Баткен облусундагы 87 айылда таза суу жок

© Sputnik / Табылды КадырбековБаткен облусунун жашоосу. Архив
Баткен облусунун жашоосу. Архив - Sputnik Кыргызстан
Жазылуу
Акыйкатчы институтунун иликтөөсүнө ылайык, Баткен облусунда 76 миң киши таза сууга жетпейт.

БИШКЕК, 7-сен. — Sputnik. Баткен облусундагы 87 айылда жашаган 76 миң киши таза сууга муктаж. Акыйкатчы институтунун Баткен облусу боюнча өкүлчүлүгүнүн маалыматы боюнча, Баткен районунда 22 айыл, Лейлек районунда 9 жана Кадамжай районунда 56 айыл таза суу менен камсыз болгон эмес. Ошондой эле бир катар айыл аймактарында да таза суу көйгөйү курч.

Ак-Турпак айыл аймагындагы 14 айылдын бирөөндө да таза суу жок, бул айыл аймакта 15 миң киши жашайт.

"Калкты таза суу менен касыздоо маселеси көптөн бери эле турат. Анын алдын алуу боюнча өкмөт 2001-жылдан бери эле чара көрүп келет, бирок бүгүнкү күнгө чейин алгылыктуу иштер жок", — деп айтылат Акыйкатчы институту тараткан билдирүүдө.

Баткендин жашоочулары. Архив - Sputnik Кыргызстан
Баткендин Булак-Башы айылы таза суу менен камсыз болду
Омбудсмен аппараты жүргүзгөн инспекциянын жыйынтыгына ылайык, эгемендүүлүк алгандан бери таза суу менен камсыздоого мамлекеттик деңгээлде көңүл бурулган эмес деп айтылат.

Ошондой эле, адамдардын таза сууга жетүүгө болгон укугун камсыздоо боюнча мамлекет тараптан системалык чаралар көрүлгөн эмес.

Акыйкатчы институту бул көйгөйлөр боюнча тийиштүү органдарга, анын ичинен Жогорку Кеңеш менен өкмөткө сунуш жөнөтөт.

Жаңылыктар түрмөгү
0