Питейные заведения Москвы

Жер титирөө Кара-Суунун беш айылында арак сатууну токтотууга себепкер болду

453
(жаңыланган 14:46 30.11.2015)
Айылдык депутаттар жер титирөөдө мас болгондор туйбай калып, кырсыкка кабылбасын деген максатта ичимдиктерди сатууга тыюу салган.

БИШКЕК, 30-ноя. — Sputnik. Жергиликтүү кеңештин депутаттары атайын токтомдун негизинде Кара-Суу районундагы Кызыл-Суу айыл өкмөтүнө караштуу беш айылда арак сатууга тыюу салды. Бул чечим жер титирөө болгондон кийин кабыл алынды деп билдирди Sputnik маалымат агенттигине Кызыл-Суу айыл өкмөтүнүн башчысы Муратбек Нышанбаев. 

Мындай чечимди кабыл алууга жер титирөө себеп болгондугун айыл өкмөтү айтып берди. Зилзаланын эртеси, 18-ноябрда айылдык кеңештин депутаттары кезексиз сессия өткөрүп, өзгөчө кырдаал болгондугуна байланыштуу айыл ичиндеги дүкөндөрдө спирт ичимдиктери сатылбасын деген токтом чыгарган.

"Жер титирегенден кийин кээ бири стресс болот, кээ бирлери ичип алышы мүмкүн эле. Жер улам силкинип туруп албадыбы. Ичип уктап калып, жер кайрадан титирегенде туйбай калбасын деп, жарандардын коопсуздугун сактоо максатында тыюу салдык ", — деди Нышанбаев.

Ал аракты четтетүү иштери мурда эле участкалык милиция менен иш планда болгондугун, бул бардык айылдарга тиешелүү экендигин айтты. Айыл өкмөтүнүн айтымында, эми айыл ичинде өткөн той-аштарда да арак аттуу дасторконго коюлбайт экен.

"Убактылуу эмес, таптакыр эе саттырбай коюуга аракет кылып жатабыз. Мунсуз деле жашоого болот", — деди Нышанбаев. 

17-ноябрда болгон болгон жер титирөөгө Ош облусунун Кара-Суу районундагы Чайчы айылы да кабылып, силкинүү күчү 6-6,5 баллга жетип, бир нече үйлөр жабыркаган. Ош аймагында андан кийин да жердин термелүүсү улам-улам кайталанып турган.

453
Белгилер:
тыюу салуу, арак, Муратбек Нышанбаев
Тема:
Кыргызстандын түштүгүндө болгон жер титирөө (52)
Тема боюнча
Сариев жер титирөөдөн жабыркагандарга берилген жардамдарды жеринен барып көрөт