БИШКЕК, 22-сен. — Sputnik. Кеминдеги Ак-Түз айыл өкмөтүнүн жашоочуларына Кутту-Сай-2 жана Калесай кендерин иштетүүгө уруксат берүү боюнча өтө турган конкурстун жол-жоболорун Геология жана минералдык ресурстар боюнча мамлекеттик агенттиктин жетекчиси Дүйшөнбек Зилалиев түшүндүрүп берди.
Куттуу-Сай-2ден сейрек кездешүүчү металлдардын кени, ал эми Калесайда бериллий кени чыгат.
Агенттиктин кызматкерлери бул багытта социалдык пакеттердин түзүлүшү, конкурстан түшкөн каражаттын бир бөлүгү аларга которула тургандыгы жана кендерди иштетүүнү жөнгө салып турган бир катар ченемдерди түшүндүрүштү.
Жолугушуунун жыйынтыгында коомчулукка аталган конкурстун алкагында жана бул багыттагы иш-чаралар боюнча маалыматтарды тез-тез жана ачык берип туруу боюнча сүйлөшүлдү.
