Сарпашев шайлоо учурунда чагымчылдыкка алдырбоого чакырды

© Sputnik / Табылды КадырбековБиринчи вице-премьер-министр Тайырбек Сарпашев. Архив
Биринчи вице-премьер-министр Тайырбек Сарпашев. Архив - Sputnik Кыргызстан
Жазылуу
Бүгүн эртең мененки саат 8.00дө Кыргызстанда парламенттик шайлоодо добуш берүү башталды.

БИШКЕК, 4-окт. — Sputnik. Биринчи вице-премьер-министр Тайырбек Сарпашев шайлоо учурунда чагымчылдыкка алдырбоого чакырды. Бул тууралуу ал бүгүн, 4-октябрда өткөрүлгөн селектордук жыйында билдирген.

Сарпашев жергиликтүү бийликке жарандарды идентификациялоо боюнча жабдууларды ишке киргизүүнү буюрду. Мындан тышкары, ал бүгүн түнү бардык шайлоо участкалары шайлоочулардын жаңыланган тизмеси камтылган флэшка менен камсыз болгонун белгиледи.

"Баарыңарды тынч, паникасыз иштөөгө чакырам. Айрым саясий партиялардын тигил же бул участкада шайлоонун жүрүшүнө таасир этүүгө аракет кылышы мүмкүн. Чагымчылдыкка алдырбагыла. Ар бир участкада иштеп жаткан уку коргоо органдарынын өкүлү менен тыгыз байланышта болуу зарыл. Кандайдыр бир техникалык маселелер жаралса, штабга чалып, кеңешкиле", — деди биринчи вице-премьер.

Бүгүн эртең мененки саат 8.00дө Кыргызстанда парламенттик шайлоого добуш берүү башталды. Анда 14 саясий партия ат салышууда.

2015-жылы Жогорку Кеңешке болуучу шайлоолордун жүрүшү туурасында Sputnik маалымат агенттигинин атайын долбоорунан окуңуздар>>

Жаңылыктар түрмөгү
0