Зымсыз интернеттин белгиси. Архив

Тоолуу аймак менен элет мектептерине зымсыз интернет жетет

57
(жаңыланган 17:41 26.11.2015)
Уюмдун максаты Кыргызстандагы интернетти өнүктүрүүгө, жеке инфраструктура менен жергиликтүү контентти түзүүнү максат кылат.

БИШКЕК, 26-ноя. — Sputnik. Кыргызстанда ISOC бөлүмүнүн расмий иштей баштаганы тууралуу Улуттук стратегиялык изилдөөлөр институту билдирди.

ISOC (ISOC Kyrgyzstan Chapter — Интернет коомчулугу) — интернет түйүнүнүн жеткиликтүүлүгүн камсыздоо жана аны өнүктүрүү боюнча иш алып барган эл аралык уюм. Учурда ага 80 миңден ашуун пайдалануучу мүчө болуп, дүйнө боюнча 111 бөлүмү иштейт.

Уюмдун максаты Кыргызстандагы интернетти өнүктүрүүгө, жеке инфраструктура менен жергиликтүү контентти түзүү, интернеттин мындан аркы өнүгүшүн талкуулоо үчүн ачык дискуссияларды жүргүзүү, адамдардын кызыкчылыгы үчүн кызмат кылуучу позитивдүү курал катары жайылтуунун максат кылат. 

Алгачкы жылы ISOC Kyrgyzstan Chapter Кыргызстандын алыскы жана тоолуу аймактарын жана айыл мектептерин зымсыз интернет менен камсыздоо боюнча иш жүргүзө турганын белгиледи.

57
Белгилер:
институт, изилдөөлөр, түйүн, интернет
Тема боюнча
ШИИБ: 13 күндөн бери дайынсыз жоголгон жаран интернет-клубда "Дота" ойноп жүргөн
Ош шаарында 50 мектеп интернетке туташтырылды
Жайлоо. Архив

Шаршембиге карата аба ырайы

3
(жаңыланган 21:03 22.09.2020)
23-сентябрда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден Ысык-Көл менен Нарында 15-20 метрге жетет.

БИШКЕК, 22-сен. — Sputnik. Шаршемби күнү, 23-сентябрда, күндүз өлкөнүн тоолуу райондорунда жамгыр, кар, бийик тоолуу жерлеринде кар жаайт. Талас, Баткен облустарында күн ачык болот. Бул тууралуу Кыргызгидромет билдирди.

Абанын температурасы Чүй менен Таласта +18...+23, Ош, Жалал-Абад, Баткен облустарында +21...+26, Ысык-Көл жана Нарын жергесинде +13...+18 градус болот.

Күндүн табы борборубуз Бишкекте +21...+23, Ош калаасында +24...+26 градуска көтөрүлөт.

3
Белгилер:
Кыргызстан, аба ырайы
Тема боюнча
Күн сууктайбы? Бир жумага карата аба ырайы
Кыштын илеби жакындап... Октябрь айына карата аба ырайы
Кишенделген адам. Архив

Кыргызстандан АКШга барган аялдын табышмактуу жоголушу. Сот шектүү күйөөсүн актады

80
(жаңыланган 20:12 22.09.2020)
Кыргызстанда төрөлгөн аял 2012-жылдан бери дайынсыз болууда. Былтыр март айында анын америкалык жолдошу аны өлтүрүүгө шектелип кармалган.

БИШКЕК, 22-сен. — Sputnik. АКШдагы Пенсильвания штатынын аймактык соту Кыргызстанда төрөлгөн Рабихан Сейдерс (өзүнүн фамилиясы Хасанова) аттуу жубайын өлтүрдү деп шектелип жаткан Хэп Сейдерсти актады. Бул тууралуу Associated Press агенттиги жазды.

​Порталдын маалыматына караганда, аял 8,5 жылдан бери дайынсыз жоголгондордун тизмесинде турат. 2012-жылдын март айында анын кызы энеси жоголгонун айтып полицияга кайрылган. Аны акыркы жолу Камберленд графтыгындагы Silver Spring Township шаарчасындагы үйүнө жакын жайгашкан дарыкананын жанынан көрүшкөн. Тергөө органдары анын сүрөтүн бардык полиция участкаларына жиберип, кредиттик карталарына чейин текшеришкен. Мындан сырткары, АКШнын Ички коопсуздук министрлигине кайрылып, Рабихан Сейдерс өлкөдөн чыккан-чыкпаганын сүрүштүрүшкөн. Бирок ушул убакка чейин аялдын тирүү экенинен кабар берген бир дагы далил табылган эмес.

Дайын-дареги билинбей жаткан аял болочоктогу жолдошу менен Атлантик-Ситидеги казинолордун биринде массажист болуп иштеп жүргөн кезинде таанышкан. Кийин экөөнүн мамилеси жакшы болуп, Рабихан анын үйүнө көчүп барган. Хэп Сайдерс тыйын сатып, сейрек кездешкен баалуу металлдарды коллекциялоо менен алектенип келген.

Тергөөнүн версиясы боюнча, Рабиханды күйөөсү өлтүрүп, сөөгүн каминге өрттөп жиберген. Айыптоочу тарап кишинин үйүнүн жалюзиси бир нече күн бою жабык туруп, мешинин морунан кара түтүн чыгып турганын айткан. Мындан тышкары, шектүүнүн үйүндөгү каминдин ичинен адамдын сөөктөрү табылган. Өткөн жылдын март айында жубайын өлтүрүүгө шектелген Сайдерс камакка алынган. Ага жети жыл берилери болжолдонгон.

"Биз Хэп Сейдерс Рабиханды өлтүргөнүн билебиз", — деп аймактык прокурордун жардамчысы билдирген.

Ал эми сотто Сейдерстин адвокаты каминден табылган калдык Рабиханга тийиштүү экенин тастыктоочу ДНК-тест жүргүзүлбөгөнүн белгилеген. Ал ошондой эле соттун жетинчи жыйынында америкалык тергөөчүлөр Рабиханды Кыргызстандан издеп көрбөгөнүн кошумчалаган. Жактоочунун айтымында, Рабихан жолдошунун үч миллион долларын жана алтын куймаларын уурдап качып кетиши ыктымал.

"Ал балээге кабылган аял эмес, ал атайын план түзүп алган аял болгон", — деп билдирген жактоочу.

Натыйжада Хэп Сейдерс бардык айыптоолор боюнча акталып, соттун залынан бошотулган.

80
Белгилер:
адам өлтүрүү, кылмыш, полиция, дайынсыздар, АКШ, Кыргызстан
Тема боюнча
Жолдон жай өткөн киши чыдамы жок айдоочунун огунан мерт кетти. АКШдагы окуя