ИИМ кызматкерлери патрулдоо мезгилинде.

"Дордойлуктар" менен "Энесайлыктар" мынча автоматчаны көргөн эмес

1583
(жаңыланган 13:00 22.10.2015)
Аскер кызматкерлери шек жараткан көчөлөрдө түрмөдөн качкандарды үймө-үй тинтип, кинологдор калың камыштарды түп көтөрө кыдырып, милиция жылаңайлактанып алып суу кечип издеди.

БИШКЕК, 16-окт. — Sputnik. Журналисттердин көбү 16-октябрдын таңын операциядан кийин каза болгон подполковник Тилек Абылгазиев өлүмү боюнча суук кабар жазуудан башташты. Аны №50 түрмөдөн качкандар оор жарадар кылышкан.

Скончался раненный беглецами СИЗО-50 сотрудник Госслужбы исполнения наказаний подполковник Тилек Абылгазиев
пресс-служба ГСИН КР
Скончавшийся подполковник ГСИН Тилек Абылгазиев

12-октябрга караган түнү №50 тергөө абагынан тогуз кылмышкер качып чыгып, ал жердеги Жаза аткаруу кызматынын үч кызматкерин өлтүрүп, бирин оор жарадар кылып кетишкен. Оор жаракат алган Абылгазиев 15-октябрдын түнүндө кайтыш болуп, бүгүн аны кичи мекени – Нарынга сөөгүн жөнөтөөрүн маалымдашты. 

Кандуу окуя башталып, кылмышкерлер качкандан кийин "Перехват" планы жарыяланат. Алар түрмөдөн чыккандан кийин Бишкекке багыт алат. Качкандардын экөө жолдон түшүп калып, Ленин айылындагы тааныштарыныкына кеткен. "Перехват" планынын натыйжасында алардын бешөө бир нече сааттан кийин эле кармалып, калган экөө качып кеткенге үлгүргөн. Милиция жалпысы болуп анда төрт адамга издөө жарыялаган. 

пресс-служба МВД КР
Милиция кызматкери Бакиев: кылмышкерлерди түнкү бир жарымдар чамасында кармадык

Бул окуядан кийин аларды Бишкектин бир нече жеринен жолуктурушкан деген маалыматтар айтылды. Бүгүн эртең менен кулак салып, саксактап турган маалыматтар такталды. "Дордой" базарынын чет жакасынан алдын ала түшкөн маалыматтардын негизинде тинтүү жүргүздү. Милиция "Дордой-1" жаңы конушунан түрмөдөн качкандардын бири Данияр Кадыралиевди таап, ал курчоого алынганда милиция кызматкерлерине бычак менен каршылык көрсөткөн соң, ага ок чыгарылгандыгын ИИМ билдирди. Ошентип, күч түзүмдөрүнө төрт күндөн бери уйку бербей келе жаткандардын бири жок кылынды. Анткен менен таң эртеден берки маалыматтарда Кадыралиев менен Азамат Мусуралиевди бирге көргөндүгүн, бир катарлары тамдын чатырынан байкагандыгын айтышкан. Милиция учурда эмки бутага Мусуралиевди алып, тинтип издеп баштады. 

пресс-служба МВД КР
Түрмөдөн качкан Данияр Кадыралиевди жок кылуудан кийин тартылган опера

Бул издөө иштери таң эртеңден кечке чейин уланды. Бишкектин түндүк-чыгыш тарабында жайгашкан "Дордой", "Энесай" конуштарынын жашоочулары жарандык кийимчендеринен тарта бетин чүмкөп, автомат кармаган аскер адамдарын бүгүнкүдөй көп санда көргөн эмес. 

Суу кечкен милиция, сабак токтобогон мектеп

Аскер кызматкерлери шек жараткан көчөлөрдө түрмөдөн качкандарды табуу үчүн үймө-үй тинтип, кинологдор аймактагы талааларды, калың камыштарды түп көтөрө кыдырып, милиция жылаңайлактанып алып суу кечип издеди. 

