Заместитель министра обороны Нуркалый Жумабаев. Архивное фото

Министрдин мурунку орун басарына дагы бир кылмыш иши козголду

(жаңыланган 15:34 14.10.2015)
Жумабаев мүлктү каттоо мыйзамын бузуп, декларацияга 2013-2014-жылдардын аралыгында жеткен беш жеңил унаа, эки батир, эки кампа, эки турак үй жана коттедж курулган жер тилкесин киргизген эмес. Аталган мүлктүн баары үй-бүлө мүчөлөрүнө катталган.

БИШКЕК, 14-окт. — Sputnik. Коргоо министринин мурунку орун басары Нуркалый Жумабаевге карата "Мыйзамсыз баюу" беренеси боюнча кылмыш иши козголгонун УКМК билдирди.

Буга чейин экс-чиновник ведомствонун имаратынан чыгып келе жатып бутун кокустатып алган. Бирок камсыздандыруу акчасын алыш үчүн бутун иш учурунда кокустатты деген жалган документ жасалганы аныкталып, бул боюнча кылмыш иши козголгон.

Андан кийин президент Алмазбек Атамбаевдин буйругу менен министрдин орун басары кызматынан алынган.

Маалыматка ылайык, Жумабаев мүлктү каттоо мыйзамын бузуп, декларацияга 2013-2014-жылдардын аралыгында жеткен беш жеңил унаа, эки батир, эки кампа, эки турак үй жана коттедж курулган жер тилкесин киргизген эмес. Аталган мүлктүн баары үй-бүлө мүчөлөрүнө катталган.

Коррупцияга каршы кызматынын чогулткан материалдарынын негизинде Аскердик прокуратура Жумабаевге карата кылмыш жаза кодексинин "Мыйзамсыз баюу" беренесинин негизинде кылмыш ишин козгоду.

Учурда тергөө амалдары жүрүп жатат.

Белгилер:
кыймылсыз мүлк, кылмыш иши, УКМК, Нуркалый Жумабаев
Тема боюнча
Жалган документ менен акча алган коргоо министринин орун басары кызматынан кетти
УКМК: 10 миң доллар пара берип жаткан жеринен "Аскер Курулуштун" башчысы кармалды
Сокулук музыкалык мектебинин окуучусу Адинай Жумакадырова комуз белекке алды

Президенттен комуз сураган Адинай белегин алды. Сүрөт

(жаңыланган 19:10 20.04.2021)
Өзүмдүн өрүк комузум болсо деп кыялданган окуучу кыз президентке кат жазып көрүүнү чечкен. Мамлекет башчы Адинайдын өтүнүчүн жоопсуз калтырган жок.

БИШКЕК, 20-апр. — Sputnik. Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды. Бул тууралуу президенттин аппаратынан билдиришти.

  • Заведующий отделом Аппарата Президента Кудайберген Базарбаев подарил ученице Сокулукской музыкальной школы Адинай Жумакадыровой от комуз. 20 апреля 2021 года
    Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды
    © Пресс-служба президента КР / Султан Досалиев
  • Ученица Сокулукской музыкальной школы Адинай Жумакадыровой играет на подаренном от имени президента комузе. 20 апреля 2021 года
    Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды

Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган.

Бүгүн, 20-апрелде, президенттин аппаратынын гуманитардык өнүктүрүүгө мониторинг жүргүзүү жана жарандык коомдун институттары менен өз ара кызматташуу бөлүмүнүн башчысы Кудайберген Базарбаев Адинайдын өтүнүчүн аткарып, президенттин атынан ага комуз белек кылды.

"Адинайдын жолдогон каты дарегине жетти. Бүгүн биз Садыр Жапаровдун атынан улуттук музыкалык аспапты Адинайга белекке тапшырып жатканыбызга кубанычтабыз. Комуз өрүктөн жасалган. Мамлекет башчы Адинай мыкты музыкант болуп, эл аралык конкурстарда өлкөнүн атынан чыгат деген чоң үмүтүн билдирди", — деди Базарбаев.

Ал эми жаш музыканттын апасы Асел Асаналиева президентке кат жазуу кыздын жеке идеясы болгонун айтты.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Адинай бала кезинен эле музыкага, комузга өзгөчө жакын. Ар дайым өзүмдүн комузум болсо деп кыялданчу. Кыялын ишке ашырууга аракеттенип, президенттен суроону чечкен. Көп өтпөй эле комуз белекке берилери жөнүндө кабарлашты", — деди ал.

Адинай аспапка аяр мамиле жасап, көрүнүктүү комузчу болуш үчүн болгон күч-аракетин жумшарын белгиледи.

Белгилер:
аспап, Нооруз, комуз, Садыр Жапаров, президент, Сокулук
Тема боюнча
Жапаров: Бишкек баатыр ырыс жылоологон касиеттүү адамдардан болгон
Бишкектеги көп кабаттуу үйлөрүнө көрүнүш. Архивдик сүрөт

Бишкектин айрым бөлүгүндө электр жарыгы болбойт. График

(жаңыланган 17:53 20.04.2021)
Электр энергиясы баш калаанын көчөлөрүндө да, конуштарда да өчүрүлөт. Бул оңдоо иштерине байланыштуу экени айтылды.

БИШКЕК, 20-апр. — Sputnik. Эртең, 21-апрелде, Бишкектин бир катар районунда электр энергиясы өчүрүлөт. Маалымат "Түндүк электр" ишканасынын сайтына чыкты.

Бул күнү мекеменин кызматкерлери турак үйлөрдүн чубалгыларын, трансформаторлорду оңдоп, бак-дарактарды бутайт.

График:

  • 9:00дөн 17:00гө чейин — Токтоналиев көчөсүндөгү №320 үй жана Тынчтык конушунда;
  • 9:00дөн 18:00гө чейин — Чүй жана Манас проспектилеринде, Калык Акиев көчөсүндө, Жаш гвардия, Фрунзе, Исанов, Мурманский көчө кесилиштеринде жана Балбан-Таймаш конушунда;
  • 9:30дан 17:00гө чейин — №9 кичи райондогу №6 көп кабаттуу үйдө жана №10 кичи райондогу №21/1 үйдө;
  • 9:30дан 18:00гө чейин — Жибек жолу проспектисинде жана Тоголок Молдо көчөсүндө;
  • 9:30дан 19:00гө чейин — №5 кичи районунун айрым бөлүгүндө (№2-5, 19/2, 19/3 үйлөрдө);
  • 9:40тан 18:00гө чейин — Гоголь көчөсүндөгү №92 үйдө жана Огонбаев көчөсүндөгү №222 үйдө;
  • 10:00дөн 17:00гө чейин — Бакай-Ата конушунун айрым бөлүгүндө (Алмамбет жана Бакай-Ата көчөлөрү);
  • 13:00дөн 17:00гө чейин — Аламедин-1 кичи районундагы №3 үйдө.
Белгилер:
оңдоо, өчүрүү, "Түндүк Электр" ишканасы, электр энергиясы, Бишкек
Тема боюнча
Эртең Бишкектин бир нече конушунда жарык өчүрүлөт. График