Жазгы талаа иштери. Архив

Кара-Сууда айдоо жерлери жеке жактарга мыйзамсыз өтүп кеткен

86
(жаңыланган 15:43 13.10.2015)
Жалган документтердин негизинде айыл өкмөтүнө караштуу айдоо жери турак жай курууга бөлүп берилген. Ал эми райондук сот жергиликтүү тургунду жердин ээси деп тааныган.

БИШКЕК, 13-окт. — Sputnik. Ош облусунун Кара-Суу районунда жер тилкелерин мыйзамсыз берүү жана документтерди жасалмалоо фактыларынын негизинде кылмыш иши козголгонун УКМК билдирди.

Маалыматка ылайык, аталган райондун Сарай айыл өкмөтүнүн кызматкерлери жергиликтүү тургунга 1999-жылы жарым гектардан ашуун жер берилгендиги тууралуу жалган справка жазышкан. Анын негизинде райондук сот жаранды жер тилкесинин ээси деп таанып, ал эми Мамлекеттик каттоо кызматы аталган жерди жеке турак-жай курулушу катары каттоого алган.

Текшерүү учурунда "Кыргызгипрозем" Мамлекеттик долбоордук институтунун аныктоо белгилерине ылайык, көрсөтүлгөн жер тилкеси айыл чарба багытындагы жерлердин катарына кирип, айдоо жери болуп саналары аныкталган.

Бул факты боюнча УКМКнын тергөө бөлүмү Кылмыш жаза кодексинин 304 ("Кызмат абалынан кыянаттык менен пайдалануу"), 315 ("Кызматтык жасалмачылык"), 350 ("Документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу") жана 166 ("Алдамчылык") беренелеринин негизинде кылмыш ишин козгоду.

Азыркы маалда тергөө иштери жүрүп жатат.

86
Белгилер:
айдоо, жер тилкеси, кылмыш, турак-жай, Кара-Суу району
Тема боюнча
Ата-Түрк паркындагы жер тилкелерин өзүм билемдик менен кеңейтип алышкан
Жер тилкесин мыйзамсыз басып алгандарды мэрия аныктады
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

62
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

62
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

137
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

137
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат