Эркинен ажыратылгандар өз колунан чыккан жашылча-жемиш менен кыштан чыгат

© Sputnik / Вадим Брайдов / Медиабанкка өтүүАбак. Архив
Абак. Архив - Sputnik Кыргызстан
Жазылуу
Сегиз турак колонияда жаза өтөп жаткан жарандар тонналаган картошка, капуста, сабиз, пияз, кызылча жана помидор өстүрүшкөн.

БИШКЕК, 12-ноя. — Sputnik. Жаза аткаруу мамлекеттик кызматынын түзөтүү колониялары биринчи жолу күз-кыш мезгилине карата толук кандуу айыл чарба продукциясы менен камсыз болду. Бул туурасында аталан мекеменин маалымат кызматынан билдиришти.

Маалыматка ылайык, жашылча-жемишти жаза өтөп жаткан жарандардын өздөрү багып өстүргөн. 

Акча берүү. Архив - Sputnik Кыргызстан
ЖАМК кызматкерлери коррупция менен күрөшүүнү үйрөнүп жатышат
Үстүбүздөгү жылдын жаз айларында турак колониялары фермердик чарбалар менен жашылча өстүрүү жана аны түзөтүү колониялары менен тергөө абактарына жеткирүү боюнча келишим түзүшкөн.

Натыйжада, сегиз турак колонияда жаза өтөп жаткан жарандар ЖАМК жерин колдогу техника менен иштетип, 1 013 тонна картошка, 270,4 тонна капуста, 42,4 тонна сабиз, 59,2 тонна пияз, 43,4 тонна кызылча жана 52,3 тонна помидор түшүм алууга жетишкен. 

Ноябрь айынын башында бардык айыл чарба продукциялары өз даректерине жеткирилди.

Жаңылыктар түрмөгү
0