Газетадан жасалган шляпа кийген бала. Архив

Беш өрдөк: Текебаевдин кекиртегине чыккан "рак", эптеп илимдин кандидаты болгон Алтыбаева

2020
(жаңыланган 20:17 07.12.2015)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

Текебаевдин тамагына чыккан "рак"

"Азия news" гезити 3-декабрда чыккан санында "Ата Мекен" фракциясынын лидери Өмүрбек Текебаевдин тамагына шишик пайда болуп, аны Бишкектеги врачтар рак катары шектенишиптир деп жазат.

"Өмүкенин тамагына шишик пайда болуп, аны Бишкектеги чала сабат врачтар рак катары шектенишиптир. Маанайы түшүп, көзү жашылданган Өмүрбек Чиркешевич түз эле Түркияга учуп барып, ал жактан да анализ тапшырып, бактыга жараша рак эмес, жөн гана шишик экени ырасталыптыр", — деп жазат аталган гезит.

Өмүрбек Текебаев менен бир күн кечке байланышууга мүмкүн болгон жок. Бирок, көптөн бери Текебаев менен чогуу иштеп жүргөн партиялашы Алмамбет Шыкмаматов гезиттин жазгандары жалаң калп деген пикирин Sputnik агенттигине билдирди.

"Булардын баары карандай калп, азыр гезиттин баары "өлгөн атыптыр, куураган атыптыр" деп эле жазып жатышат. Жалаң ушактын үстүндө жүрүшөт. Текебаевдин ден соолугу азыр эң сонун", — деген жообун узатты.

Асылбек Жээнбековду ортого салып илимдин кандидаты болгон депутат Алтыбаева

Де-Факто гезити 4-декабрда чыккан санында КСДП фракциясынын депутаты Айнуру Алтыбаева төрага Асылбек Жээнбековду ортого салып юридикалык илимдердин кандидаты болуптур деп жазды.

"Алтыбаева айым "өз колу, маңдай тери" менен жазган кандидаттык ишин комиссияга жөндөп окуп бере албай, Өзбекстандан келген комиссиянын төрагасынын "өллө" жинине тийген экен. Ушундай кандай болсун деген ал киши "илимди булгабай, кандидат болбой эле койсун" деп анын ишине кол койбой койгон экен. Айласы алтыга бөлүнгөн Алтыбаева ортого спикер Асылбек Жээнбековду салып "бул биздин ай чырайлуу Айнура деген депутатыбыз" деп өзбекстандык төраганын ар жак, бер жагынан чыгып жатып эптеп көндүрүп кол койдурушуп, Алтыбаеваны юридикалык илимдердин кандидаты кылышыптыр", — деп жазат аталган гезит. 

Жогорку Кеңештин депутаты Айнуру Алтыбаева гезиттин жазгандары жалган жалаа экенин айтып, аны сотко бере турганын Sputnik агенттигине билдирди.

"Жогорку Кеңештин төрагасына жана диссертациялык кеңешке жалаа жаап, алардын аброюна доо кетире турчу нерселерди жазганы үчүн гезитти сотко берүү чечимине келдим. Азыр диссертациялык кеңештин чечимдерин, стенограмманын көчүрмөлөрүн даярдап жатам", — дейт эл өкүлү.

Ал өз сөзүндө гезит жазгандай диссертациялык кеңиштин төрагасы өзбекстандык эмес, кыргызстандын эле жараны, кыргыз экенин кошумчалады. 

Бала-бакырасы менен Пакистанга барууну каалаган Бектур Асанов

"ПолитКлиника" гезити 3-декабрда чыккан санында Бектур Асанов Бишкектеги чайханада Пакистандын Кыргызстандагы элчиси Абдул Матин Хан менен чай ичишип, чер жазыша баарлашканын жазып чыкты.

"Палоого тоюп чайлашкандан кийин Асанов бала бакырасы менен Абдул Матин Хан мырзадан Исламабад шаарына барып келүүнү өтүнгөн. Пакистанга жулунганын көрүп, Бектур Асановго окшогон адам бекер жеринен Пакистан элчисинин этегине ээк төшөбөрүн эстен чыгарбоо керек. Анткени бүгүнкү күнгө дейре бул мамлекет ар кандай террористтик жана диний-экстремисттик коркунучтарды жаратуунун булагы бойдон калууда", — деп жазат аталган гезит.

Бектур Асанов Sputnik менен болгон маегинде аны жаманатты кылуу үчүн жогору тараптан ушундай аракеттер болуп жатканын айтып, элчи менен ал эле эмес башка ишкерлер да жолукканын билдирди.

"Мен Пакистанда элчи болуп иштегем. Андыктан Кыргызстанга жаңы келген элчини коноктоп коюу мен үчүн парз. Экинчиси ал жакта жеке эле мен эмес, башка ишкерлер дагы болгон. Алар Кыргызстандын төө буурчагы өтпөй жатат, элчи менен таанышалы дешкен. Андыктан ал жакта Кыргызстандын дыйкандарынын өстүргөн төө буурчагын Пакистанга да алып чыгуу боюнча сүйлөшүүлөр болду", — дейт Асанов. 

Ал эми гезит жазып жаткандай бала-бакырасы менен Пакистанга жөнөйүн деген ою жок экенин кошумчалады.

