БИШКЕК, 5-окт. — Sputnik. Чет өлкөлөрдө жашап жана иштеп жаткан кыргызстандыктардын 2570и парламенттик шайлоодо добуш бергенин Тышкы иштер министрлиги билдирди.
Кыргызстандык мигранттардын көбү Казакстан менен Россия мамлекеттеринде жашайт. бул эки өлкөдөн тышкары, шайлооу частоктору Малайзия, Түркия, ошондой эле айрым Европа мамлекеттеринде ачылган.
"Чет мамлекеттердеги кыргызстандык жарандардын 2570и добуш берип, бул жалпы шайлоочулардын 17 пайызын түздү. Бир катар шайлоо участокторунда жарышка партиялардын өкүлдөрү байкоо жүргүзүштү", — деп айтылат билдирүүдө.
Маалыматта шайлоо тынч, таза жана жагымдуу маанайда өткөнү белгиленет. Добуш берүүчү жайларда эч кандай мыйзам бузуулар катталган эмес.
Кечээ, 4-октябрь күнү Кыргызстандын тарыхында биринчи жолу жарандардын биометрикалык маалыматынын негизинде парламенттик шайлоо болуп өттү. Добуш берүүгө 1,5 миллион жарандын катышканы белгилүү болду.
