Түрмөдөн качып чыккан Итибаевди кармоо учурунда жапа чеккен үйлөр калыбына келтирилди

© Sputnik / Каныбек Бейшенбеков"Достук" кичи районунан жашырынган кылмышкер Алтынбек Итибаевди кармоо учурундагы атайы операциядан жабыркаган үй
Достук кичи районунан жашырынган кылмышкер Алтынбек Итибаевди кармоо учурундагы атайы операциядан жабыркаган үй - Sputnik Кыргызстан
Жазылуу
Кылмышкер жашырынган үй гана тергөө аяктаганча ошол абалында калып, тергөө органдарына квартира ээлеринин окуяга тиешелүүлүгүн тактоо тапшырылды.

БИШКЕК, 18-ноя. — Sputnik. Төмөнкү Нооруз айылында жайгашкан №50 түрмөдөн качып, "Достук" кичи районунан жашырынган кылмышкер Алтынбек Итибаевди кармоо учурундагы атайы операциядан жабыркаган үй калыбына келтирилгенин мэрия билдирди.

Атамбаев өлкөнүн күч түзүмдөрү террористтик аракеттерге дайым даяр турушу керектигин айтты
Маалыматка ылайык, бул боюнча атайын комиссия түзүлүп, ал аталган кичи районго 300 миң сомдук зыян келтирилгенин аныктап чыккан. 

Атайын операция учурунда көп батирлүү турак жайдын алдыңкы бөлүгү талкаланып, подъездге зыян келтирилген. Мындан тышкары, айрым батирлердин эшиги жараксыз абалга келген. Учурда мунун бардыгы калыбына келтирилди. 

Итибаев жашырынган үй гана тергөө аяктаганча ошол абалында калып, тергөө органдарына квартира ээлеринин окуяга тиешелүүлүгүн тактоо тапшырылды.

Үстүбүздөгү жылдын 11-октябрынан 12сине караган түнү Төмөнкү Нооруз айылында жайгашкан №50 түрмөдөн тогуз кылмышкер качып, ааларды токтотууга аракет кылган ЖАМКтын үч кызматкерин өлтүрүп, дагы бирин оор жарадар кылышкан. Ал беш күндөн кийин эсине келбей ооруканада каза болгон.

Атышуу учурунда каза болгон жай тургундардын өлүмү боюнча кылмыш иши козголду
Атайы операция учурунда качкындын бешөө кармалып, төртөө из суутуп кетүүгө үлгүргөн. Издөө иш-аракеттеринен улам, Бишкектин чет-жакасынан эки кылмышкер жок кылынган. Көп өтпөй дагы бири кармалып, түрмөгө кайтарылган. Эркиндикте калган акыркы кылмышкер Алтынбек Итибаев "Достук" кичирайонунда экени маалым болгондон кийин ИИМ жетекчиси башында турган атайын операция жүрүп, натыйжада ал атып өлтүрүлгөн.

Операция учурунда бир милиция кызматкери жана эки жай адам каза болгон.

Кылмышкерлердин түрмөдөн качуусу боюнча кенен маалыматты Sputnik агенттигинин сюжетинен көрө аласыздар>> 

Жаңылыктар түрмөгү
0