Салбурун оюндары учурунда. Архив

Салбурун фестивалына Катар мамлекетинин шейхи келди

43
(жаңыланган 14:09 26.10.2015)
10-жолу уюштурулуп жаткан эл аралык турнирге Монголия, Казакстан, Түштүк Корея, Катар жана Кыргызстандын жаачы, кушчулары катышты.

БИШКЕК, 26-окт.— Sputnik. Дем алыш күндөрү Ысык-Көлдүн Бөкөмбаев айылында Салбурун фестивалы өтүп, ага беш мамлекеттин жаачылары, кушчулары жана тайганчылары келгенин Салбурун федерациясынын негиздөөчүсү жана президенти Алмаз Акунов Sputnik агенттигине билдирди.

Анын айтымында, 10-жолу уюштурулуп жаткан эл аралык турнирге Монголия, Казакстан, Түштүк Корея, Катар жана Кыргызстандын жаачы, кушчулары катышты.

"Быйыл көпчүлүк мамлекеттин өкүлдөрү байкоочу катары милдет өтөдү. Мисалы, Казакстандан 22 киши келди. Келген коноктордун көпчүлүгү жаачылык өнөр боюнча өз артыкчылыктарын көрсөттү. Ал эми куш менен тайганды чек арадан алып өтүү көп машакатты жаратат", — деди ал.

Акуновдун айтымында, эл аралык мааракелик турнирге 127 өкүл катышкан. 

Түркиядан келе турчу коноктор келе албай калганын билдирип, жааларын белекке берип жиберишкен. Ошондой эле, Катар мамлекетинин шейхи жана өлкөнүн кушчулар уюмунун вице-президенти ушуну менен үчүнчү жолу келди.

Дем алыш күндөрү 24-25-октябрда Ысык-Көл облусунун Бөкөмбаев айылында Салбурун боюнча эл аралык турнир өттү. Аны көрүүгө туристтер, жергиликтүү эл жана бийлик өкүлдөрү катышты.

Турнирдин негизги максаты кыргыз элинин маданий мурасын сактоо жана жайылтуу, ошондой эле достукту бекемдөө болуп саналат.

Мелдеш шумкар таптоо, чырга тартуу, тайгандардын жарышы, жаа атуу боюнча өтүп, ат чабыш, кыз куумай менен коштолуп, мындан сырткары, кыздардын жана жаш балдардын таймаштары да өзүнчө өттү.

43
Белгилер:
салбурун, оюн, Алмаз Акунов, Ысык-Көл
Тема боюнча
Алмаз Акунов: Салбуурун Кыргызстандын бренди болушу керек
Салбуурун боюнча Кыргызстандын алгачкы чемпионаты
Маршрутка айдоочусу жана милиция кызматкери. Архивдик сүрөт

ШИИБ маршрутка айдоочуларын чагымчылдыкка алдырбоого чакырды

14
(жаңыланган 14:45 17.01.2021)
Милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

БИШКЕК, 17-янв. — Sputnik. Бишкек шаардык ички иштер башкармалыгы кичи автобустардын айдоочуларын чагымчылдыкка алдырбоого чакырды.

Белгилүү болгондой, милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирүү түшкөн.

"Борбор калаада коомдук тартипти туруксуздаштыруу КРдин мыйзамын бузуу болуп саналат. Ошондуктан ШИИБ маршрутка айдоочуларын чагымчылдыкка алдырбоого чакырат", — деп айтылат маалыматта.

Ошол эле учурда айдоочулар коом үчүн өтө зарыл жана чоң иш аткарып жатканын эстен чыгарбашы керектиги белгилеген.

"Эгер чагымчыл иштерге жол берилип, коомдук тартип бузула турган болсо, ошондой эле коомдук транспортто же көчөдө жарандардын жана балдардын коопсуздугуна коркунуч жаралса, менчик жана мамлекеттик мүлктөр жабыркаса, КРдин мыйзамына ылайык олуттуу чаралар көрүлөт", — деп эскерткен ШИИБ.

Милиция 12-январда Бишкек шаардык кеңеши, мэрия жана шаардык кызматтардын өкүлдөрү жеке менчик ташып жеткирүүчү компаниялардын жетекчилери менен жолукканын эске салган. Анда жол кирени көтөрүү маселеси козголгон.

Айрым маршрутка айдоочулары жол кирени 15 сомго чейин көтөрүү талабын койгон. Мэрия аталган маселе акырындык менен чечилерин, маршрутка айдоочуларынын койгон талаптарын караган жумушчу топ түзүлгөнүн буга чейин айткан.

ШИИБ айдоочуларга кагаз түрүндө эскертүү таратылганын белгиледи. Анда кокус коомдук тартип бузула турган болсо, мэрия жеке менчик фирмалар менен кызматташууну карап чыга турганы жазылган.

14
Белгилер:
тартип, эскертүү, коом, айдоочу, маршрутка, ШИИБ
Тема боюнча
Мэрия: Бишкектеги маршрутка айдоочулары иш таштаса лицензиялары алынат

18-январда иш ташташы мүмкүн болгон маршрутка айдоочулары эмне дейт? Түз эфир

69
Sputnik Кыргызстан агенттигинин кабарчысы түз эфирде маршрутка айдоочулары менен сүйлөшүп, алардын пландалып жаткан иш таштоосу боюнча оюн угат.

Эске салсак, Бишкектеги кичи автобустардын айдоочулары 18-январда жумушка чыкпай калышы ыктымал. Маршрутка айдоочулары иш таштай турган болсо, Бишкек мэриясы ташып жеткирүүчү компаниялардын лицензиясын чакыртып алууну суранып Транспорт министрлигине кайрыла турганын билдирген.

Буга чейин ордо калаадагы маршруттук микроавтобустардын айдоочулары коомдук транспорттогу жол кире акысын 15 сомго чейин көбөйтүүнү талап кылышкан. Эгер андай болбой турган болсо, ишти токтотуп митингге чыгышарын айтышкан.

69
Белгилер:
түз эфир, иш таштоо, айдоочу, маршрутка, Бишкек
Тема боюнча
Маршрутка акысын 15 сомго чейин көтөрүү талабы. Бишкек мэриясы жооп кайтарды
Мэрия: Бишкектеги маршрутка айдоочулары иш таштаса лицензиялары алынат