымат тармагындагы жалпы кызыкчылыктарга жооп берет", — деп айтылган макалада.

Медведевдин айтымына караганда, мындай нерсе "эл аралык тынчтык менен коопсуздукту колдоону арттырып, аны менен катар эле эл аралык укукта макулдашылбаган технологияларды колдонууга жол бербейт".

0
Белгилер:
резолюция, киберкылмыштуулук, пандемия, Дмитрий Медведев, БУУ, Россия
Тема боюнча
Медведев БУУда "өзөктүк бештиктин" жеке саммитин өткөрүүнү сунуштады