Анткен менен кылмышкерлер изделген аймактагы мектептердин биринде, милиция толо жүрүп, кооптуулук коштоп турган учурда окуу процессин үзгүлтүккө учураган жок. Анын директору менен байланышканыбызда, балдарды азыр үйлөрүнө тобокелдикке салып жибере албастыгын, милиция "окута бергиле" дегенин билдирди.

Көпкө чейин эсте калган картина – үймө-үй тинтип жаткан аскерлер менен катар эле жайбаракат маанайда жергиликтүү жашоочулардын, окуучулардын, ал тургай эмчектеги балдарын көтөрүп алып, көчөдө жүргөндүгү болду. 

Жители в районе рынка Дордой наблюдают за поисками
© Sputnik / Табылды Кадырбеков
Поиски беглого заключенного в районе рынка "Дордой"

Окуянын учугу мындан беш күн мурда тогуз кылмышкердин №50 түрмөдөн качып чыкканынан башталган. Кийин алардын сегизи мындан беш жыл мурда Бишкекте терракт уюштурган "Жайшуль-Махди" уюмунун мүчөлөрү экендиги маалым болду. Учурда качкандардын бешөө колго түшүп, бирөө өлүп, үчөө издөөдө турат. 

© Sputnik / Эркин Алымбеков
Тумандагы милиция жана ботаникалык бак — Бишкекте түрмөдөн качып чыкка

Качкандардын жашынган жерин айткан жарандарга Улуттук коопсуздук боюнча мамлекеттик комитет 300 миң сом акча сайды

Качкандар реанимациядан чыкпай калган полковникти кошкондо төрт кызматкердин канына забын болушту. Ошентип, он бала атасыз жетим калды.

Мусуралиев күүгүм киргенге чейин табылган жок. Үн күчөткүч аркылуу өз эрки менен колго түшүп берүү сунушу майнапсыз болду. Күндүз колго түшпөгөн Мусуралиевдин түндө кармалары али белгисиз.

Ал эми көз байланганда "Дордойдон" угулган октун үнү туурасында ИИМден түшүндүрмө беришти. Короодон секирип бара жаткан аскердин куралы түшүп кетип автомат атылгандыгын, андан эч ким зыян тартпагандыгын айтышты. 

Анткен менен "Дордой" жаңы конушундагы курчоо алынбай турганын, кирип-чыккан ар бир автоунаа тыкыр текшерүүгө алынып жаткандыгын ИИМ билдирди. 

© Sputnik / Эркин Алымбеков
Түндө милиция Дордой-1 конушун тинтип издеп чыкты

Шаардык милиция түрмөдөн качкан кылмышкер жок кылынган аймакты түнү бою кезектешип күзөтө турганын Sputnik агенттигинин кабарчысы жеринен билдирди. 

1583
Белгилер:
'Энесай' жаңы конушу, 'Дордой' конушу, Данияр Кадыралиев, ИИМ, Жайшуль Махди, ЖАМК, 50 түрмө
Тема:
№50 түрмөдөн качкан кылмышкерлер (125)
Тема боюнча
ИИМ кылмышкерлер жашырынып жүргөн "Дордойдогу" ок атуу боюнча түшүндүрмө берди
Түрмөдөн качкан Данияр Кадыралиевди жок кылуудан кийин тартылган оперативдүү тасма
Милиция Дордой аймагынан кылмышкерлердин багынып берүүсүн талап кылууда
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

168
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

168
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
Тоолуу аймак. Архивдик сүрөт

Дүйшөмбүгө карата аба ырайы

183
18-октябрда өлкөнүн дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 17-окт. — Sputnik. Дүйшөмбүдө күндүз кээ бир райондордо жаан, тоолуу райондордо кар жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +15…+20, Талас, Ысык-Көл, Нарын өрөөндөрүндө +14…+19, Ош, Жалал-Абад, Баткен аймактарында +20…+25 градусту көрсөтөт.

Күндүн табы Бишкекте +18…+20, Ош шаарында +23…+25 градус болот.

183
Белгилер:
аба ырайы, октябрь, Кыргызстан
Тема боюнча
Жаан жаабайбы? Бир жумага карата аба ырайы