Учак. Архив

Оштон авиакаттам өкмөт комиссиясынын уруксаты менен гана жанданат

105
(жаңыланган 15:46 24.11.2015)
Өкмөттүн маалымат кызматынын жетекчиси Назира Ахмедованын айтымында, транспорт жана коммуникация министри Аргынбек Малабаев башында турган комиссия окуя болгон жерге жөнөп кетти. Авиакаттамдын өз калыбына келтирүүнү дал ушул комиссия чечет.

БИШКЕК, 22-ноя. — Sputnik. Ош аэропортунан авиакаттамдар өкмөттүк комиссиянын чечими менен гана жандана турганын Sputnik агенттигине өкмөттүн маалымат кызматынын жетекчиси Назира Ахмедова билдирди.

Бүгүн, жекшемби күнү Ош аэропортунда Красноярск – Ош маршруту боюнча келе жаткан "Avia Traffic Company" фирмасынын Боинг-737 учагы чукул кырдаалдан улам Оштогу аба майданга авариялык абалда конгон. Аба кемесинин ичиндеги 153 жүргүнчү менен экипаждын алты мүчөсү аман-эсен, айрымдары гана жеңил жараат алганы айтылууда. Кырсыктан улам бардык авиакаттамдар токтотулган. 

Ахмедованын айтымында, транспорт жана коммуникация министри Аргынбек Малабаев башында турган комиссия окуя болгон жерге жөнөп кетти. Авиакаттамдын өз калыбына келтирүүнү дал ушул комиссия чечет.

"Ош аэропортундагы авиакаттамдар жакын арада өз калыбына келет. Комиссиянын чечими аба ырайына да көз каранды болот", — деди ал. 

Ахмедова комиссия түнү менен иликтөө иштерин жүргүзүп, эртең менен окуя боюнча маалымат жыйын өткөрө турганын кошумчалады.

Ош аэропортунун директорунун жардамчысы Искендер Малиев Sputnik агенттигине өз каттамдарын күтүп жаткан жүргүнчүлөр суу жана тамак-аш менен камсыздалганын белгиледи.

Учак бүгүн эртең менен саат 7.43тө конуу тилкесинен чыгып кетип, кырсыкка учураган. Анын канаты менен дөңгөлөгү талкаланып кеткен.

Премьер-министр Темир Сариев учактын конушу боюнча чукул жыйын өткөрүп, транспорт министри Аргынбек Малабаев башында турган өкмөттүк комиссия түзүлгөн. Сариев комиссияга окуянын чоо-жайын 10 күндүн ичинде териштирүүнү тапшырды. 

Ал арада Ош аэропортунда болгон кырсык боюнча транспорт прокуратурасы тарабынан кылмыш жаза кодексинин 280-беренеси (жол кыймыл, темир жол жана аба, сууда жүрүү боюнча эрежени бузуу) боюнча кылмыш иши козголгону маалым болду.

105
Белгилер:
комиссия, авариялык абал, жүргүнчү, аэропорт, учак, Ош
Тема:
Оштогу Боинг 737 учагынын авариялык конуусу (13)
Тема боюнча
Ош аэропортунда бардык рейстер кечки саат 17:00 гө чейин учпайт
Сариев Оштогу учак кырсыгынын себебин иликтеп чыгууга комиссияга он күн убакыт берди
Учак кырсыгынан жабыркагандар ооруканага кайрылып, бир катары үйүнө жиберилди
Ошко конуп жатканда "Avia Traffic Company" учагынын канаты менен дөңгөлөгү талкаланды
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

34
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

34
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

59
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

59
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео