ЖК төрагасы өлкөнүн өнүгүшүнө журналисттердин салымын белгиледи
(жаңыланган 13:04 07.11.2015)
Так маалымат, калыс сын жана тыгыз байланыш эл кызыкчылыгы үчүн кызмат кылат, деди спикер.БИШКЕК, 7-ноя. — Sputnik. Жогорку Кеңештин төрагасы Асылбек Жээнбеков журналисттерди кесиптик майрамы менен куттуктаганын парламенттин маалымат кызматы билдирди.
Кыргызстанда маалымат жана басма күнү 7-ноябрда белгиленет.
Жээнбековдун айтымында, журналисттерди коомчулук менен мамлекеттин жашоосундагы орду абдан чоң.
"Мамлекеттин саясатын объективдүү жана ар тараптуу маалымат менен чагылдырып, сиздер өлкөнүн өнүгүшүнө маанилүү салым кошуп келе жатасыздар", — деп айтылат куттуктоодо.
Жээнбековдун айтымында так маалымат, калыс сын жана тыгыз байланыш эл кызыкчылыгы үчүн кызмат кылып, демократиялык принциптердин өнүгүшүнө өбөлгө болот.
Төрага журналисттерге бекем ден соолук жана чыгармачылык ийгилик каалады.
Кыргызстандагы эң кымбат 10 университеттин тизмеси жана баалары
(жаңыланган 13:20 01.03.2021)
Билим берүү жана илим министрлиги Кыргызстандагы окуу акысы эң кымбат 10 жогорку окуу жайдын тизмесин жарыялады. Арасында акысы 50 миң сомдон жарым миллионго чейин чапчыгандары бар.
Кыргызстандагы эң кымбат университет болуп АУЦА эсептелет. Билим берүү министрлигинин маалыматына караганда, жылына орто эсеп менен студент 482 400 сом төлөйт.
Экинчи сапта Медицинанын эл аралык жогорку мектеби. Бул жерде жалаң гана чет элдиктер билим алышат. Студент жылына 210 000 сом төлөйт.
Салымбеков атындагы университетте бир жылдык окуу акысы жергиликтүү студенттер үчүн 75 миң, чет элдиктерге 165 миң сомго жетет.
Эл аралык медицина университетинин окуу акысы жеткиликтүүрөөк. Анда кыргызстандыктар жылына 93 миң, чет элдиктер 151 миң сом төлөшөт.
Кымбаттыгы боюнча алдыңкы беш сапка кирген окуу жайлардын катарында "Ала-Тоо" эл аралык университети бар. Жергиликтүүлөр үчүн жылына 80 миң сом болсо, чет элдиктер 173 миң сом төлөшү керек.
Белгилер:
20 жылга кесилет! ИИМдин РФтеги өкүлчүлүгү курьер кызматына жамынгандарга кайрылды
(жаңыланган 13:37 01.03.2021)
ИИМдин РФтеги өкүлчүлүгү Россиянын аймагында эмгектенип жүргөн мекендештерге билбестиктен мыйзамсыз иштерге кабылып калбас үчүн кыраакы болууга чакырып, ал эми бир катарларына эскертүү берди."Россия Федерациясынын аймагында жашап, эмгектенип жаткан мекендештерге кайрылуу. Акыркы күндөрү Россия Федерациясынын аймагында мекендештерибиз "курьер" кызматында иштеп, баңгизатын мыйзамсыз ташууга көмөктөш болуп калган учурлар көп катталууда", — деп айтылат маалыматта.
ИИМ мыйзамсыз иштер адатта Россияда "Телеграмм" жана Hydro сайты аркылуу жүргүзүлүп жатканын билдирген.
"Мыйзамсыз буюмдарды ташууда: буюртма берүүчү тараптын буйругу менен белгиленген жерден мыйзамсыз заттарды алып, белгисиз кабыл алуучуга, тактап айтканда, жашыруун жайларга коюп кетүү болуп саналат. Бул кызмат "Телеграмм" жана Hydro сайты аркылуу жүргүзүлөт.
©
Фото / из личного архива Нурлана Жанбаева
Тилекке каршы, биздин кээ бир мекендештер оңой жана тез аранын ичинде чоң акча табууну көздөп мыйзамсыз заттарды, буюмдарды ташып жатышат", — деп айтылат маалыматтарда.
Өкүлчүлүк курьерлик кызматка жамынып, баңгизатын мыйзамсыз жеткирүү менен алектенген жарандарга да кайрылып, эскертүү берген.
"Бул кооптуу ишти бир же эки жолу аткарып "мени кармаса курьермин деп кутулам же эч ким байкабаса, иштин жагдайларын билбесе кайра аткарсам болот" деген кыска түшүнүктөн алыс болуш керек! Себеби алыста үмүт артып, жол карап күткөн ата-эненин, бир туугандардын көз жашы да жардам бере албайт. Бул кылмыш үчүн Россиянын мыйзамдарында 20 жылга чейинки эркинен ажыратуу жазасы каралган. Мыйзамсыз жана өмүрүңүз үчүн кооптуу ишти жасаардан мурда терең ойлонуңуз, урматтуу мекендеш", — деп айтылат кайрылууда.
ИИМ бул кайрылуунун видео версиясын да жасап тараткан.
Белгилер:
Финпол салыктан качкан Beeline компаниясынан 112 млн. сом өндүрдү
(жаңыланган 13:37 01.03.2021)
"Скай Мобайл" ЖЧКсына текшерүү жүргүзгөндө кирешесин жашырып, ири суммада салык төлөбөй койгону аныкталган.БИШКЕК, 1-мар. — Sputnik. Beeline соода маркасы менен таанылган "Скай Мобайл" компаниясы мамлекетке келтирген зыяндын 112,1 миллион сомун бюджетке кайтарды. Бул туурасында Экономикалык кылмыштарга каршы күрөшүү кызматы билдирди.
Маалыматта аталган компания салык төлөөдөн качканы аныкталып, 2019-жылдын ноябрында Жазык кодексинин 232-беренесинин 2-бөлүгү менен сотко чейинки өндүрүш ачылган. Мунун алкагында Финпол "Скай Мобайл" ЖЧКсына текшерүү жүргүзүп, натыйжада компания кирешесин жашырып өзгөчө ири суммадагы салык төлөбөй койгонун ачыкка чыгарган.
"Үстүбүздөгү жылдын 11-февралында тергөөнүн жүрүшүндө аталган компания мамлекеттик бюджетке келтирген 112 миллион 103 миң 243 сомдук зыяндын ордун толтурду", — деп айтылат маалыматта.
Азыркы тапта Финпол тарабынан экономикалык коопсуздукту камсыздоо жана зыяндын ордун толтуруу иштери улантылып жатканы белгиленет.