Кыргыз гезиттери. Архив

Беш өрдөк: Бакиевдин китептерин жазган Раев, бажычылардын чөнтөгүн жукарткан Раимбек

771
(жаңыланган 12:15 24.11.2015)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

Бажычылардын чөнтөгүнө ким кол салып жатат

"Ачык саясат plus" гезити 20-ноябрда чыккан санында учурда бажы кызматынын башчысынын орун басары Райымбек мырза коомчулукта "Райым миллион" каймана атка ээ болуп жүрөт деп жазып чыкты. "Бул киши аталган тармактын жетекчилик орунуна келгени алкымы мурдагыдан да араандай ачылды дешет. Кесиптештеринин айтымында "Раим миллиондун" капчыгын катардагы бажычылар толтура албай убара тартып жатышкан экен. Анан калса анын көздөгөнү бажы кызматынын башчысы болуу дейт. Президенттин кеңешчиси Икрам мырза аны жакын арада аталган кызматка башчы кылуунун айласын көрүп жүрүптүр", — деп жазат гезит.

Бажы кызматынын маалымат кызматынын жетекчиси Жаманак Мүсүрканов бул кабардын баары чындыкка коошпой турганын Sputnik маалымат агенттигине билдирди.

"Жазылгандын баары карандай калп. Бул Райымбек Матраимовго карата жасалган кара пиар. Буга чейин да бөлөк гезиттердин бири чалып, силердин жетекчиңердин орун басары тууралуу "бомба" маалымат чыгат, сүйлөшөлү деп айтышкан. Мен ага өзүм барып жолуксам, маалыматты чыгарбаш үчүн канча бересиңер деген. Биз алар менен соодалашып отурбай, маалыматты чыгара бергиле деп  жооп айтканбыз. Бул гезиттердин акча жасоого болгон гана аракети деп баалайбыз", — деди Мүсүрканов.

Курманбек Бакиевдин оорусун дагы, сүйүүсүн дагы Раев жазганбы?

"…Бакиев Белоруссияда жатып алып, "Менин оорум, сүйүүм жана үмүтүм Кыргызстан" деген аталышта китеп жазды… Албетте бул китепти Бакиев өзү түн уйкусун бөлүп, тердеп-кургап жазган жок да. Кызыгы, аны ким жазып бергенинде.  Акырын соккон сыдырым желдин илеби Султан Раевди саамайынан сылап турган учуру.  Бакиевдин китебин Султан Раев жазып берген дегендер четтен чыгууда", — деп жазат "Де-Факто" гезити 20-ноябрда чыккан санында.

Мурдагы маданият министри Султан Раев  жазылган маалыматтын кенедей да чындыгы жок экенин Sputnik агенттигине билдирди.

"Бул ушак сөздөр. Таптакыр туура эмес. Мен да ушундай маалыматтар тараганын угуп жатам. Дагы бир жолу айтам, бул жалган маалымат", — деди ал.

Сокулуктуктар Элвира Сурабалдиевага нааразы болуп…

"Сокулук районунда өзгөрүүлөр көп. Мисалы, көп жылдан бери иштеп жаткан райондун борборундагы базар маркум Жыргалбек Сурабалдиев түптөгөн мал базардын аймагына көчүрүлдү. Сыягы, ал базарга жакында КСДП фракциясынан депутат болуп келген кызы Элвира Сурабалдиева ээлик кылат… Бирок базар кан жолдун боюнда. Дем алыш күндөрү машинелердин тыгынын жаратат. Ал эми көчүрүлгөн базардын ордуна эч качан балдар аянтчасы курулбайт. Дагы эле кандайдыр бир соода комплекси болот. Иши кылып бирөөнүн ири бизнесине айланат. Бул ишке базардагы сатуучулар нааразы", — деп жазат "Жаңы агым" гезити 20-ноябрда чыккан санында.

6-чакырылыштагы Жогорку Кеңешке депутат болуп келген Элвира Сурабалдиева базарга эч качан расмий  ээлик кылбаганын Sputnik агенттигине айтат.

"Мен базарга расмий ээ эмесмин. Ошол эле учурда менин туугандарымдын тийиштиги бар экенин танбайм. Эски базардан сатуучулар эмнеге кеткенин баары эле билет. Ал жакта капиталдык оңдоо иштери жүрүш керек болчу.  Себеби 40 жылдай убакыт оңдоодон өткөн эмес, анан калса, бир нече жолу өрт чыккан. Ал оңдоого муктаж болчу. Андыктан базардын жетекчилиги өз каражатына базарды оңдоп жатат", — дейт ал.

Эл өкүлү ошондой эле базардагы сатуучуларды талаага таштабастан башка жактан орун таап берилгенин айтат. Жаңы жерге барган сатуучуларга бутуңарга туруп алгыла деп алардан үч ай акча алынбаганын кошумчалады.

771
Белгилер:
ЖМК, Райымбек Матраимов, Эльвира Сурабалдиева, Султан Раев
Тема:
Беш өрдөк – айың-кептер айылы (23)
Тема боюнча
Атамбаев: журналисттик калем курч, бирок адилеттүү болгону жакшы
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

38
(жаңыланган 18:29 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

38
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

84
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

84
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Бензовоздун жарылуусунун кесепети. Иллюстративдик сүрөт

Бишкек Ош жолунда эки бензовоз өрттөнүп, бир киши каза болду. Видео

0
(жаңыланган 19:10 12.08.2020)
Кырсыктын бири Чычкан капчыгайында болсо, экинчи автоунаа Ала-Белде оодарылып кетти. Жыйынтыгында бир киши көз жумду.

БИШКЕК, 12-авг. — Sputnik. Бүгүн Бишкек — Ош автожолунда эки бензовоз кырсыктап, өрттөнүп кетти. Бул тууралуу ӨКМдин маалымат кызматынан билдиришти.

Окуя болгон жерде тартылган видеолор "Короче" Тelegram-каналына жүктөлдү.

Биринчи окуя Токтогул районундагы Чычкан капчыгайында катталды. Бишкек — Ош унаа жолунун 239-чакырымында күйүүчү май ташыган оор жүк ташуучу унаанын прицеп-цистернасынан өрт чыккан.

"Өрттү өчүрүүгө саат 12:19да Токтогул райондук №97 Өрт-куткаруу кызматынан бир бөлүм тартылган. Бирок от куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан тогуз кызматкер тартылган. Унаалардын өтүүсү жол инспекторлору тарабынан көзөмөлдөнүүдө", — дешти ӨКМден.

Экинчи кырсык Ала-Белде болгон. Саат канчада жана кандай жагдайда болгону такталып жатат. Азырынча өрттөнгөн автоунаанын ичинде бир адам каза болгону белгилүү.

0
Белгилер:
ӨКМ, автоунаа, өрт, Жалал-Абад, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте кафеден өрт чыкты. Видео
Эс алам деп... Хакасиядагы жол кырсыгында кыргызстандык жигиттер каза болду