Ысык-Көлдө эс алуу маалында чет өлкөлүк туристтер былтыркыдан азыраак жабыр тартышты

© Sputnik / Табылды КадырбековЫсык-Көль автоунаа жолу. Архив
Ысык-Көль автоунаа жолу. Архив - Sputnik Кыргызстан
Жазылуу
Муну менен бирге милиция жол кырсыктары да өткөн жылга салыштырмалуу үч эсеге аз болгонун айтууда.

БИШКЕК, 16-сен. — Sputnik. Ысык-Көл облусунда 2015-жылдын туристтик мезгилинин жыйынтыгы чыгарылганын облустук ИИБ билдирди.

Маалыматка ылайык, эс алуу учурунда 100дөн ашуун видеобайкоо камералары иштеген. Эс алуучулар жана туристтер үчүн коопсуздук чаралары, байланыш телефондору камтылган баракчалар таратылган.

Ысыккөлдүн жээгиндеги пляж. Архив - Sputnik Кыргызстан
Ниязалиева: пансионаттардагы эс алуунун баалары документтерде жасалма төмөндөтүлгөн
Штабдын жетекчиси Мелис Абдырахмановдун айтымында, 2015-жылдын 1-июнунан 31-августуна чейин облустун аймагында 451 кылмыш иши иликтенип, анын 359унун бети ачылган. Ден соолукту чыңдоочу жайлардын аймагында 61 кылмыш иши катталып, 32 иш аягына чыккан. 

Чет өлкөлүк туристтердин буюм-тайымын уурдоо боюнча тогуз кылмыш иши катталган, бул өткөн жылга салыштырмалуу бешке аз. 

Жалпы жонунан 34 киши чөгүп кеткен, анын экөөсү Казакстандын жарандары. Туристтик мезгилде 146 жол кырсыгы болгон, андан 26 адам каза таап, 289у ар кандай жаракат алган. 

Милиция 2014-жылга караганда быйыл жол кырсыгы, андан өлгөндөрдүн саны да азайганын белгилейт. Ал эми кырсыктан жабыркагандардын саны, тескерисинче, жогорулаган.

Жайкы эс алуу маалында коопсуздукту камсыздоо үчүн жалпысынан 350 милиция кызматкери жана 800 элдик дружинанын ыктыярчылары тартылган.

Жаңылыктар түрмөгү
0