Кесипкөй журналистиканын мектебинин алкагындагы Кыргызстандын ЖМКларынын өкүлдөрү үчүн кесипкөй окутуу өттү.

Sputnik Кыргызстан жана Beeline өлкөдөгү журналисттер үчүн окутуу өткөрдү

42
(жаңыланган 12:01 27.11.2015)
Жаш жана тажрыйбалуу журналисттер кесипкөй жана экономикалык жаңылыктарды жазуунун жаңы принциптери, форматтары туурасында кабардар болушту. Окутууну өткөрүүгө "Россия сегодня " Эл аралык маалымат агенттигинин өкүлдөрү чакырылган.

БИШКЕК, 27-ноя. — Sputnik. Sputnik Кыргызстан эл аралык агенттиги жана радиосу менен Beeline оператору биргеликте "Кесипкөй журналистиканын мектебинин" алкагында Кыргызстандын ЖМКларынын өкүлдөрү үчүн окутуу өткөрдү. 

Мастер-класс форматында өткөн аянтчада өлкөнүн жаш жана тажрыйбалуу журналисттери кесипкөй жана экономикалык жаңылыктарды жазуунун жаңы принциптерин, форматтарын үйрөнүштү. Азыркы медиакоммуникацияны жаңы түрлөрү жаралган заманда журналистиканын өнүгүү жолдору, анын ичинен социалдык медиа туурасында окутуу өттү. Мындан сырткары, тармактык аудитория үчүн жаңылыктар ресурсу менен иштөөнүн эрежелери талкууланды. 

  • Sputnik Кыргызстан эл аралык агенттиги жана радиосу менен Beeline оператору менен биргеликте Кыргызстандын ЖМКларынын өкүлдөрү үчүн кесипкөй окутуу өткөрдү.
    Sputnik Кыргызстан эл аралык агенттиги жана радиосу менен Beeline оператору менен биргеликте Кыргызстандын ЖМКларынын өкүлдөрү үчүн кесипкөй окутуу өткөрдү.
    © Фото / Бактыбек Мейманбеков
  • Мастер-класстын форматында өткөн аянтчада өлкөнүн журналисттери кесипкөй жана экономикалык жаңылыктарды жасоонун жаңы принциптери, форматтарын үйрөнүштү.
    Мастер-класстын форматында өткөн аянтчада өлкөнүн журналисттери кесипкөй жана экономикалык жаңылыктарды жасоонун жаңы принциптери, форматтарын үйрөнүштү.
    Бактыбек Мейманбеков
  • Россия сегодня эл аралык корпоративдик окуу борборунун жетекчиси Олег Щедров.
    "Россия сегодня" эл аралык корпоративдик окуу борборунун жетекчиси Олег Щедров.
    Бактыбек Мейманбеков
  • Россия сегодня эл аралык маалымат агенттигинин аткаруучу директору Олег Ананьев.
    "Россия сегодня" эл аралык маалымат агенттигинин аткаруучу директору Олег Ананьев.
    Бактыбек Мейманбеков
  • Россия сегодня эл аралык маалымат агенттигинин социалдык тармактарды алдыга жылдыруу бөлүмүнүн жетекчиси Денис Железняков.
    "Россия сегодня" эл аралык маалымат агенттигинин социалдык тармактарды алдыга жылдыруу бөлүмүнүн жетекчиси Денис Железняков.
    Бактыбек Мейманбеков
  • Sputnik Кыргызстан эл аралык агенттиги жана радиосунун жетекчиси Елена Череменина.
    Sputnik Кыргызстан эл аралык агенттиги жана радиосунун жетекчиси Елена Череменина.
    Бактыбек Мейманбеков
  • Окутуунун негизги максаты эл аралык эксперттердин катышуусу менен мастер-класстардын негизинде кесипкөй журналистиканы өнүктүрүү.
    Окутуунун негизги максаты эл аралык эксперттердин катышуусу менен мастер-класстардын негизинде кесипкөй журналистиканы өнүктүрүү.
    © Фото / Бактыбек Мейманбеков
1 / 7
© Фото / Бактыбек Мейманбеков
Sputnik Кыргызстан эл аралык агенттиги жана радиосу менен Beeline оператору менен биргеликте Кыргызстандын ЖМКларынын өкүлдөрү үчүн кесипкөй окутуу өткөрдү.

Иш-чарага Россиянын алдыңкы журналисттери катышты. Алар "Россия сегодня" эл аралык корпоративдик окуу борборунун жетекчиси Олег Щедров (буга чейин Reuters агенттигинин Москвадагы бюросунун жетекчисинин милдетин аткаруучусу), "Россия сегодня" эл аралык маалымат агенттигинин аткаруучу директору Олег Ананьев, "Прайм" экономикалык маалыматтар агенттигинин директорлор кеңешинин төрагасы жана "Россия сегодня" эл аралык маалымат агенттигинин социалдык тармактарды алдыга жылдыруу бөлүмүнүн жетекчиси Денис Железняков болду. 

Sputnik Кыргызстан эл аралык агенттиги жана радиосунун жетекчиси Елена Череменинанын айтымында, жашоонун темпи улам тездеп, маалымат агымы ар күн сайын арбып бара жатат. Андыктан, ЖМКлар менен журналисттер окурмандарын кармап калыш үчүн ар дайым изденип жана маалымат берүүнүн ар кыл жолдорун издеп турушу кажет. 

"Экономика темасында жазуу татаалыраак. Ар бир агенттик, гезит, журнал, телекомпания кызматкерлеринин кесиптик деңгээлин улам көтөрүп турушу зарыл. Биз кесиптештерибизге эл аралык деңгээлдеги медиаэксперттер менен жолугуп, сүйлөшүп, баарлашууга мындай уникалдуу мүмкүнчүлүк түзүп берип жатканыбызга кубанып жатабыз. Алар маалымат берүүнүн жаңы ыкмалары туурасында билип, аны иш тажрыйбасында колдоно алышат", — деди Череменина.

"Кесипкөй журналистиканын мектеби" — 2015-жылы Sputnik Кыргызстан Beeline менен биргелешип уюштурулган социалдык долбоор. Республикада жаш жана тажрыйбалуу журналисттер үчүн мындай окутуу экинчи ирет уюштурулуп жатат.

Анын негизги максаты эл аралык эксперттердин катышуусу менен мастер-класстардын негизинде кесипкөй журналистиканы өнүктүрүү болуп эсептелет. Угуучуларды тандоо алган билимди иш жүзүндө колдонуу, адистикти тандоодо угуучуну шыктандыруу жана иш тажрыйбасы сыяктуу негизги критерийлер менен жүрөт.

Beeline компаниясынын коомчулук менен байланышуу боюнча директору Татьяна Шахин-Байло аталган компания бирим берүү долбоорлоруна активдүү катыша турганын белгиледи.

"Кесипкөй журналистика мектебин эки жылдан бери өткөрүп келебиз. Кыргызстандын ЖМК өкүлдөрүнүн кесипкөйлүгүн жогорулатууга, бизнес-журналистиканы өнүктүрүүгө, жергиликтүү жана чет элдик инвесторлор өлкөдөгү бизнес чөйрөнүн абалы менен жакындан тааныш болушуна кызыкдарбыз", — деди ал.

Шахин-Байло Beeline компаниясынын атынан бирге иш алып барган өнөктөшү Sputnik Кыргызстан эл аралык маалымат агенттиги жана радиосуна ыраазычылык билдирди.

Компания жогорку ылдамдыкка ээ GSM-900/1800 и HSPA+/3,75G. 3,75G стандарттарында уюлдук байланыш кызматын тартуулайт. Бул стандартка Beeline тарабынан пайдаланылган UMTS/HSPA+ технологиясы да кирет. Бүгүнкү күндө HSPA+ стандарты менен иштеген абоненттик жабдууну колдонгондо маалымат берүү 42 Мбит/сек. ылдамдыгы менен берилет. Бул 3G технологиясын пайдалануудагы ылдамдыктан үч эсе жогорку көрсөткүч.

Sputnik (sputniknews.com) — мультимедиалык маалымат хабы. Анын өкүлчүлүгү ондон ашык мамлекетте бар. Sputnik мультимедиалык хабы өзүнө сайттарды, радио уктурууларды, мобилдик тиркемени камтыйт. Андан сырткары, социалдык тармактарда баракчалары бар. Sputnik агенттиги дүйнөдө болуп жаткан окуяларды отуздан ашык тилде маалымдайт.

42
Белгилер:
тренинг, журналист, Beeline, Sputnik
Тема боюнча
Sputnik агенттиги Кыргызстан менен Иорданиянын беттешүүсүн түз алып көрсөтөт
Өспүрүм балдар. Архив

Туугандары изделүүдө. РФтен кыргызстандыктар таштап кеткен 5 бала алып келинди

53
(жаңыланган 16:02 17.05.2021)
Министрлик бөбөктөрдү кайтарып берүү үчүн тууган-туушкандарын издеп жатат. Азырынча кичинекейлер балдар үйүнө жайгаштырылган.

БИШКЕК, 17-май — Sputnik. Кыргызстанга Москва шаары менен Москва облусунан эки жашка толо элек беш бала алып келингенин Саламаттык сактоо жана социалдык өнүктүрүү боюнча министрликтин маалымат кызматынан кабарлашты.

Бул бөбөктөрдү кыргызстандык кыз-келиндер Россиядагы төрөт үйлөрүнө таштап кетишкен. Кичинекейлер мекенине алып келингенден кийин балдар үйлөрүнө убактылуу жайгаштырылган. Маалыматта министрлик бөбөктөрдү кайтарып берүү үчүн тууган-туушкандарын издеп жатканы айтылды.

2021-жылдын башынан тарта Кыргызстанга 11 бөбөк алып келинген. Алардын алтоосун ата-энеси таштап кеткен.

53
Белгилер:
балдар, Россия, Кыргызстан
Тема боюнча
Чүйдөгү балдар үйүнөн качып кеткен өспүрүм изделүүдө. Сүрөт
Аял керосин лампаны күйгүзүп жатат. Архив

18-майда Бишкектин бир нече районунда жарык болбойт. График

39
(жаңыланган 16:02 17.05.2021)
Электр жарыгы шаардын кичи райондорунда, айрым конуштарда, ошондой эле бир катар көчөлөрдө өчүрүлөт.

БИШКЕК, 17-май — Sputnik. Эртең, 18-майда, Бишкектин айрым райондорунда убактылуу жарык болбойт. Бул тууралуу маалымат "Түндүк электр" ишканасынын расмий сайтына чыкты.

Бул күнү мекеменин жумушчу топтору үйлөрдүн электр зымдарын, трансформаторлорду жана көмөк чордондорду оңдоо иштерин жүргүзөт.

График:

  • Саат 09:00 дөн 17:00 гө чейин — 10-кичи райондогу №1 көп кабаттуу үй;
  • Саат 09:00 дөн 18:00 гө чейин — Арча-Бешик, Ынтымак, Киргизия-1 конуштарында, ошондой эле Азия, Абдрахманов, Шералиев, Садырбаев, Эркин-Тоо, Бос-Бөлтөк, Кожомкулов, Буденный, Абдраимов, Жеңиш, Баялинов, Малышев, Минск жана Багратион көчөлөрүнүн айрым бөлүктөрүндө жана Беломорский кууш көчөсүндө электр жарыгы убактылуу өчөт.
  • Саат 09:00 дөн 18:00гө чейин —Токомбаев көчөсүнүн Байтик баатыр көчөсүнөн Жукеев-Пудовкин көчөсүнө чейинки бөлүгү.
39
Белгилер:
оңдоо иштери, өчүрүү, "Түндүк Электр" ишканасы, Бишкек, электр жарыгы
Тема боюнча
Суусу азайып кеткен Токтогул суу сактагычынан таасирдүү 15 сүрөт
Депутат Алтынбек Сулайманов. Архив

Кумтөр бул рак! Депутат алтын кенин таптакыр жаап салууну сунуштады

0
(жаңыланган 18:23 17.05.2021)
Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

БИШКЕК, 17-май — Sputnik. Жогорку Кеңештин "Бир Бол" фракциясынын лидери Алтынбек Сулайманов Кумтөр кенин жаап салууну сунуштады.

Бүгүн, 17-май күнү, парламентте аталган ишкананы сырттан башкарууга алуу маселеси каралып жатат.

Эл өкүлү мындай сунушун экологияны сактап калуу керек деп түшүндүрүп, коңшу Кытай өлкөсүн мисал келтирди.

"Кытай 30 жылда бизге окшоп миллиард эмес, триллиондорду таап, бирок экологиясын талкалап алган. Эми 30 жыл иштеп, экономикасын көтөргөн акчанын баарын салса дагы кайра калыбына келтире албасын түшүндү. Азыр башкаларга экологияңарды сактагыла деп айтып жатат. Бүткүл дүйнө экологияны биринчи орунга коюп, жашыл экономиканы көздөй бара жатат", — деди депутат.

Сулаймановдун айтымында, Кумтөрдү кайсы тарап иштетсе дагы мындан ары өлкөнү зыянга гана учурата берет.

"Мамлекет начар менеджер" деп бекеринен айтылбайт. Өзүбүз иштетсек деле талап-тонолуп, экология ого бетер талкаланат. Биз жаратылышка каршы чыгып элдин, балдарыбыздын саламаттыгын садага чаап жатабыз. Кумтөр — бул рак, акырындык менен күчөп бара жатат. Аны азыр кесип алып салып, бул теманы жабышыбыз керек", — деди Сулайманов.

Анын ордуна эл өкүлү "дүйнө эли сыяктуу инновация жана башка тармактарды өнүктүрүп, акылдуу жаштардын "мээсин" пайдаланууга чакырды.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
сунуш, Алтынбек Сулайманов, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кумтөр боюнча келишимдерге кол койгон аткаминерлердин тизмеси
Эки талапкер бар. "Кумтөр Голд Компани" ишканасын ким башкарышы мүмкүн