2020
Белгилер:
пресса, гезит, Өмүрбек Текебаев, Асылбек Жээнбеков, Кыргызстан
Тема:
Беш өрдөк – айың-кептер айылы (23)
Тема боюнча
Беш өрдөк: адалсынган Зулпукаровдун эшекканасы жана Мадумаровдун "бандасы"
Беш өрдөк: Бакиевдин китептерин жазган Раев, бажычылардын чөнтөгүн жукарткан Раимбек
Беш өрдөк: Рахман менен Жамбылды "ууру туткан" Борончу, кызмат сураган Сарпашев
Проект строительства логистического центра по переработке и сортировке баткенского урюка и текстильной фабрики в Баткенской области

Жылына 8 тонна. Баткенде өрүктү кайра иштеткен логистикалык борбор курулууда

48
(жаңыланган 17:02 12.08.2020)
Мындан тышкары текстиль фабрикасынын курулушу башталган. Ишкерликтин бул түрлөрүнө төрт гектар жер бөлүнүп, 14 миллион доллар каражат салынган.

БИШКЕК, 12-авг. — Sputnik. Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты. Бул тууралуу өлкө башчынын маалымат кызматы кабарлады.

Ага ылайык, өнөр жай түрлөрү үчүн төрт гектар жер бөлүнгөн. Өрүктү кайра иштетүү боюнча долбоорго 8 миллион долларга жакын инвестиция салынган.

  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өнөр жай түрлөрү үчүн төрт гектар жер бөлүнгөн.
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Өрүктү кайра иштетүү боюнча долбоорго 8 миллион долларга жакын инвестиция салынган.
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с проектом по строительству логистического центра в рамках рабочей поездки в Баткенскую область
    Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда
    © Пресс-служба президента КР / Султан Досалиев
  • На месте строительства логистического центра по переработке и сортировке баткенского урюка и текстильной фабрики в Баткенской области
    Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Сооронбай Жээнбеков Баткенге болгон сапарынын алкагында өрүктү кайра иштетүү жана сорттоо боюнча логистикалык борбор менен текстиль фабрикасынын курулуш долбоорлору менен таанышты.
"Борбордун ишке кириши менен 200 жумушчу орун түзүлүп, ал эми жергиликтүү фермерлер өздөрүнүн продукциясын — даңазалуу Баткен өрүгүн сатууну жөнгө сала алышат. Жыл сайын сегиз тонна өрүктү кайра иштетүү үчүн мүмкүнчүлүк жаралат", — деп айтылат маалыматта.

Ал эми текстиль фабрикасын куруу боюнча долбоордун жалпы суммасы дээрлик 6 миллион долларга бааланууда. Фабрика кийинки жылдан тарта 1 000 жумушчу орун түзүүнү жана жылына 400 миллион сомго жакын продукция чыгарууну пландаштырууда.

Көйгөйдүн баары ачыкталды. Президент Баткенде оңдолуп жаткан оорукананы көрдү

Өз кезегинде Жээнбеков ишкерликтин мыйдай түрлөрү колдоого аларлык экенин белгилеген.

Долбоорлордун курулуш иштерин толук бүткөрүү 2020-жылдын декабрына пландалган.

48
Белгилер:
курулуш, долбоорлор, ишкер, өнөр жай, фабрика, өрүк, Сооронбай Жээнбеков, Баткен
Тема боюнча
Шерипов: көлдүктөр жаңгакка кызыкдар эмес, алма-өрүккө көнүп алышкан
Ат-Башыга курулчу логистикалык борбор: инвестордун 45 миллион сому кайда?
Өкмөт: Ат-Башыга логистикалык борбор курчу инвесторго 45 млн. сому кайтарылат
Эстеликтеги гүлдөр. Архив

Эл акыны Гүлсайра Момунова дүйнө салды

62
(жаңыланган 16:57 12.08.2020)
Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн. 1971-жылы Жазуучулар союзунун, 1965-жылдан тарта СССР Журналисттер союзунун мүчөсү болгон.

БИШКЕК, 12-авг. — Sputnik. Кыргыз Республикасынын эл акыны Гүлсайра Момунова оорудан улам каза болгонун жакындары тастыктады. Алардын айтымында, 83 жаштагы акын пневмонияга кабылып, үч күн мурун ооруканадан чыккан.

Алдын ала маалымат боюнча, Момунованын сөөгү 13-август күнү "Ала-Арча" көрүстөнүнө коюлат.

Гүлсайра Момунова 1937-жылы 30-декабрда Талас облусунун Бакай-Ата районуна караштуу Кең-Арал айылында төрөлгөн.

1971-жылы Жазуучулар союзунун, 1965-жылдан бери СССР Журналисттер союзунун мүчөсү болгон.

1987-жылы "Кыргыз Республикасынын маданиятына эмгек сиңирген ишмер" наамын алган. 2001-жылы "Эр Манас урпагы" медалы менен сыйланып, 2003-жылы "Түгөлбай Ата" адабий сыйлыгынын лауреаты болгон. 2011-жылы Кыргыз Республикасынын эл акыны наамын алган.

62
Белгилер:
өлүм, оору, акын
Тема боюнча
Экс-министр Жамал Ташыбекова көз жумду
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

0
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

0
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы