Гезит. Архив

Беш өрдөк: министр болгусу келген депутаттар, түрмөдөн качкандар

462
(жаңыланган 15:31 02.11.2015)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

Министрликтерди "айланчыктагандар" ким?

"Де-Факто" гезити 30-октябрда чыккан санында "Өнүгүү – Прогресс" партиясынан Жогорку Кеңешке депутат болуп келген Исхак Масалиев "Каржы министрлигине көзүн кызартып жатыптыр" деп жазды.

6-чакырылышка депутат болуп келген Масалиев мындай маалыматты Sputnik агенттигине төгүндөдү.

"Эч кандай аракет кылган жокмун. Андай оюмда деле жок, кызмат тууралуу сунуш болгон эмес. Бул тууралуу азыр силерден угуп жатам", — деген пикирин билдирди.

КСДП партиясынын тизмеси менен Жогорку Кеңешке депутат болуп келген Жылдыз Мусабекова "мандат алган соң кайра учуп, өкмөттүн бир бутагына конгону турат. Анын жумуш аткаруу жөндөмүн эске алганда, Маданият министрлиги ылайыктуу экен бул айымга", — деп жазат "Жаңы Агым гезити" 30-октябрда чыккан санында.

Жаңы эле мандат алган Мусабекова бул маалыматты жокко чыгарып, Маданият министрлигин жетектөө оюнда жок экенин билдирди.

"Мен мындайды биринчи жолу угуп жатам. Андай сөз жок. Алар болжолдоп жазышса керек. Мен билгенден бул орунга башкалар жүгүрүп жүрөт окшойт", — деди ал.

Түрмөдөн качты деп…

Нарын облусундагы жабык типтеги түрмөдө камалгандар өткөн жумада качты деген маалымат тарап, ал той-топурларда, эки кишинин башы бириккен жерде катуу сөз болду. 

Бирок, бул маалыматты Жаза аткаруу мамлекеттик кызматы төгүнгө чыгарды.

"Нарындагы жабык түрмөдөн эч бир жаран качкан жок. Акыркы окуялардан улам абак жайлары тыкыр көзөмөлгө алынган", — деп аталган кызматтан билдиришти.

№50 түрмөдөн качып чыгып, Кыргызстанды түп көтөргөн кылмышкерлерден эл коркуп калган.

462
Белгилер:
гезит, депутат, Искак Масалиев, Нарын облусу
Тема:
Беш өрдөк – айың-кептер айылы (23)
Тема боюнча
БШК жаңы депутаттардын тизмесин жарыялады
Жаңы депутаттар эски унаага эле отурат
БУУнун Адам укуктары боюнча жогорку комиссары Мишель Бачелет. Архив

БУУнун жогорку комиссары өкмөттүн чек арадагы жаңжалды жөнгө салуусун кубаттады

72
(жаңыланган 00:02 06.05.2021)
Эл аралык уюмдун Адам укуктары боюнча жогорку комиссарынын башкармалыгы чек арадагы кырдаалды башынан бери кылдаттык менен байкап келе жаткандыгын билдирген.

БИШКЕК, 5-май — Sputnik. Кыргызстандын БУУдагы жана башка эл аралык уюмдардагы туруктуу өкүлү, Женевада иш алып барган Данияр Мукашев БУУнун Адам укуктары боюнча жогорку комиссары Мишель Бачелет менен жолугушту. Бул тууралуу ТИМ кабарлады.

Ага ылайык, Мукашев кыргыз-тажик чек арасында болгон куралдуу жаңжал жана учурдагы кырдаал жөнүндө кеңири маалымат берди.

Туруктуу өкүл кагылышуунун натыйжасында өлкөдөн 36 жаран каза болгондугун, басымдуу бөлүгү карапайым эл экенин, анын ичинде эки бала (5 жана 12 жашта) бардыгын белгилеген. Ошондой эле 160 адам жаракат алып, 30 миңге жакын киши жашаган жерин таштап кетүүгө аргасыз болуп, объектилер кыйраганын айткан.

Мукашев кыргыз тарап чек ара маселелерин аскер күчү менен чечүүнү жактабай келгендигин жана талаш маселелерди тынчтык жолу менен жөнгө салууну биринчи орунга коёрун билдирген.

Мишель Бачелет БУУнун Адам укуктары боюнча жогорку комиссарынын башкармалыгы (АУЖКБ) кыргыз-тажик чек арасындагы кырдаалды башынан бери кылдаттык менен байкап келе жаткандыгын айткан. Ал ошондой эле кыргыз өкмөтүнүн чыр-чатакты тынчтык жолу менен жөнгө салуу жана анын курчуп кетишине жол бербөө боюнча аракеттерин кубаттаган.

Мындан сырткары, АУЖКБ эки мамлекеттин чек арасындагы кырдаалга байкоо жүргүзүп турарына ишендирген.

72
Белгилер:
Жаңжал, чек ара, ТИМ, БУУ, Кыргызстан
Тема:
Баткендеги кыргыз-тажик жаңжалы
Тема боюнча
Чек арадан көзүн албаган "Шер" атайын отрядынын спецназы. Фотофакт
Баткенге башчы болгон Абдикарим Алимбаев алгач "Головнойго" барды. Сүрөт
ИИМдин Ички аскерлеринин Шер атайын дайындоодогу отрядынын аскери

Чек арадан көзүн албаган "Шер" атайын отрядынын спецназы. Фотофакт

413
(жаңыланган 22:33 05.05.2021)
Сүрөттө ИИМдин Ички аскерлеринин "Шер" атайын дайындоодогу отрядынын аскери Баткендеги мамлекеттик чек араны кайтарып турат.

Сүрөттү Sputnik Кыргызстан агенттигинин фотокабарчысы Табылды Кадырбеков тартып алган.

Солдат отряда специального назначения ШЕР на кыргызско-таджикской границе в Баткенской области
© Sputnik / Табылды Кадырбеков
Сүрөттү Sputnik Кыргызстан агенттигинин фотокабарчысы Табылды Кадырбеков тартып алган

Белгилей кетсек, кыргыз-тажик чек арасындагы жаңжалда "Шердин" спецназдары "Головной" суу бөлүштүрүүчү жерин кошумча күч келгенче алты саат бою позициясын бербей коргоп турганы белгилүү болду.

Солдат отряда специального назначения ШЕР на кыргызско-таджикской границе в Баткенской области
© Sputnik / Табылды Кадырбеков
Белгилей кетсек, кыргыз-тажик чек арасындагы жаңжалда "Шердин" спецназдары "Головной" суу бөлүштүрүүчү жерин кошумча күч келгенче алты саат бою позициясын бербей коргоп турганы белгилүү болду
413
Белгилер:
сүрөт, кайтаруу, чек ара, спецназ, Аскер, ИИМ, Баткен
Тема:
Баткендеги кыргыз-тажик жаңжалы
Тема боюнча
12 адам жашынган жеринде жан берген. Кандуу окуянын очогу “Головнойдон” кадрлар
Садагам кызым, периштем... Мадинаны жоктоп кан жуткан ата-эненин күйүтү
Катуудан казаны, жумшактан күлү... Кан төгүлгөн чек ара жаңжалынан 18 ирмем
Прездинет Садыр Жапаров Казакстандын президенти Касым-Жомарт Токаев менен. Архив

Токаев Жапаровду жаңы Конституциянын кабыл алынышы менен куттуктады

0
(жаңыланган 00:49 06.05.2021)
Токаев Казакстан Кыргызстандын стратегиялык өнөктөшү жана союздашы катары ар тараптуу колдоо көрсөтүүгө даяр экенин билдирди.

БИШКЕК, 6-май — Sputnik. Казакстандын президенти Касым-Жомарт Токаев кесиптеши Садыр Жапаровду жаңы Конституциянын кабыл алынышы менен куттуктады. Бул тууралуу Акорданын сайтында жазылган.

Казакстандын лидери жиберген куттуктоо телеграммасында Нур-Султан Бишкекке ар тараптуу колдоо көрсөтүүгө даяр экендиги айтылат.

"Эл тарабынан колдоого алынган Баш мыйзам Кыргызстанды өнүктүрүүнүн, суверендүүлүгүн коргоонун жана коомду андан ары консолидациялоонун узак мөөнөттүү стратегиясынын негизин түзөт. Сиздин демилге жана реформаларыңызды ийгиликтүү ишке ашыруу кыргыз мамлекеттүүлүгүн бекемдөөгө, өлкөнүн эл аралык аренада кадыр-баркын жогорулатууга өбөлгө түзөт. Казакстан Кыргызстандын стратегиялык өнөктөшү жана союздашы катары мындан ары дагы ар тараптуу колдоо көрсөтүүгө даяр", — деп айтылат билдирүүдө.

Жыйынтыгында Токаев Жапаровго кыргыз элинин бакубаттуулугу жана келечеги үчүн жооптуу миссиясында чоң ийгиликтерди каалады.

Садыр Жапаров 5-майда жаңы Конституцияга кол койду. Анын алкагында кыргыз өкмөтү министрлер кабинети болуп өзгөрдү

0
Белгилер:
Садыр Жапаров, Касым-Жомарт Токаев, Казакстан, Кыргызстан
Тема:
Жаңы Конституциянын долбоору жана референдум
Тема боюнча
Көбү ордунда калды. Министрлер кабинетинин мүчөлөрүнүн тизмеси
Кыргыз өкмөтү министрлер кабинети болуп өзгөрдү. Жапаров жарлыкка кол койду