Кыйрагыс боордоштук-2015 окууларынын ЖККУнун Жамааттык тынчтыкты орнотуучу күчтөрү.

ЖККУнун тынчтык орнотуучу күчтөрү Армениядагы машыгууларда операцияга даярданууда

19
(жаңыланган 11:40 02.10.2015)
Шаршембиде "Кыйрагыс боордоштук-2015" машыгууларынын экинчи баскычы башталалып, анын жүрүшүндө ЖККУнун Жамааттык тынчтыкты орнотуучу күчтөрү менен тынчтыкты колдоо боюнча операцияны уюштуруу каралып жатат.

БИШКЕК, 2-окт. — Sputnik. "Кыйрагыс боордоштук-2015" окууларынын ЖККУнун Жамааттык тынчтыкты орнотуучу күчтөрү менен тынчтыкты колдоо боюнча операцияны уюштуруу боюнча экинчи баскычы шаршембиде башталалып, бейшемби күнү Армениянын "Маршал Баграмян" полигонунда улантылды деп билдирет анын биргелешкен маалымат борбору.

"Машыгуулардын планы боюнча аскердик-саясий жана стратегиялык жагдайлар кризистик кырдаалдардын алдын алып жана жөнгө салуу, шарттуу алынган ЖККУга мүчө мамлекеттин коопсуздугун, туруктуулугун, аймактык бүтүндүгүн жана көз карандысыздыгын жамааттык негизде коргоо боюнча иш-чараларды иштеп чыгуу үчүн түзүлгөн", — деп айтылат маалыматта.

Экинчи баскычтын жүрүшүндө ЖККУнун Жамааттык тынчтыкты орнотуучу күчтөрү менен тынчтыкты колдоо боюнча операцияны жана алардын бөлүктөрү өзү жооп берүүчү жерлерди ээлешин уюштуруу каралып жатат.

ЖККУнун Жамааттык тынчтыкты орнотуучу күчтөрүнүн командачысына тынчтыкты колдоого карата операция жүргүзүү боюнча окуу өткөрүүгө мандат тапшырылган.

ЖККУнун Жамааттык тынчтыкты орнотуучу күчтөрүнүн бөлүктөрү тынчтык орнотуу милдеттерин аткарууга байланышкан практикалык тажрыйбаларын жакшыртышты. Алсак, Армения менен РФтин контингенттеринин атайын бөлүктөрү шарттуу кылмыш топторунун иш-аракеттерине жашыруун көз салуу жана "экстремисттер" басып алган имаратка чабуул коюу моюнча машыгууларды өткөрдү. Белоруссия, Казакстан, Кыргызстан, РФ жана Армения өлкөлөрүнүн тынчтык орнотуучу аскердик контингенттери күзөт учурунда автоунаа мина талаасында болуп калган абалдагы аракеттерди, аны колго жасалган жардыргыч менен жардыруу, документтерди текшерүү, унаа каражаттарын карап чыгуу жана ЖМКлар менен өз ара иш алып баруу аракеттерин машыктырышты.

Машыгуулар планга ылайык жана ачык жүрүп жатат. Ага 600 аскер кызматкери жана 50гө жакын аскердик жана атайын техника катышууда. Ага Эл аралык Кызыл чырымдын, БУУнун тынчтыкты колдоо боюнча операциялар департаментинин жана башка эл аралык жана аймактык уюмдардын өкүлдөрү чакырылган. 

ЖККУнун тынчтык орнотуучу күчтөрүнүн "Кыйрагыс боордоштук-2015" окууларынын экинчи баскычы Арменияда 30-сентябрдан 4-октябрга чейин өтүп жатат.

19
Белгилер:
аскердик-техника, Аскер, "Кыйрагыс боордоштук-2015" окуулары, ЖККУ, Армения
Тема боюнча
Президент Атамбаев ЖККУ жыйынында терроризм менен күрөшүү маселелерин көтөрдү
ЖККУга мүчө өлкө башчылары авиациялык жалпы күч түзүүнү талкуулайт
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

28
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

28
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео
Карды тартып аткан адамдар. Архивдик сүрөт

Жекшембиге карата аба ырайы

42
24-январга караган түнү туруксуз аба ырайы күтүлүп, көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүү коркунучу бар. Бул тууралуу Кыргызгидромет билдирди.

БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.

Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.

42
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

0
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

0
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок