Ноталар жазылган кагаз. Архив

Күрөңкөев атындагы музыкалык окуу жайы 75 жылдык мааракесин белгилейт

72
(жаңыланган 13:31 12.11.2015)
1940-жылдын 1-сентябрында эшигин биринчи жолу ачкан окуу жай төрт жылдан соң алгачкы карлыгачтарын уядан учурган. Дагы бир жылдан кийин окуу жайга залкар эл композитору, кыякчы, комузчу Муратаалы Күрөңкөевдин ысымы ыйгарылган.

БИШКЕК, 12-ноя. — Sputnik. Бүгүн Муратаалы Күрөңкөев атындагы кыргыз мамлекеттик музыкалык училищеси 75 жылдык мааракесин белгилей турганын Маданият, маалымат жана туризм министрлиги билдирди.

Ага ылайык, саат 12.00дө Сатылганов атындагы улуттук филармонияда салтанаттуу иш-чара өтүп, ал ири программадагы концерт менен коштолот. 

1940-жылдын 1-сентябрында эшигин ачкан окуу жай төрт жылдан соң алгачкы карлыгачтарын уядан учурган. Дагы бир жылдан кийин окуу жайга залкар эл композитору, кыякчы, комузчу Муратаалы Күрөңкөевдин ысымы ыйгарылып, анын атына стипендия бекитилген. белгилүү композиторлор Насыр Давлесов, Сейдалы Медетовдор биринчи стипендиант болуп, биринчи кызыл дипломду кийин узак жылдар бою вокалдык бөлүмдү жетектеген Тамара Виленчик алган. 

72
Белгилер:
училище, маараке, музыка, Бишкек
Тема боюнча
Бишкекте музыкалык терапия боюнча семинар өтөт
Бишкекте татар маданиятын, музыкасын тааныткан концерт өтөт
Футболчу Диего Марадона кесипкөй бокстун эки салмак боюнча дүйнө чемпиону Сантос Ласьяр менен 1996-жылы бокс беттеши учрунда. Архив

Соцтармак Марадонанын бокстагы дебютун эскерди. Видео

16
Беттештен бир күн мурда мушкерлер салт катары таразага түшүшүп, Марадона атаандашынан 14 килограммга оор болгон.

БИШКЕК, 27-ноя. – Sputnik. Диего Марадона 1996-жылы бокс спортунда өз күчүн сынап, досу, кесипкөй бокстун эки салмак боюнча дүйнө чемпиону Сантос Ласьяр менен рингге чыккан. Бул тууралуу World Boxing Council (Дүйнөлүк бокс кеңеши) уюму футболчунун бокстагы дебютун эскерип, анын беттешиндеги үзүндүлөрүн Instagram баракчасына жарыялады.

Посмотреть эту публикацию в Instagram

Публикация от World Boxing Council (@wbcboxing)

Марадона ошол кезде өзү ойногон "Бока Хуниорс" футбол командасынын кийимине түспөлдөш көк-сары түстөгү чолок шымчан мушташкан. Атаандашы Ласьяр WBA (Дүйнөлүк бокс ассоциациясы) уюмунун титулу үчүн түштүк африкалык Питер Матебуланы уткандан кийин 15 жылдан соң рингге чыккан.

Маалыматтарга ылайык, беттештен бир күн мурда мушкерлер салт катары таразага түшүп, Марадона (75,3 килограмм) атаандашынан (61,45 килограмм) 14 килограммга оор болгон.

Тамашалуу маанайдагы беттеш үч раундга созулуп, айрым жеринде боксчулар бири-бирине эмес, калыска чабуул жасап, соккулашкан. Беттештин соңунда легендарлуу футболчу топту бут менен ойноонун керемет ыкмаларын жасап, көрүүчүлөрдүн көңүлүн көтөргөн.

Эске салсак, Диего Марадона 25-ноябрда 60 жаш курагында Буэнос-Айрес шаарынан анча алыс эмес жайгашкан Тигре шаарындагы жашап жаткан үйүндө жүрөк кемтиги оорусунан улам көз жумган.

Аргентинанын президенти бул кайгылуу окуяга байланыштуу үч күндүк аза күтүү күнүн жарыялаган.

16
Белгилер:
эскерүү, бокс, Диего Марадона
Тема боюнча
Легендарлуу футболчу Диего Марадона көз жумду
Өнөр жай, энергентика жана жер казынасын пайдалануу мамлекеттик комитетинин төрагасынын орун басары болуп дайындалган Вероника Исаева. Архив

Вероника Исаева Өнөр жай мамлекеттик комитетинин төрага орун басары болду

13
(жаңыланган 09:31 27.11.2020)
Тиешелүү буйрукка премьер-министрдин милдетин аткаруучу Артем Новиков кол койгон. Жаңы жетекчинин өнөр жай тармагында 15 жылдык тажрыйбасы бар.

БИШКЕК, 27-ноя. — Sputnik. Вероника Исаева Өнөр жай, энергетика жана жер казынасын пайдалануу мамлекеттик комитетинин төрагасынын орун басары болуп дайындалды. Бул тууралуу мекеменин маалымат кызматы кабарлады.

Тиешелүү буйрукка премьер-министрдин милдетин аткаруучу Артем Новиков кол койгон. Кечээ аны комитеттин төрагасы Жыргалбек Сагынбаев эмгек жамаатка тааныштырган.

Вероника Исаева акыркы үч жылда жеке бизнесте өнөр жай долбоорлорун ишке ашырып келген. Жалпысынан бул тармакта 15 жылдык тажрыйбасы бар.

13
Белгилер:
дайындоо, кызмат, Кыргызстан
Тема боюнча
Ализа Солтонбекова министрлик ишине расмий киришти