Жети-Өгүз менен Ак-Сууда жамааттык бала бакчалар ачылат

© Sputnik / Игорь Зарембо / Медиабанкка өтүүБала бакча. Архив
Бала бакча. Архив - Sputnik Кыргызстан
Жазылуу
Бала бакчалардын мындай түрү наристелердин мектепке чейинки билим алуу мүмкүнчүлүгүн арттырат.

БИШКЕК, 25-ноя. — Sputnik. Ысык-Көлдүн Ак-Суу жана Жети-Өгүз райондорунда алты жамааттык бала бакча ачыла турганын Билим берүү жана илим министрлиги билдирди.

Билим берүү жана илим министри Элвира Сариева. Архив - Sputnik Кыргызстан
Социалдык интернаттардын ыңгайлуулугу артат
Маалыматка ылайык, жамааттык бала бакчада наристелер жарым күн гана болуп, негизинен алардын окуусуна, билим алуусуна басым жасалат. Мындай мекемелердин иштей башташы менен айылдарда социалдык чыңалуу азайып, өзгөчө аз камсыздалган үй-бүлөдө өскөн балдардын билимге жетүүсү үчүн жергиликтүү өз алдынча башкаруу органдары жергиликтүү жамаат менен тыгыз иш алып барат. 

Биргелешкен аракеттер менен бала бакчаларда ремонт жасалып, алар таза суу менен камсыздалып, балдар үчүн имараттын ичинде даараткана курулду. Мектептердин базасында ачылган бала бакчаларда бөлмөлөр бөлүнүп, алар эмерек, жабдуулар, оюнчуктар, мамлекеттик стандарттын талабына ылайык методикалык жана окуу адабияттары менен камсыздалды.

"Жамааттык бала бакчалар миңге жакын наристеге мектепке чейинки билим алууга мүмкүнчүлүк берип, алардын эрте жетилүүсү үчүн шарт түзөт", — деди Ак-Суу районунун билим берүү бөлүмүнүн башчысы Малик Темиралиев.

Бишкектин Октябрь районунда жаңы бала бакча пайда болот
Бала бакчалар ачылганга чейин 20 тарбиячы балдардын билим алуусуна, өнүгүүсүнө багытталган тарбия берүү усулдарын окуп-үйрөнүп чыгышты. 

Бул бала бакчалар ЮНИСЕФтин техникалык колдоосу жана Жаңжалдарды алдын алуу, туруктуулукка жана коопсуздукка көмөктөшүү фонду аркылуу Улуу Британия Элчилигинин финансылык колдоосу менен ачылды.

Акыркы жылдары ЮНИСЕФтин колдоосу менен республика боюнча жүзгө жакын жамааттык бала бакча ачылган. Жылдан жылга саны өсүп келе жаткан мындай бала бакчалардын иштеши шаарлар менен айылдар ортосунда мектепке чейинки билим берүү мүмкүнчүлүгүнүн ортосундагы ажырымды кыйла кыскартты. 

Жаңылыктар түрмөгү
0