Турганбаев: Итибаевдин "Достукта" экенин милиция так билген эмес

© Sputnik / Виктор ТолочкоИчки иштер министри Мелис Турганбаев. Архив
Ички иштер министри Мелис Турганбаев. Архив - Sputnik Кыргызстан
Жазылуу
Түрмөдөн качып чыгып, 11 күндөн бери изделип жаткан кооптуу кылмышкер Алтынбек Итибаевди жок кылуу операциясында милициянын капитаны 37 жаштагы Төлөбек Исмаилов каза болгон.

БИШКЕК, 23-окт. — Sputnik. Милиция кызматкерлери Итибаевдин "Достук" кичи районунда жашырынып жатканын так билген эмес. Бул тууралуу ички иштер министри Мелис Турганбаев маалымат жыйында билдирди.

Кооптуу кылмышкерди кармоо учурунда. Архив - Sputnik Кыргызстан
Курман болгон жоокер "Кыргызстандын Баатыры" сыйлыгына көрсөтүлөт
Анын айтымында, кылмышкер Бишкек шаары менен Чүй облусунда изделип келген. Аталган райондо иштеп жаткан топ Итибаевдин "Достуктагы" үйлөрдүн биринде экенин билгенден кийин калган кызматкерлер ал жерге тартылган.

Кечээ, 22-октбярь күнү түнкү саат 22.30да "Достук" кичирайонунда жашырынып жаткан Итибаев жок кылынган. Үч саатка созулган атайын операцияны ИИМ жетекчиси Мелис Турганбаев жетектеп, атышуу учурунда атайын даярдыктагы ыкчам отряддын жоокери 37 жаштагы Төлөбек Исмаиловдун башына ок тийип каза болгону белгилүү болгон.

Бүгүн эртең менен ИИМ имаратында жоокер менен коштошуу зыйнаты өтүп, ага премьер-министр Темир Сариев жана ИИМ башчысы Мелис Турганбаев катышты. 

Жаңылыктар түрмөгү
0