Биринчи вице-премьер Тайырбек Сарпашев. Архив

Сарпашев: ушу кезге чейин биометриядан өтпөгөн жаран өлкө келечегине кайдыгер

34
(жаңыланган 09:51 28.09.2015)
Биометрикалык маалымат чогултуу жараяны 2014-жылдын август айында башталып, жеке маалымат тапшырган жарандардын саны бүгүнкү күндө 2 миллион 813 миңге жетти. Алардын 2 миллион 670 миң 480и алдыда боло турган парламенттик шайлоодо добуш берүүгө укуктуу.

БИШКЕК, 18-сен. — Sputnik. Ушу кезге чейин биометрикалык маалымат тапшырбаган жарандар мамлекетке жана анын келечегине болгон кайдыгер мамилесин көрсөттү, деп билдирди биринчи вице-премьер Тайырбек Сарпашев шайлоо участкаларын текшерүү учурунда.

Маалыматка ылайык, бүгүн, 18-сентябрда Сарпашев Бишкек шаарынын борборунда жана Калыс Ордо жаңы конушунда жайгашкан кошумча шайлоо участкаларынын жана биометрикалык маалымат кабыл алуучу пункттардын даярдыгын текшерди.

Биометрикалык маалымат тапшыруу үчүн кезекте турган шайлоочулар менен сүйлөшүп, Сарпашев бүгүн жеке маалымат чогултуунун акыркы күн экенин белгилеп өттү.

Жолугушуу учурунда шайлоочулар кезек узактыгын айтышып, биометрикалык маалымат тапшыруунун мөөнөтүн жылдырууну сунушташты. Биринчи вице-премьер жеке маалымат чогултуу бүгүн аяктарын, биометрия тапшыруу жараяны бир жыл бою жүргөнүн айтып, буга чейин жеке маалымат тапшырбаган жаран мамлекетке болгон кайдыгер мамилесин ачыктаганын белгиледи.

"Биометрикалык маалымат чогултуу бир жылдан бери тынымсыз иштеди. Акыркы эки жумадан бери операторлор күчөтүлгөн режимде иштеп жатышты. Керек болсо үймө-үй кыдырып чогултулду. Бир жыл бою биометрикалык маалымат тапшыруу боюнча смс-билдирүүлөр келип жатты. Ушунун баарынан кийин биометрикалык маалымат тапшырууга кантип беш мүнөт тапкан жоксуңар?", — деди Сарпашев.

Бометрикалык маалымат чогултуу жараяны 2014-жылдын август айында башталып бүгүнкү күнгө чейин созулду. Жеке маалымат тапшырган жарандардын саны бүгүнкү күндө 2 миллион 813 миңге жетти. Алардын 2 миллион 670 миң 480и алдыда боло турган парламенттик шайлоодо добуш берүүгө укуктуу.

4-октябрга белгиленген парламенттик шайлоодон кийин жеке маалымат тапшыруу жараяны кайрадан уланат.

34
Белгилер:
жараян, Биометрикалык маалыматтар, шайлоо, Тайырбек Сарпашев
Тема:
Калктын биометрикалык маалыматын чогултуу жараяны кызуу жүрүүдө (64)
Тема боюнча
Биометрикалык маалыматты чогултуу бүгүн токтотулат
Биометрикалык маалымат тапшыргандардын саны 2,7 миллиондон ашты
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов

Мамытов: быйыл 13 айыл чарба техникасы лизингге берилди

4
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов республика боюнча 80 миңге чукул ар кандай үлгүдөгү айыл чарба техникасы бар экенин билдирди.

2011-жылдан бери 3 281, ал эми байыл 13 айыл чарба техникасы лизингге берилген. Бул тууралуу Алишер Мамытов Sputnik Кыргызстан радиосуна маек куруп жатып билдирди.

Мамытов: быйыл 13 айыл чарба техникасы лизингге берилди

Анын айтымында, өлкөдө 22 миң 100 трактор, 2 миң 200 дан комбайны, 17 миң 400 тиштүү мала, 2 миң 800 үрөн сепкич, 3 миңге чукул чөп чапкыч, 2 миңге чукул пресс жыйнагыч жана башка техника бар.

"Учурда алты лизинг долбоору бар. Бул долбоор 2011-жылдан бери иштеп жатат. Ошол убакыттан бери жалпы 5 миллиард 35 миллион сомго 3 миң 281 даана айыл чарба техникасы берилген. Бүгүнкү күндө лизингди өнүктүрүү үчүн 1,5 миллиард сомго барабар кредит топтому иштеп жатат. Аны алуу мөөнөтү 7ден 10 жылга чейин. Пайыздык чени 6дан тогузга чейин. Өздүк салым 10дон 30 пайызга чейин чыгат. Эгерде 30 пайыздан жогору өздүк салым төлөнсө, айыл чарба техникасы күрөөгө коюлат. Кайтарым шарты боюнча 3-6 айга чейин жеңилдик берилген. Негизги сумма бир жылда эки жолу, ал эми пайыздык чени ар квартал сайын төлөнөт. Быйыл лизинг үчүн 540 миллион сом бөлүнүп, учурда 13 айыл чарба техникасы берилди", — деди Мамытов.

Ошондой эле ал республика боюнча 5 миң 900 трактор, 2 миң 600 комбайн жетишсиз экенин кошумчалады.

Маекти толугу менен видеодон көрсөңүз болот.

4
Белгилер:
дыйкан, техника, айыл чарба, лизинг
Тема боюнча
Министрдин орун басары: быйыл айыл чарба техникасынын дефицити болбойт
Ысык-Көл. Архив

Ысык-Көл жүрөктү дарылайт. Россиялык космонавт өзгөчө сүрөт жарыялады

34
Кадрдан Ысык-Көлдүн түштүк-чыгыш тарабындагы булут бурганагын көрүүгө болот. Сүрөт Эл аралык космостук станциядан тартылган.

БИШКЕК, 1-мар. — Sputnik. Россиялык космонавт Сергей Кудь-Сверчков Эл аралык космостук станциядан тартып алган Ысык-Көлдүн уникалдуу сүрөтүн Twitter-аккаунтуна жарыялады.

"Ысык-Көл — бул кар баскан тоолордун ортосундагы баалуу аквамарин. Ал адамдын денесин гана эмес, жан дүйнөсүн дагы дарылаган бальзам. Жүздөгөн жылдардан бери адамдарга дем берип келе жаткан Кыргызстандын бермети", — деп жазылган сүрөттүн алдына.

Кадрдан Ысык-Көлдүн түштүк-чыгыш тарабындагы булут бурганагын көрүүгө болот.

Интернет колдонуучулары космонавттан ушул сыяктуу сүрөттөрдү байма-бай чыгарып турууну суранышкан.

34
Белгилер:
сүрөт, космонавт, Ысык-Көл
Тема боюнча
Reuters Кыргызстандагы тоңуп калган Ара-Көл көлүнүн видеосун жарыялады
Опера жана балет театры. Архив

Министрлик опера жана балет театрынын аталышы кандайча өзгөргөнүн түшүндүрдү

0
(жаңыланган 12:33 01.03.2021)
Документте мындай кадам Маданият жана искусство мекемелеринин ишин жөнгө салуу максатында жасалып жатканы белгиленет.

БИШКЕК, 1-мар. — Sputnik. Премьер-министр Улукбек Марипов опера жана балет театрынын аталышын өзгөртүү боюнча токтомго кол койду. Бул туурасында документ өкмөттүн сайтына жайгаштырылды.

22-февралда "Кыргыз Республикасынын өкмөтүнүн маданият жана искусство чөйрөсүндөгү айрым чечимдерине өзгөртүүлөрдү киргизүү жөнүндө" токтому чыккан. Ага ылайык, "А. Малдыбаев атындагы Кыргыз улуттук академиялык опера жана балет театры" "А. Малдыбаев атындагы В.И.Ленин ордендүү Кыргыз улуттук академиялык опера жана балет театры" мамлекеттик мекемеси" деп өзгөртүлгөн.

Президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш чарада
© Пресс-служба президента КР / Султан Досалиев
Ошондой эле театрдын башкаруу формасы дагы өзгөртүлүп, мамлекеттик мекеме макамын алып жатат. Документте мындай кадам Маданият жана искусство мекемелеринин ишин жөнгө салуу максатында жасалып жатканы белгиленет.

Ал эми Маданият, маалымат, спорт жана жаштар саясаты министрлиги театрдын аты өзгөртүлбөгөнүн, болгону документ Юстиция министрлигиндеги маалыматка дал келтирилгенин билдирди.

"Опера жана балет театры мурда Юстиция министрлигинде "А.Малдыбаев атындагы В.И.Ленин ордендүү Кыргыз улуттук академиялык опера жана балет театры" деп катталган. Өкмөттүн токтому менен биз болгону документти иретке келтирдик", — деп билдирди министрликтин маалымат кызматы.

Мындан сырткары, өкмөттүн чечими менен Төлөмүш Океев атындагы "Кыргызфильм" улуттук киностудиясы Маданият, маалымат, спорт жана жаштар саясаты министрлигинин алдындагы Кинематография департаментинин карамагына өттү.

0
Белгилер:
маданият, өкмөт, токтом, аталыш, Абдылас Малдыбаев атындагы Кыргыз Улуттук академиялык опера жана балет театры
Тема боюнча
ОшМУга Каныбек Исаковдун ысымы ыйгарылат. Шаардык кеңеш колдоду