Ошто авариялык абалда конгон Авиатраффик учагы. Архив

Малабаев: Оштогу кырсыкка учураган учактын жүргүнчүлөрүнө компенсация төлөнөт

153
(жаңыланган 12:00 24.11.2015)
1991-жылы чыккан учак эки ай мурун толук текшерүүдөн өткөн. Анын абалына доо артуу негизсиз. Бирок эми учак таптакыр жараксыз абалга келди деп кошумчалады Малабаев.

БИШКЕК, 23-ноя. — Sputnik. Ош шаарынын аэропортуна авариялык абалда конгон Боинг-737 учагынын кара кутусу чечмелөөгө жөнөтүлгөнүн транспорт жана коммуникация министри Аргынбек Малабаев маалымат жыйында билдирди.

Анын айтымында, учак Оштун аэропортуна аба ырайы начар болуп турган маалда конгон. 

"Кара куту менен жергиликтүү да, эл аралык да адистер иш алып барат. Эмне болгонун сөзсүз билебиз", — деди Малабаев.

Министр аталган учакты 10 миң сааттан учкан тажрыйбалуу учкучтар башкарып келгенин белгиледи. Аталган учак менен алардын ар бири 3 миң сааттан учуп келген.

"1991-жылы чыккан учак эки ай мурун толук текшерүүдөн өткөн. Анын абалына доо артуу негизсиз. Бирок эми учак таптакыр жараксыз абалга келди", — деди Малабаев.

Комиссиянын төрагасы авикомпания бардык жүргүнчүлөргө компенсация төлөп берүүгө даяр экенин кошумчалады. 

"Учурда бул маселе каралып жатат. Avia Traffic Company компаниясы мындан баш тарткан жок. Азыр компенсация көлөмү эсептелүүдө", — деди министр. 

Жекшемби күнү, 22-ноябрда саат 7.43тө Avia Traffic Company ишканасынын "Боинг-737" учагы Ош шаарындагы аэропортко авариялык абалда конгон. Тилкеден чыгып кеткен аба кемесинин дөңгөлөктөрү жана канаты талкаланган. Ичинде 153 жүргүнчү менен экипаждын 6 мүчөсү бар болчу. Алты адам жабыркап, анын төртөө ооруканага жаткырылган.

153
Белгилер:
кара куту, компенсация, кырсык, учак, Аргынбек Малабаев
Тема:
Оштогу Боинг 737 учагынын авариялык конуусу (13)
Тема боюнча
"Ош" аэропортундагы аба каттамдары кадимкидей эле жүрүп жатат
Башкы прокуратура: Ош аэропортундагы кырсык боюнча кылмыш иши козголду
Оорукана. Архив

9 киши каза таап, 600дөн ашыгы оор абалда жатат. COVID статистикасы

9
(жаңыланган 12:20 13.06.2021)
Бир сутка ичинде Кыргызстанда коронавирустан тогуз бейтап көз жумган. Анын бешөө Бишкекте, экиден киши Ысык-Көл менен Чүй облустарында катталды.

БИШКЕК, 13-июн. — Sputnik. Өткөн суткада коронавирус 558 кишиден катталып, 319 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары – 231;
  • Ош шаары – 77;
  • Чүй облусу – 57;
  • Ош облусу – 78;
  • Талас облусу – 9;
  • Нарын облусу – 13;
  • Ысык-Көл облусу – 15;
  • Жалал-Абад облусу – 55;
  • Баткен облусу – 23.

Ушуну менен коронавирус жуктургандардын саны өлкөдө жалпы 110 370ке жетти. Анын ичинен 102 633ү дартты жеңген.

Айыккандар:

  • Бишкек шаары – 178;
  • Ош шаары – 18;
  • Чүй облусу – 66;
  • Ош облусу – 17;
  • Нарын облусу – 6;
  • Ысык-Көл облусу – 19;
  • Жалал-Абад облусу – 12;
  • Баткен облусу – 3.

Бир сутка ичинде өлкө боюнча 29 медицина кызматкери коронавирус жуктуруп алды. Алар:

  • Бишкек шаары – 4;
  • Чүй облусу – 4;
  • Ош шаары – 8;
  • Ош облусу – 5;
  • Жалал-Абад облусу – 5;
  • Баткен облусу – 1;
  • Ысык-Көл облусу – 1;
  • Нарын облусу – 1.

Тилекке каршы, бир сутка ичинде Кыргызстанда коронавирустан тогуз бейтап көз жумган. Анын бешөө Бишкекте, экиден киши Ысык-Көл менен Чүй облустарында катталган. Муну менен коронавирус жалпы 1 890 адамдын өмүрүн алды.

Стационарларда 1 976 адам дарыланып жатат. Алардын 579у оор абалда болсо, 85 бейтаптын абалы өтө оор деп бааланды.

9
Белгилер:
абал, медик, статистика, өлүм, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Москвада COVID күч алып бир апталык локдаун жарыяланды
Москванын кызыл аянтындагы полиция кызматкери. Архив

Москвада COVID күч алып бир апталык локдаун жарыяланды

29
(жаңыланган 11:55 13.06.2021)
Россиянын борбор калаасында коронавирус жуктургандардын саны өсүп жаткандыктан тогуз күн бою ишке чыкпоо боюнча жарлык чыкты.

БИШКЕК, 13-июн. — Sputnik. Москва шаарында коронавирустун жаңы штаммы тарап жаткандыктан кайрадан чектөөлөр киргизилди. Бул тууралуу шаар мэри Сергей Собяниндин жарлыгында айтылды.

Документке ылайык, Москвада 15-19-июнь күндөрү эс алуу жарыяланды. Анын алдындагы дем алыштарды эске алганда Москва шаарында 9 күн бою (12-20-июнь) иштешпейт. Ошондой эле шаар бийлиги ишканаларда кызматкерлердин 30 пайызын аралыктан иштөө режимине өткөрүүнү сунуштады.

"Вирустун жаңы штаммдары табылууда. Шаарда эпидемиологиялык абал курчуп, мурда белгиленген жогорку чекке жетип бара жатат. Акыркы сутка ичинде эле өлкөдө 13 510 адамдан вирус аныкталды. Анын 6 миңден ашыгы Моксва шаарында жашагандар", — деп айтылат кабарда.

Ошондой эле зоопарк, түнкү клуб, караоке, балдар аянтчалары, тамактануу жайларында иштөө убактысы боюнча чектөөлөр киргизилди.

29
Белгилер:
абал, локдаун, коронавирус, Москва, Россия
Тема:
Дүйнөгө жайылган коронавирус
Тема боюнча
COVID-19дан улам Ош шаарында 1-июлга чейин бардык иш-чаралар токтотулду