Абийрин сактайм деп омурткалары сынган Канайымга 2-операция жасатуу үчүн акча керек

© Sputnik / Алексей Куденко / Медиабанкка өтүүОперация залы. Архив
Операция залы. Архив - Sputnik Кыргызстан
Жазылуу
Үйүн жыйнатам деп чакырып, арам оюн ишке ашырууга аракет кылган зордукчунун колунан араң кутулган 20 жаштагы Канайымга биринчи операция жасалды.

БИШКЕК, 28-окт. — Sputnik. Зордукчунун колунан кутулуу үчүн жетинчи кабаттын балконунан алтынчы кабатка түшөм деп тайып кулап кеткен Канайымга Москва шаарындагы Сергей Боткин атындагы клиникалык ооруканада операция жасалды. Бул тууралуу ага жардам берип жүргөн "Москва KG" гезитинин башкы редактору Жылдыз Осмонова билдирди.

Анын маалыматына ылайык, операция сегиз саатка созулуп, ийгиликтүү өткөн.

Абийирин сактайм деп балкондон кулап кеткен Канайым, азыр жардамга муктаж
Биринчи операция ийгиликтүү аяктады, эми экинчи операция жасатуу керек. Канайымдын апасы Гүлшан Матаеванын айтымында, ал биринчи операция үчүн 500 миң рубль жумшалган. Эми дагы 300 миң рубль керек.

Канайымдын экинчи операциясын жасатууга мекендештерден 89 миң 626 рубль чогулганын Осмонова Facebook баракчасына жазды

Дарыгерлер экинчи операция канчалык эрте болсо, анын жыйынтыгы ошончолук жакшы болорун белгилешкен.

Каргашалуу окуя 19-сентябрда болгон. Үйүн жыйнатам деп чакырган жаран ал ишин аяктап калганда ага тийишип, арам оюн ишке ашырууга аракет кылган. Канайым андан качып, 7-кабаттын балконунан алтынчы кабатка секирем деп колу тайып, жерге кулап түшкөн. Бактыга жараша, ал дароо жерге түшпөй, бак-дарактын үстүнө түшүп, омурткалары жана жамбашы сынган.

Жаңылыктар түрмөгү
0