Сот балкасы. Архив

"Түндүкэлектр" доо арыз менен Чүй облустук сотуна, Башкы прокуратурага кайрылды

157
(жаңыланган 11:36 16.10.2015)
Чүй облусунун Аламүдүн райондук соту кардарлардын укугун коргоочу "Кыргыз Трансконтроль" коомдук бирикмесинин өкүлү Виктор Горевдин арызынын негизинде ишкананын банк эсебин камакка алуу чечимин чыгарган.

БИШКЕК, 15-окт. — Sputnik. "Түндүкэлектр" ишканасынын банк эсеби камакка алынгандыктан, ишкананын бардык кардарлары жарыксыз калуу коркунучу жаралганын мекеменин маалымат катчысы Гуля Мураталиева Sputnik агенттигине билдирди.

Анын айтымында, ишкананын банктагы эсеби Чүй облусунун Аламүдүн райондук сотунун чечими менен 13-октябрда камакка алынган. Соттун мындай чечим кабыл алуусуна кардарлардын укугун коргоочу "Кыргыз Трансконтроль" коомдук бирикмесинин өкүлү Виктор Горевдин арызы себеп болгон.

"Горев "Түндүкэлектр" тарифтерди төмөндөтсүн деп сотко кайрылган. Арызды караган сот доочунун талабын канааттандырган. Сот эмненин негизинде чечим кабыл алганы бизге түшүнүксүз. Себеп дегенде тарифтерди аныктоо бөлүштүрүүчү компаниянын эмес, Отун-энергетика комплексин жөнгө салуучу Мамлекеттик агенттигинин компетенциясында. Тарифти алар белгилегенден кийин өкмөт бекитет", — деди Мураталиева.

Сот иши "Түндүкэлектр" ишканасынын өкүлдөрүсүз өткөнүн жана сот тууралуу билдирүү ишканага берилбегенин ал кошумчалады.

Жаралган кырдаалдан улам "Түндүкэлектр" ишканасынын чыгымдары өсүп жатканын Мураталиева баса белгиледи. Себеби, банк эсеби камакка алынгандыктан кредиттик жана дебитордук карыздар өсүп, кардарлардын төлөмдөрү түшпөй жатат. Анын кесепетинен ишкананын салыктары көбөйүп, кызматкерлерге маяна берилбей турат. Анткени бардык жумушчулар айлыкты банктан карточка менен алат.

Эгер абал ушундай өңүттө улана берсе, кардарларды карызы үчүн электр жарыгын өчүрүүгө туура келерин "Түндүкэлектр" ишканасынын маалымат кызматы билдирди.

Учурда ишкана доо арыз менен Чүй облустук сотуна жана Башкы прокуратурага кайрылды.

157
Белгилер:
электрондук эсеп, сот, "Түндүк Электр" ишканасы, Гуля Мураталиева
Тема боюнча
Түндүкэлектро: электр кубаты үнөмдөлө баштады
Токтогулда электр кубатын эсептен мыйзамсыз чыгаргандарга кылмыш иши козголду
Чүй облусундагы Оруу-Сай лыжа базасы. Архив

Бейшембиге карата аба ырайы

80
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

80
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

126
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

126
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды