Sputnik эл аралык маалымат агенттигинин логотиби. Архив

Sputnik Кыргызстан менен Beeline "Кесипкөй журналистиканын мектебине" чакырат

31
(жаңыланган 16:26 24.11.2015)
Иш-чараны "Россия сегодня" Эл аралык маалымат агенттиги алып барат.

БИШКЕК, 24-ноя. — Sputnik. Sputnik Кыргызстан эл аралык маалымат агенттиги менен байланыш рыногунун лидери Beeline өлкөнүн журналисттери менен блогерлерин "Кесипкөй журналистиканын мектебинин" алкагындагы тренингге чакырат.

Иш-чара 26-ноябрь күнү Бишкекте болот. Долбоор Beeline тарабынан экинчи жылы катары менен өтүүдө. Бу жолкусунда "Россия сегодня" эл аралык маалымат агенттигинин өкүлдөрү спикерликке чакырылган.

Журналисттерге "Россия сегодня" эл аралык маалымат агенттигинин аткаруучу директору Олег Ананьев, окуу борборунун жетекчиси Олег Щедров жана агенттиктин бөлүм жетекчиси Денис Железняков лекция окушат.

Окууга катышуу үчүн bsatarova@beeline.kg дарегине "тренинг" деген белги менен 25-ноябрь саат 17.00гө чейин кат жолдоо зарыл. Анда катышуучунун аты-жөнү толугу менен, басылма (блог, аккаунт), жана байланыш жолдору болушу шарт. Кирүү акысыз. Иш-чаранын так убактысы жана орду бардык катталгандарга электрондук дарек аркылуу маалымдалат.

31
Белгилер:
мектеп, журналист, окуу, тренинг, Бишкек
Тема боюнча
Sputnik жаңы фотобанк ресурсун ишке киргизди
Sputnik агенттиги Кыргызстан менен Иорданиянын беттешүүсүн түз алып көрсөтөт
Россиядагы Кыргызстандын элчилигинде добуш берип жаткан адам. Архив

Президенттик шайлоо: Москвада элчиликтин консулдук бөлүмү дем алышсыз иштөөдө

4
Өлкө башчыны шайлоо 10-январда өтөт. Москвадагы мекендештер ага катышуу үчүн айдын аягына чейин элчиликке кайрылышы керек.

БИШКЕК, 3-дек. — Sputnik. Кыргызстандын Москвадагы элчилигинин консулдук бөлүмү шайлоочуларды дем алышсыз кабыл алып жатат. Бул тууралуу элчиликтен кабарлашты.

Кийинки жылдагы президенттик шайлоого карата өлкө жарандарынын конституциялык жана шайлоо укуктарын камсыздоо иши 29-декабрга чейин уланмакчы.

Мекеме иш күндөрү саат 09:00дөн 18:00гө чейин, дем алыш күндөрү саат 10:00дөн 15:00гө чейин шайлоочуларды кабыл алууда.

"Жарандарды Москва шаарында добуш берүүчүлөрдүн тизмесине кирүү үчүн 29-декабрга чейин элчиликке кайрылып, шайлоо дарегин (Форма №2 арызы менен) өзгөртүүсүн, консулдук жана биометрикалык каттоодон өтүүсүн эскертебиз", — деп айтылат маалыматта.

Ал эми шайлоочулардын алдын-ала тизмесин БШК сайты аркылуу текшерип алса болот.

4
Белгилер:
добуш берүү, шайлоо, Консул, элчилик, Москва, Кыргызстан
Тема:
Кыргызстандагы президенттик шайлоо – 2021
Тема боюнча
Талант Мамытов ЖККУ лидерлерине президенттик шайлоо таза өтөрүн убадалады
Чүй облусундагы Оруу-Сай лыжа базасы. Архив

Бейшембиге карата аба ырайы

113
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

113
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы