Оштун имамдары эми WhatsApp колдонуп иш алып барышмакчы

Жазылуу
Райондук хатипчиликтерге ар тараптуу билими бар, компьютердик иштерге жөндөмдүү адистер жумушка кабыл алынып баштады.

БИШКЕК, 16-ноя. — Sputnik. Мечиттердин имамдарынын замандын талабына жараша иштөөсү үчүн жакындан тарта Ош облусундагы жума окулган 182 мечиттердин имам-хатибдерине өз телефондоруна вотсап программасын жүктөмөкчү. Бул туурасында Ош облусунун мусулмандар казыятынын маалымат кызматы билдирди.

Бул багытта Ош облусунун мусулмандар казыятында бир катар иштер башталды. 

"Ноябрь айынан тарта ишти заманбап шартта алып баруу максатында жогорку ылдамдыктагы WI-FI интернет кызматына туташтырылды. Казыяттын материалдык-техникалык базасын чыңдалып, жаңы компьютер, түстүү принтерлер менен камсыздалды. Ар бир кызматкер компьютерине тармактык чөйрө программасы киргизилип, бири-бири менен документтерди ыкчам алышууга шарттар түзүлдү", — деп билдирди маалымат кызматы. 

Мечиттеги мусулмандар. Архив - Sputnik Кыргызстан
Баткен районунда мечит имамдарына талаптар күчөтүлдү
Облус казысы Самидин кары Атабаевдин билдирүүсүндө, райондук хатипчиликтердин иштерин заман талабына ылайык жандандыруу максатында ар бир райондук хатипчиликке ар тараптуу билими бар, компьютердик иштерге жөндөмдүү адистер жумушка кабыл алынып баштады. Мындан ары Ош облусундагы 182 жума окулган мечиттердин имам-хатибдерине өз телефондоруна вотсап программасын жүктөө тапшырмасы коюлду. Бул диний иш-аракеттерди өз убагында талапка ылайык коомчулукка чагылдырууга өбөлгө болоорун айтышты. Учурда Ош облусу боюнча 822 мечит бар.

Жаңылыктар түрмөгү
0